ايه الكرتونه دي ياحبيبتى بقلم ايمان شلبي

فرحانه فيك اوي 
ليه كده ياحبيبتي ده انا زي خطيبك حتي 
كده عندك اعتراض 
لا ياحبيبتي ربنا يفرحك يارب اكتر واكتر وانا اكره ان خطيبتي قره عيني تكون مبسوطه وفرحانه 
ضحكت يسرا جامد علي رد فعله وهو قاعد يبصلها بغيظ من جواه وبيفكر ازاي هيمشي بالطقم في الشارع وخاصه شارعهم اللي بيتجمع فيه وهو وصحابه علي القهوه اللي علي اول الشارع يعني هيتحفل عليه مفيش مفر بكل الطرق !!

فات وقت كبير وهما قاعدين في الحقيقه هو كان يتمني الوقت ميعديش عشان ميخرجش من الكافيه ويمشي بالطقم في الشارع ..
يالا يا مهند الوقت أتأخر 
هه خليكي شويه ياحبيبتي لسه بدري
ياحبيبي الساعه ١٠ مينفعش كده وبعدين غريبه يعني ده انت علي طول لما بتخرجني بتيجي عليك الساعه تسعه والعفاريت تمسك عشان تروح لصحابك اشمعنا النهارده يعني 
هه أصلك وحشاني اوي تصدقي هتصدقي أن شاء الله انتي بتوحشني واحنا سوا
بصتله پصدمه واستغراب من كلمه وحشاني اللي اتقالت واللي تكاد تكون معډومة ما بينهم !
ياسلام من أمتي الرومانسيه ديه كلها 
من النهارده من النهارده في دلع متشال لحبيبتي 
ياجدع 
طبعا 
طب يالا ياحبيبي روحني
بلع ريقه بتوتر ل لازم اوي يعني 
هو اي اللي لازم
لازم نروح 
لا خلينا نبات هنا 
والله فكره لا وكريتف 
مهنندددد يالا نمشي بابا هيهزقني
قالت جملتها بصوت عالي علي آثره اتنفض مهند وهو بيقول بلهفه يالا ياحبيبتي اتفضلي ..
بعد مرور ربع ساعه
كان ماشي مهند وهو لابس الايس كاب بتاعه ومخبي وشه بالكوفيه وهو ماشي وماسك الحلل وبيتلفت يمين وشمال خاېف حد يشوفه من صحابه ساعتها هيتحفل عليه محدش هيرحمه كفايه التحفيل اللي هيشوقه من أهله 
ايه ده مش ده الواد مهند 
استني كده اه ده الجاكيت بتاعه بس هو ماله ماشي متخفي كده ليه وكأنه عامل عامله !
مش عارف تعالي كده نشوف في أي
قربوا منه وهو مازال بيتلفت يمين وشمال واول ما شافهم بيقربوا سرع في خطوته وعمل نفسه مش سامعهم ...
مهند أنت ياض انت يالا بتجري ليه
مسكوه الاتنين وهو بيبص قدامه وبيتنهد بضيق الظاهر أن مفيش مفر فعلا
ايه ياعم مهند مالك كده بتتهرب مننا في ايه 
هه بتهرب اي بس لا ا انا مسمعتش بس 
ايه الكرتونه ديه ياض 
هه د د ديه
طقم حلل تيفال
قالها واحد من صحابه وهو بيقرا اللي علي الكرتونه وبيضحك ..
اااااه انت بتجهز نفسك ههههههههه 
بدأنا بقي انا ماشي 
ياعم استني بس متبقاش قفوش كده ياراجل 
الا قولي يامهند بكام الطقم ده اصل احنا بعيد عنك بنجهز الواد اخويا اصله علي وش جواز زيك كده 
طب ايه مش هنبطل تريقه
والله ياجدع مش بتريق عليك انا عايز اعرف جايبه منين وبكام 
ا احم ا اصل ا اصل يعني 
اصل اي 
يسرا خطيبتي ا هي اللي جيباه معرفش منين بس سعره ا احم سعره غالي شويه
كام يعني ١٠٠ 
هه 
ايه ٢٠٠ 
هه 
ايه يابني اغلي شويه 
اغلي كتير
كام يعني ٥٠٠ !
زود عليهم ٢
اكيد قصدك تشيل زيرو من ال٥٠٠ والطقم ب٢٥٠ 
الطقم ب٢٥٠٠ يافقيه منك ليه 
لا اكيد بحلم أن شاء الله اكون بحلم
قالها واحد منهم وهو بيرمي رأسه علي كتف التاني اللي وقف يبص لمهند وهو بيبلع ريقه وبيرمش بعينه أكتر من مره
بطل هزارك البايخ ده يا