حب في السر

كنت قاعده في اوضتي موبايلي رن وكان حازم استغربت ازاي رقمه متسجل عندي 
_الووو 
_ازيك يا هاجر 
_الحمدلله يا حازم انت ازاي رقمك متسجل عندي وجبت رقمي منين 
حسيته ابتسم_انا خدت رقمك ورنيت عليا فسجلت رقمك عندي وسجلت رقمي عندك
_ ازاي ده انا محستش بيك 
_عشان كنتي قاعده سرحانه مش مركزه ومكسوفه كمان 

ابتسمت _حقيقي كنت مكسوفه 
_المهم طمنيني عليكي عامله ايه
_الحمدلله وانت عامل ايه
_بخير لما سمعت صوتك
اتكسفت وقولت اغير الموضوع_ فاكر اول مره شوفتك لما كنت بحجز التدريب كنت اول مره اشوفك ولما شوفتك مع سراج وقالي انك جارنا استغربت ازاي وانا مشوفتكش قبل كده 
_انا بقى غيرك انا مكنتش اول مره اشوفك انا عارفك من زمان من وقت ما جيتي قعدتي عند عمك وقتها كنت بشوفك في البلكونه وحبيتك وقبل ما تيجي تحجزي بيوم كنت بعتلك رساله من مسانجر بتاعي وكنت بتمنى في اليوم اللي اقابلك واحكيلك كل حاجه لما شوفتك عندنا كنت فرحان جدا وخليت اختي تتعرف عليكي كان نفسي اعرف عنك حاجات اكتر ولما كنتي بتكلميني بحس قلبي طاير من الفرحه انا بحبك يا هاجر
كنت بسمعه بذهول وقلبي بيدق مش متخيله إنه فيه حد بيحبني اوي كده ايه كل الحب ده معقول فيه حب بالشكل ده .
كنت طالعه من الامتحان النهارده اخر يوم في امتحانات سنه تانيه وكنت بكلم حازم في الموبيل بس وقتها جه احمد زميلي ف كان بيسئلني على سؤال فبصتله وضحكت 
_والله يا احمد انا مش عارفه الامتحان عامل ايه ولا انا عملت ايه كان صعب 
_يعني متعرفيش أجابه السؤال ده 
_لا والله معرفوش 
ضحك _شكرا يا هاجر كنت اتمنه اعرفه منك بس حتى دحيحة الدفعه معرفتوش
ضحكت وكان مشي فمسكت الموبيل عشان اكمل كلام مع حازم 
_ايه يا حازم 
_مين ده اللي كنتي بتتكلمي معاه 
_ ده احمد زميلي بيسألني على سؤال و 
زعق _وتتكلمي وتضحكي بصوت عالي كده ليه 
اتكلمت بهدوء_فين الصوت العالي ده كنت برد عليه وفعلا الامتحان كان صعب وعلى فكره انت اللي صوتك عالي 
_يبقى متضحكيش مع حد تاني 
ضحكت _الضحك بيطلع ڠصب عني 
_هاجر متعصبنيش اقولك سلام 
_ خلاص متزعلش مش قصدي ازعلك انا اسفه
_بس كده انا بغير عليكي وانتي تقوليلي اسفه بس 
ابتسمت _ لا وبحبك
قفلت وانا بضحك وفجاه لقيته بيتصل تاني 
_انتي قولتي ايه
اتكلمت باستعباط_مقولتش حاجه 
_لا قولتي بالله قولي قولتي ايه 
_بعشقك 
ابتسم _وانا بمۏت فيكي يا هاجر
بعد مده اختارنا الشبكه و الفستان في الفتره دي سراج فسخ خطوبته من ملك ويوم كتب الكتاب كان واقف زعلان بس انا خلاص اختارت حازم كتبنا الكتاب وخلصنا كانت هنا اختي معايا مسبتنيش وبعد كتب الكتاب اتصورنا انا و حازم و هنا و عمي ومراته باركولنا واتصوروا معانا وبعدها مالك وبصيت ل حازم 
_صورني انا ومالك 
_ايه ده هو مين العريس 
مالك اتكلم _انا العريث
حازم بصلنا بضيق مصتنع وانا ضحكت وصورنا 
بصلي وابتسم_ دي في عيوني وقلبي يا عمي 
تاني يوم كتب الكتاب كنت واقفه في البلكونه وبكلم حازم 
_ انا عايزه اعرف انت كنت واقف امبارح مع ملك ليه 
_ كانت جايه تباركلي 
_تقوم تضحكلها عادي !
_ كانت جايه تباركلي بقولك وبتهزر فضحكت 
_ حاااازم !
ضحك بصوت _ عيونه وقلبه والله يا بنتي انا كنت شايف انك واقفه عشان اشوف رد فعلك فعملت كده 
اتكلمت بضيق_على فكره انت مستفز ومش هكلمك تاني 
_لا استني حقك عليا بهزر معاكي 
_حقك عليا بس يعني انا زعلانه وانت تقولي حقك عليا بس !
ضحك _ لا وبحبك كمان 
في يوم كنت قاعده اتصل بيا فرديت عليه 
_حازم 
_عمره كله 
_وحشتني اوي من امبارح مكلمتنيش 
_روح قلبي وانتي كمان وحشتيني حقك عليا مضغوط في الشغل عشان الفرح 
_ لا على فكره زعلانه منك 
_طيب افتحي البلكونه كده 
نطيت بفرحه _انت تحت 
_افتحي بس ونزلي السبت
فتحت ونزلت السبت وبعدها غمزلي وابتسم ببص في السبت لقيت علبة شيكولاته وورد ببص لقيته مشي
دخلت فلقيت جواب جنب الحاجات زي النهارده من اربع سنين شوفتك ومن شهر بقيتي على اسمي عقبال سنين العمر وانتي معايا
ابتسمت وبعت مسدچ على الموبايل _وانت معايا طول العمر بحبك 
انتمي إليك بكل تفاصيلي وارغب في الحصول على جزء من قلبك 
حكايات_ايمي
ايمان_صالح
حب_في_السر