امي وزوجتي بقلم سولييه نصار
المحتويات
سكريبت بقلم سولييه نصار
قومي يا اختي فزي بقينا الضهر البيت يضرب يقلب ...
قومت بفزع ولقيت حماتي قدامي شديت البطانية عليا لاني كنت لابسة ..
بصيت جمبي ملقيتش عمر ....
بتدوري علي مين يا حلوة ...عمر راح شغله....يالا انتي كمان عشان تعملي شغلك تحت ...كفاية اسبوع شهر عسل ...
شغل تحت !
ايوة الشغل يا عينيا هو انتي فاكرة هتفضلي نايمة كده علطول ...فزي يا بنت وقومي وبلاش دلع ماسخ البيت تحت عامل زي الزريبة ولا انتي عايزة تأكلي زي الجاموسة وخلاص ...اعملي بلقمتك ..
كلامها جرحني من جوا ...عيوني بدأت تدمع وجسمي بدأ يترعش وقولت
قومت وانا حاسه بتعب في كل جسمي بس جيت علي نفسي وقومت اخدت دوش سريع وبعدين لبست ونزلت تحت ...
كنا واقفة مبهوتة وانا شايفة الدنيا اللي متبهدلة...ده كأنه زريبة مش بيت ...معقول هما عايشين كده ازاي حطيت ايدي علي راسي وانا بتأكد دلوقتي أن حياتي هنا مش هتكون سهلة ابدا
شمرت أيدي وبدأت أرتب البيت وانضفه ...وحماتي وبنتها كانوا بس قاعدين علي التلفزيون ....
هو مفيش حد هيساعدني ولا ايه ....
بصتلي حماتي وهي بتبتسم بسخرية وقالت
اومال حضرتك فايدتك ايه ....بنتي تعبانة وانا ست كبيرة مش قادرة علي الشغل ...يالا عشان تحضري الغدا قبل ما عمر جوزك يجي ...
حسيت پغضب الدنيا جوايا بس مرضتش اعمل مشاكل ....اتنازلت بس عشان خاطر عمر ...بس للاسف مكنتش اعرف اني عشان اتنازلت مرة مطلوب مني أتنازل علطول
انا بجد تعبت النهاردة يا عمر مامتك عدمتني العافية النهاردة. .....دي حتي مهانش عليها انها تخلي اختك تساعدني أنا شيلت الليلة لوحدي ...
اتنهد عمر وقال
انا اسف يا بيان ...اسف ليكي ...بس دي امي مقدرش اټخانق معاها ولا اكلمها ....معلش خديها علي قد عقلها وانا هحاول اكلمها تهدي عليكي شوية ...
عشان خاطرك بس هتنازل ...انا معنديش اغلي منك
مرت الايام والأسابيع وشهور كمان وانا اللي شايلة البيت فوق وتحت مرة أخته تساعدني وكتير لا ...طبعا اتنازلت مرة ...طبيعي أتنازل علطول ...كانت حماتي قاسېة معايا احيانا بتهينني بس اللي كان مصبرني هو عمر ...عمر كان دايما بيطيب خاطري دايما ...علطول بيعتذر وبيطلب مني استحمل ...وانا عشان خاطره بس كنت بستحمل الإهانة والقرف ده ...كنت احيانا ادخل الحمام بس عشان ابكي
يعني ايه!مش هقدر ابقي ام ...
قولتها پصدمة وصوتي مخڼوق للدكتورة ...مسك عمر أيدي وقال
اهدي يا حبيبتي ...اهدي ...
بصتلي الدكتورة وقالت
لا
يا بيان اهدي ...طبعا مش قصدي أن مفيش
متابعة القراءة
