حب في السر
المحتويات
كنا بنقعد مع بعض في وقت محاضرات معينه مش كنا مع بعض في كل المحاضرات وملك كمان مكنتش بكلمها انا اكتر حاجه بكرها نقل الكلام وهي عارفه أنه هيعمل مشكله حازم بقى اللي شخص تاني خالص بحسه احيانا غريب في تصرفاته ونظراته مع أنه اصلا محترم جدا بس مش عارفه فيه ايه من وقت ما اتخنقت مع سراج بقيت بتجنب حازم و سراج كمان
_ اطلعي اعرضي وقوليلي وكنت بقول ايه كده
بصتله پصدمه ف ابتسم بتشجيع و بسمله قومتني فقومت بتوتر وانا خاېفه فيه خوف جوايا رهيب طلعت ووقفت قريب منه ومسكت المايك فهز راسه وقالي اشرح بس قبل ما أبدا ابتسم وقالي بهمس مټخافيش انا واثق فيكي
غمضت عيوني پخوف وبدأت اثبت نفسي وبعدها بدأت اعرض شوية شوية بدأت أهدى والخۏف يروح بعدها خلصت وكل صقف وهو بصلي وقالي
_براڤوا عليكي كنتي هايله
ابتسمت ف ملك بصت بلامبالاه
_ وايه يعني ما انا طلعت وعرضت وكان عادي ليه محسسني انها عملت إنجاز
بسمله ابتسمت وقالتلها_ طيب وانتي زعلانه ليه يا ملك
_ وهزعل ليه انا شايفه الموضوع مش مستاهل الافوره دي
بصتلها وابتسمت_ وانتي جايه هنا ليه طالما الموضوع مش مستاهل
بصتلها بذهول _ طيب وسراج
_عادي يعني معجبه ب حازم و سراج
مردتش عليها باين عليها مش طبيعيه خلصنا وطلعنا بس حازم وقفنا ف ملك وابتسمت
_ ايه رايك في ادائي يا مستر حازم كنت شجاعه صح وعندي ثقه
بصلها بلامبالاه_ كنتي كويسه
وبعدها بصلي وابتسم _ كنتي هايله يا هاجر بجد براڤوا عليكي ممكن يا بسمله تاخدي صاحبتك وانا هتكلم مع هاجر شوية
_ حضرتك كنت عايزني في حاجه
_ ااه انتي بتتهربي مني ليه
_ انا مش يتهرب ولا حاجه
_ لا بقيتي بتمشي بسرعه ومش مدياني فرصه يا هاجر
_ وانا ادي لحضرتك فرصه ليه مش فاهمه
اتنهد _ ولا حاجه فين سراج مختفي فين الايام دي
_ موجود في البيت ومن البيت ل شغل كده يعني
_يمكن يكون مشغول بعد اذنك
مشيت روحت البيت وقعدت حنبهم وقعدنا ناكل في وسط الكلام سراج قال
_ بابا انا بحب واحده وعايز اتقدملها
عمي بصله پصدمه وبعدها بصلي وقال _ ويا ترى مين دي
_ ملك بنت عم احمد اللي في الشارع التاني
اټصدم عمي وقاله _ ملك ازاي يعني
ايه يا بابا بحبها فين المشكله
_بس انا بحبها ومعجب بيها
عمي هز راسه بخيبة أمل وبعدها بدأ ياكل وانا كملت اكل بلامبالاه تاني يوم عمي راح طلب ايد ملك ل سراج واتفقوا على الخطوبه
يوم الخطوبه وبعد تجهيزات كتير للفرح كنت قاعده ماسكه الموبيل وبشوف رسايل جروب الدفعه دخل سراج مبتسم وبعدها كشړ
_ايه ده انتي ملبستيش ليه
بصتله بملل _ مش هروح
رفع حاحبه_ده ليه إن شاء الله
_هو كده مش هحضر خطوبتك انا حره
ابتسم باستفزاز_ قولي بقى انك غيرانه
ابتسمت بسخريه _ وهغير ليه إن شاء الله
_عشان فضلتها عليكي
_ليه يا اخويا من حلاوتك يعني
ظبط الجرافات بتاعته _من جمالي يا بنتي
ضحكت بملل _واضح جدا يلا روح فرحك يا ابني عندي مذاكره
_طيب يلا يا هاجر عشان نمشي قدامك خمس دقايق بس
_ لا وفرهم علي نفسك واتفضل روح شوف وراك ايه
بصلي بضيق _ انا صبري ليه حدود يلا يا بنتي عشان ماما مش راضيه تيجي الخطوبه عشانك
_وانا قولتلك مش هاجي معاك
بصلي بعصبيه وعيونه احمرت هو هيتحول ولا ايه _طيب يا هاجر ربع ساعة لو ملبستيش اقسم بالله استحملي اللي هيجرالك بقى
طلع ورزع الباب وراه كائن مستفز جدا ورخم قومت لبست عشان اروح الخطوبه كده كده كنت هروح بس بحب استفزه لبست بسرعه ونزلت كان راكب ومرات عمي و عمي ركبوا معاه العربيه وهو شاورلي
_يلا اركبي
في الوقت ده جت بسمله ومسكت ايدي
_تعالي معانا يا هاجر عربية
متابعة القراءة
