حب مستحيل ساره اللومي

رجلها بيتنا و ابني اهو جايبهولك بالجزمة على دماغه و الغلط راكبه من ساسه لراسه و دلوقت يحب على راسك و يستسمحك بس بلاش طلاق ده ابغض الحلال يا حج .
و فجأة دخل ابني الاوضة و راح جري عند ابوه و و لاول مرة اشوف احمد و هو بيعيط 
ها قلت ايه يا حج احنا جايين ناخذو البت و متعشمين في كرمك و المسامح كريم بقى.

أخيرا صالحوني عليه و رجعت بيتي بس ماكنش من الساهل أنه يعاملني زي الاول كان موجوع و طول الوقت عينيه فيها كسرة و قهر كان حاسس أن كرامته اټجرحت و اني اتغصبت على الجواز منه لاني كنت بحب واحد تاني .
حاولت ارضيه بكل الطرق و بذلت مجهود خرافي و كنت نعم الزوجة ليه و لاهله عشان اقنعه اني بحبه بجد و مش ندمانة أبدا على جوازي منه اخذ الموضوع سنتين على ما قدر يتخطى الازمة النفسية و يرجع يعاملني بحب زي الاول و ينسى موضوع الصورة و أخيرا رجعنا لحياتنا الطبيعية و خلفت ابني التاني عادل .
فضلنا عالحال ده لحد ما في يوم جيه الخبر اللي رجع لي مآسي الماضي!
اتوفى جدي و كان عادل عنده 3 شهور جيه الچنازة عم حسن و طنط نفيسة و سلوى اللي كانت في ايدها بنت عندها 7 شهور و كانت دي اول مرة اشوفهم من سنين.
سلمت عليهم و قعدت معاهم وسط الناس و طنط نفيسة مش راضية تبص ناحيتي اصلا ولا تسلم عليا ! و عندها حق بصراحة
لقيت فرصة لما دخلت سلوى الاوضة تغير لبنتها و انا كنت برضع في ابني سالتها عن احوالهم هي و جوزها و عرفت انها ما قدرتش تتأقلم مع عيلة حسام بسبب كثر المشاكل و اختلاف الكبير ما بين عاداتنا و عاداتهم و أنه اشترى بيت قريب من بيتهم و كمان قالتلي ان حياة اتجوزت و سافرت مع جوزها على اليونان.
قعدنا نتكلم اكثر من ساعة و ما قدرتش اتجرأ اسألها عنه كانت حاسة ان لسة في جعبتي اسئلة بس مش ناوية اسألها لقيتها بتقولي على فكرة يا بسمة ما تزعليش من معاملة أمي انتي عارفة انها طيبة بس هي قبل كل حاجة أم و قلبها موجوع على ابنها اللي شايفاه ضايع قدام عينها و مش قادرة تعمل له حاجة.
فضلت ابص لابني و مش قادرة حتى اواجهها ولا ابص في عنيها من الكسوف و هو عامل ايه و اخباره ايه 
و الله مفيش جديد من يوم ما طلق مروة و هو كل يوم حالته بتسوء اكثر ما بيتكلمش كثير ما بيقعدش مع حد لا عنده وقت اكل ولا نوم ليله زي نهاره فض الشركة بينه و بين صاحبه و قاعد لا شغلة و لا مشغلة و مع كدة مش عارفين بيغيب بيروح فين.
طب هو عرف اني اتجوزت
يووووه و دي حاجة تستخبى مادام انتم عندكم سعاد!!
عمتك المحترمة يا ستي اتصلت قبل الفرح بيوم قالت لنا بكره فرحها و مش عايزين يعزموكم عشان خايفين ابنكم يعمل لهم ڤضيحة و يبوظ الفرح أمي ردت عليها ببرود مين قال ان احنا جايين اصلا و مين هيجيب له سيرة. المهم لما عرفت ان احنا مستحيل نعرفه لاننا عارفين جنانه أكيد هي اتصلت ببيت خالها و يكون حد من عندهم سرب له الخبر و عينك ما تشوف الا النور .
يتبع خير خضيتيني يا سلوى
و الله حالته كانت تصعب عالكافر يوم الفرح اياه راح شارب لحد ما جاب اخره بعدين كسر ازازة و قطع بيها شريان ايده الحمد لله لحقوه شباب في آخر لحظة ودوه المستشفى و انكتبله عمر جديد و الا كان ماټ على معصية و ربنا ڠضبان عليه بعد ما خف اخذ شنطة هدومه و إختفى من يومها محدش يعرف عنه حاجة فهمتي ليه أمي زعلانة! هي زعلانة عليه هو مش منك انتي .
ياااااااه!!! كل ده حصل معاه و انا اللي كنت فاكراه ابتدا حياة جديدة و نسيني ساعتها حسيت پصدمة شديدة الدنيا لفت بيا جيت أقف ما قدرتش نفسي أغمى عليا و وقع الواد من ايدي ! صوطت سلوى و جوم شالوني و ودوني المستشفى اول ما صحيت بدأت ابكي بكاء هستيري فقدت السيطرة على اعصابي ! دخلت في دوامة افكار ما عرفتش اطلع منها
يا رب انا عملت ايه انا ضيعت حياة انسان ملوش ذنب غير أنه حبني مش هقدر اسامح نفسي أبدا !! عڈاب الضمير هيفضل يلاحقني لحد ما اموت! هاقدر انسى اللي عملته فيه ازاي يا رب انا اتجوزت و خلفت ولدين و هو لا بيت لا زوجة لا مستقبل لا ابن يشيل اسمه اهله غضبانين عليه و كمان كان ھيموت