روايه روعه بقلم اسماء عبدالهادي
هتتقلب فوق راسي
...مش فاهمة يا هدى احكي ومټخافيش مش هقول لحد
...وعد يا امل
...وعد والله يا هدى مټخافيش
هدى حكتلها حكايتها كلها وقالت ...واللي خلاني اركب ف اليوم دا مع سيف انه مكانش معايا تمن المواصلات فاضطريت اركب معاه والله لكن خلاص عرفت غلطتي ومش هركب مع اي شاب تاني حتى لو كان ابن عمي
امل حطت ايدها على بوءها پصدمة ....لا مش مصدقة يعني ابوكي رجل الاعمال المشهور دا وانتي مش معاكي حتى تمن المواصلات ازاي دا انا مش قادرة اصدق او اعقلها
امل بحزن علشانها ...يا حبيبتي يا هدى ربنا يعينك ع حالك يا حبيبتي
هدى ضحكت ...شوفتي السخف بقا رايحة مع اختي اعمل شوبنج ع اني بنت الطباخة وكمان مش معايا تمن حزام حتى
امل.... يا حبيبتي يا هدى طب بصي بلاش تروحي علشان متحرجيش روحك هناك
امل اشفقت ع هدى وقالت.... هدى طب خدي الفلوس دي كنت محوشاهم خديهم معاكي يمكن حاجة هناك تعجبك وتعوزي تشتريها
....لا لا مش هشتري مټخافيش مش هحرج نفسي يعني
....فاهمة بس انتي ڠصب عنك لازم حاجة هتعجبك وهتحبي تشتريها فهاتيها بالفلوس دي
....يا بنتي عادي وقت ما باباكي يفكها عليكي ابقي رديها عادي
....لا يا امل مش هينفع
...لا يا هدى علشان خاطري خديهم متزعلنيش منك ويارب يكفوا يارب
هدى.... تسلميلي بجد يا امل انا مش عارفة اقولك ايه
امل اخدتها ف حضنها جامد
فڠصب عن هدى عيطت جامد..... انا تعبانة اوي يا امل الوضع اللي انا عايشة فيه محدش يتحمله بس مش راضية اظهر حزني وضعفي غلشان خاطر ماما ضحت كتير علشاني ومش عايزة ازعلها عارفة ومتأكدة انها مقهورة عليا بس مش بيتبين دا ما هو ما باليد حيلة
وجم يدخلوا المحاضرة لقو نفسهم اتأخروا
هدى ....انا اسفة يا امل ضيعت عليكي المحاضرة
ابتسمت امل ....ولا يهمك بس تعالي نحاول لو وافق يبقى حلو اوي لو موافقش يبقى نيجي ونفطر ع رواقة
وبالفعل راحوا للمدرج لكن الدكتور مرضيش يدخلهم فلسه هيرجعوا لقوا يزن
امل.... دكتور حسام مش راضي يدخلنا علشان اتأخرنا
يزن لاحظ عيون هدى فقال... هدى انتي كنتي بټعيطي علشان كدا تعالي هدخلكم بس انتي جاية من بدري ليه مدخلتيش علطول
امل انقاذا للموقف ...اسفة انا اللي اخرتها يا دكتور
يزن ....طب اقفوا هنا لحظة
ودخل هو لحسام وسلم عليه وطلب منه انه يدخل البنات ويسامحهم المرة دي فوافق حسام
الطلبة كلهم صقفوا لحسام ويزن
فاستأذن يزن ومشي
فهمست امل لهدى ...ابن عمك دا طلع جنتل مان اوي زي فعلا ما بيقولوا عليه
اتنهدت هدى بابتسامة ومعلقتش
وتابعوا شرح الدكتور
وبعد ماخلت راحت هدى مع كارما للمول وهناك شافوا....
