جهزي نفسك بقلم حسنيه محمد

بتبص للمظاهر والشكليات من الأخر إختار غلط وبعدين جاى يزعل على النتيجة!
هو بيحاول ينساها.
اه بيحاول ينساها بيا مش كده! آسفة يا نور بس أنا مش بتاعت علاقات مؤقتة أنا بحب الأمان في علاقتي بأي حد وبحب أكون مطمنة دايما إن الشخص الل بحس معاه بالأمان يكون موجود مهما حصل أستحمله ويستحملني نزعل ونتخاصم بس نفضل إنما شغل وقت مايحب ويبعد بردو وقت ما يحب ويخليني خاېفة أخسره فى أي وقت ومشككة فى مكانتى عنده دا ميناسبنيش نهائي.

سيبتها ومشيت وأنا تايهة فى كل الل فات وف نفس الوقت خاېفة م الل جاي إشمعنا الباشمهندس مالك جمال الدمنهورى عايزني دلوقت مش كفاية الل عمله مش كفاية ۏجع قلب بقا 
يابابا أنا مش عايزة أتجوز الشخص ده.
ليه عشان معاق!
حضرتك عارف إن دى أخر نقطة أبص ليها وبعدين دا قدر ربنا يعني حاجة مش بإيده وأكيد إن شاء الله هيتعافى فى يوم من الأيام.
وطالما مش باصة للنقطة دى يبقى ايه سبب رفضك بس ياهنا!
سكت مش عارفة أقوله ايه.. عايزة أقولك إني مش هقدر أتجرح تاني أنا اټجرحت من أكتر إنسان حبيته لما راح خطب واحدة تانية وهو مكانش شايفني خالص ووقت م أحاول أداوي قلبي بنفسي يظهرلي تاني بس دلوقت ظهرلى عشان ينسي ماضيه أنا.. أنا أستحق أتحب أستحق الل يحارب عشاني يا جماعة أستحق كل حاجة حلوة مش عايزة أخد بقايا غيري
هو عشان إبن صاحبك وعايز توجب معاه تجيبها فوق راسي يابابا مفيش حل تاني!
بصي ياهنا يابنتي أنا بتمنالك الخير عشان إنتي بنتي وأي أب بيكون عايز يعمل أي حاجة فى الدنيا عشان خاطر ولاده وأنا لو كنت شاكك ولو ١٪ بس إن الموضوع دا شړ ليكي مكنتش وافقت أبدا صدقيني.
هو مش مالك يا بابا كان رافض الجواز أو الإرتباط عموما يعني.. إيه الل حصل وخلاه عايز يعقد بعد بكرة!
لقيته سكت شوية وبعدين بصلي_ خالتك ناهد عرفتك من نور وكلمتني