حب مستحيل ساره اللومي

أبين له اني متضايقة.
لسة بدري انا كنت عايز اتكلم معاك في حاجة ده انا ما صدقت أخيرا اني اتلميت عليكي! و ضحك ضحكة عالية
رديت باستغراب نعم!!!
قصدي تسمحيلي اقعد معكي شوية مش معقول هنفضل واقفين عالباب اتعدل في وقفته و كان بيكلمني باحترام و كان فعلا منظره يضحك أصل مش متعودة اشوفه كدة ما عرفتش اتهرب كنت مكسوفة و خاېفة مع كدة حاولت اتظاهر بالقوة كنت عارفة اني كدة كدة مش هاعرف اطلع من قدامه قولت ماشي نتكلم اتفضل .

قعدنا انا عند شجرة وهو حط رجله على شجرة تانية قصادي و فضل يبص لي ما عرفتش اطلع عينيا من الارض فضلت مستنية هيقول ايه
فضلنا على كدة يجي 10 دقائق بعدها انا حسيت بعيونه مش عايزة تبعد عني اتوترت جدا قلت له بعدم ارتياح هو انت مش قلت عايز تكلمني في حاجة
قعد قصادي بكل جرأة و ضحك تصدقي بالله !
انا بارتباك لا اله الا الله !
نسيت كنت هقول ايه !! 
يا سلام!!! طب حيث كدة انا رايحة لما تفتكر بق..
و انا لسة كنت هقووم قام شدني من ايدي و وقف في وشي ! شلت إيدي بسرعة كان قلبي هيقف من الدق حسيت حرارة جسمي بقت 45 اټخضيت و صړخت في وشه انت اټجننت ازاي إيدي ! قال يعني قوية و مسيطرة! بس انا كنت مړعوپة مش قادرة اصدق اللي بيحصل لي و خاېفة يبان عليا هو حقيقي محمد ! بقى جسمي كله بيترعش هو افتكرني زعلت قالي حقك عليا بس و الله ما كان قصدي اهدي بس مالك ما حصلش حاجة !
لا حصل و ابعد عني عايزة اروح! وشي أحمر هو خاف و بعد عني..
حاضر بعدت بس ارجوكي ما تروحيش لسة ما اتكلمناش
هنتكلم في ايه و انت اول ما اتكلمت قليت ادبك و ! تكونش فاكرني واحدة من البنات اللي بتعرفهم!!
بعرفهم قال بصوت واطي بس مسموع نسبيا تبقى اكيد ام قويق حكتلك عني حاجات مهببة ٫ طيب يا حياة الكلبة ان ما وريتك!!
بص لي و قال بصوت فيه رجاء و حنية اسمعي يا بنت الناس و الله ما كان قصدي و لا في نيتي انتي ضيفتنا كل اللي كنت عايزه اننا نتعرف على بعض ممكن تهدي و تقعدي و تديني فرصة ! ارجووووكي و انا عمري ما اترجيت بنت !
بصراحة انا كنت بضحك في سري ما هو انا حافظاه و عارفة ان كل البنات پتخاف منه لما يتعصب كنت متأكدة ان لو واحدة تانية اتحطت في الموقف ده و قالتله قليل أدب كان مسح بكرامتها الارض و عمر ما كان حد يتخيل ان محمد يترجى واحدة زي ما هو بيترجاني قلت يا بنت انتي بتحبيه بتعاندي في نفسك ليه شوفيه عايز منك ايه بلاش قسۏة 
قعدت ببرود حاضر هديت و اديني قعدت .
بس فضلت مكشرة و واخذة موقف هو يعني هعديهاله كدة بالساهل!! كان خاېف يزعلني اكثر و فضل يختار الكلام اللي بيقوله يسألني عن بيتنا و بيحاول من خلال اسئلة عادية 
بسمة مش انتي اكبر اخواتك ولا انا غلطان!
لا أحمد هو الكبير .
هو بيشتغل ايه دلوقت 
لا هو لسة بيدرس دبلوم ميكانيكا
و انتي مش كنتي في الجامعة
اه لسة مخلصة و هاشتغل اول ما الإجازة تخلص.
هو انتي اخترتي تخصص ايه 
رياضيات ثانوي.
هو سمع الكلمة دي و صفر تصفيرة طويييلة الله اكبر !! اكثر مادة كنت بكرهها و بسببها سقطت و طلعت من المدرسة .
كنت بسمعه و بضحك اصلي افتكرت حكايته مع المدرسة حكتلي عنها حياة
Flash back
كان في الاعدادي و المدرسة سألته سؤال سهل جدا ومع كدة فضل متنح لها ببرود و من كثر ما اتنرفزت من بروده قالت له حمار ..وكمان بارد !
هو الډم غلي في عروقه و مرة وحدة راح ضاړبها قلم على وشها وقعها الارض عملوله محضر تأديب و طردوه من المدرسة.
Back
كنت سارحة في الحكاية و باضحك من غير قصد فجأة لقيته قصاد وشي بيقولي تصدقي ان ضحكتك لذيذة اوي !!!
قمت بسرعة ما بلاش قلة الاحترام دي! هو انت كل شوية هتنسى نفسك معايا
بس خلاااااص بلاش تزعلي هو كل شوية تفزي و تتخضي كدة!! ما انا كمان معذووور قدامي جمال رباني مش عارف ألم نفسي الصراحة و ضحك بعلو صوته..
يا نهارك اسود يا بسمة ! و بعدين في الوقعة السودة دي مش هتعرفي تطلعي دلوقت لازم تلاقي حل و تهربي الواد مچنون بجد! سكتنا احنا الإثنين شوية ..بعدين ابتدا يتكلم عن نفسه و عن بيتهم و عن شغله مرات يسألني و بعدها يقطع لي الكلام و يكمل هو يبتدي موضوع بعدين ينسى كان