نوفيلا فقيره في بيتي ٣
خلاص قربت كارما توصل للمول اللي هيدخلوه
فشافت عربية حد تعرفه فوقفت عربيتها
ونزلت شاورتله
....چو چو ابيه يوسف استنى
وقف يوسف عربيته ونزل منها بطلته الساحرة اللي علطول بټخطف قلب اي بنت وخاصة كارما لكنها مش واخدة بالها قلع النظارة وقال
.... مش معقول كارما ايه اللي جابك هنا
اتحرك من مكانه وراح عندها ف عربيتها
فقالت كارما ....أبيه يوسف عامل ايه وحشتني
هدى ل نفسها ....يوسف وابيه معقول يوسف اخو كارما يعني اخويا
وفضلت تبصله بفرحة
يوسف..... ازيك يا كوكي اخبارك ايه وجاية هنا بتعملي ايه
بص يوسف للمركز التجاري فابتسم وقال .....ااه فهمت مش بتضيعي وقت
ضحكت كارما ....اه طبعا الحمد لله ان يزن وافق واداني فلوس كمان انت بقا جاي هنا تعمل ايه
....عندي اجتماع مع الوفد الروسي هنا ف الفندق
....واو روسي الله يا ابيه انا عايزة اجي معاك
يوسف... تيجي معايا فين يا كارما انتي اټجننتي
....ليه لا يا ابيه انت مش وعدتني انت قلتلي لما تيجي مناسبة هتاخدني معاك وع فكرة انا كنت طول الفترة دي بتعلم روسي كويس اوي تحب اقولك اهلا يعني ايه برايفيت
ضحك يوسف ضحكة خطفت قلب كارما بس مكانتش تعرف ان حبها ليه يتخطى كونه زي اخوها يزن
....بس هو دا اللي تعرفيه عن الروسي
كارما بدلع ....بليز يا أبيه خدني معاك بالله عليك المرة دي بس بليز بليز
....يا بنتي انتي مش كنتي خارجة مع صاحباتك
...لا لا هاجي معاك وبعدين ابقا احصلهم او اكنسل الخروجة معاهم النهاردة المهم اجي معاك بلييييز
....اه اوام كدا بعتي صاحباتك
....يلا بقا يا ابيه وافق
....خلاص ماشي بم انك مصرة
كارما فضلت تتنطط بفرحة... يس يس هاجي معاك
ولفت لهدى وقالت ....هدى معلش اتنظريني ف العربية مش هتأخر عشر دقايق وهرجعلك ولما البنات توصل وحبيتي تدخلي معاهم مفيش مشكلة تمام يا دودو يلا سلام
هدى بقلة حيلة.... ماشي سلام يا كارما بس ارجوكي متتأخريش عليا
كارما.... لا مش هتأخر مش تخافي هرجعلك بسرعة
وبالفعل مشيت كارما مع يوسف لجوة الفندق علشان يقابلوا الوفد الروسي
اما هدى ففضلت ف العربية تتفرج ع الاماكن حواليها بملل
عدى عشر دقايق وصل فيهم بقية للبناات
.....هي فين كارما
هدى ....راجعة حالا اسبقوها وهي هتحصلكم
البنات ....تمام اوكي مش تخليها تتأخر علينا هنسبقها احنا سلااام
فضلت هدى تنتظر كارما كتير لحد ما زهقت ....اوف بقا انتي اتأخرتي ليه يا كارما كل دا وعشر دقايق ومش هتتأخري اومال لو هتتأخري كنتي هتعملي ايه
فجأة سمعت رنين موبايل كارما اللي ع الشحن فقالت
.... ايه دا دي كمان نسيت موبايلها هنا على الشاحن طب وبعدين انا هفضل قاعدة هنا كتير ولا ايه يا ريتني ما جيت
رن الموبايل اكتر من خمس مرات وكلهم من يزن
....دا يزن اللي بيرن يا ترى عايز منها ايه وايه طبيعة العلاقة ما بينهم علشان يرن عليها بالحاح كدا ممم طب ارد عليه ولا اعمل ايه
قررت انها ترد لانها بتكون مبسوطة لما بتكلمه
....كارما انتي فين يا بنتي ومش بتردي ليه ع اتصالاتي
فقالت.... ااا دكتور يزن دا انا هدى
يزن ....هدى ايوة يا هدى انتوا فين وكارما مش بترد ع اتصالاتي ليه
....ااه احنا كنا رايحين المول لكن كارما شافت واحد بتقوله ابيه يوسف وراحت معاه بقالها اكتر من تلت ساعة ولسه مرجعتش رغم انها قالت عشر دقايق بس
....اها راحت مع يوسف طب انتي فين دلوقتي مامتك بتسأل عليكي وكلمتني علشان اسأل كارما عليكي لأنك غير متاح ع علطول وهي قلقانه
....ااه الموبايل بتاعي فصل شحن اسفة اوي
قال بضيق ...انتي عارفة انك خارجة ليه مش بتعملي حسابك وتشحنيه كويس علشان ميحصلش اللي حصل دا
....اا والله انا كنت شاحناه بس اصل موبايلي يعني بطاريته بايظة وبتسرب شحن علشان كدا بيفصل بسرعة
....اه طيب اشحنيه من عربية كارما وكلمي مامتك وطمنيها
....ااه اشحنه ازاي من عربية كارما وكمان موبايلي مش نفس نوع موبايلها يا دكتور
....الجهاز اللي معاها بيشحن اي نوع موبايل يلا اشحنيه وكلمي مامتك
....ااه دكتور انا مش بفهم حاجة ف العربيات ودي اول مرة اركب فيها عربية زي دي مش عارفة اشحنه ازاي
.. خلاص يا هدى انا هطمن مامتك عليكي وهتصل بيوسف يرجع كارما علشان متتأخروش اكتر من كدا لان الظاهر ان مامتك مش متعودة ع غيابك وشايفها خاېفة اوي عليكي
...اه فعلا انا عمري ما خرجت مكان غير الجامعة من غير ماما.. شكرا لحضرتك يا دكتور هتعبك معايا
...تمام يا هدى سلام
وكلم يزن يوسف اللي رد من تاني مكالمة
....ايوة يا يزن عامل ايه سافرت ولا لسه
...اهلا يا يوسف لا لسه النهاردة بالليل
....تروح وتيجي بالسلامة يا باشا
....الله يسلمك يا جو بقولك ابعت كارما يلا علشان هدى والدتها قلقانة عليها ولو كارما مصرة أنها تعمل شوبنج ممكن تجيب انت هدى توصلها الفيلا عندنا
....مين هدى دي وعايزها الفيلا عندكم ليه
...اه دي بنت الطباخة الجديدة وحبت تخرج مع كارما بس والدتها قلقانة عليها
....يا ابني طالما خارجة مع
