هى انقى من ان اعصى الله فيها

من بين أيديا .
دخلت بسرعه ي أستاذ ي أستاذ الدكتور بيدور عليك علشان تمضي ع إقرار موافقتك ع عملية والدتك .
السلام عليكم ورحمة الله وبركاته.. السلام عليكم ورحمة الله.
خلص صلاة وبعدين وقف بسرعه حضرتك قولتي أي
فلوس العملية اتدفعت مفاضلش إلا موافقة حضرتك .
اتدفعت ! طب ومين إلا دفعها 
خرجت أجري زي المچنون مش مصدق إنها خلاص اتحلت وفرجت وأمي هتعمل العملية.
مش عارف أشكرك إزاي ي مصطفى .
مفيش بينا شكر يصاحبي وأنا أسف لو كنت خذلتك ف الوقت إلا أنت جريت عليا أول واحد تطلب منه مساعده 
ودلوقتي جيت علشان أقف جنبك .
حضنه ربنا يخليك ليا يغالي.
ويحفظلنا خالتي أم حسن يارب يصاحبي.
ابتسم آمين .
دخل طب يشباب حمدلله ع سلامة والدتك ي حسن وهستأذن أنا علشان هرجع للشركه وأنت اعتبر النهارده أجازه وخد أسبوع كمان تهتم بوالدتك ومرتبك شغال عادي.
مش عارف أشكرك إزاي ي أستاذ معاذ بس جميلك ده ع راسي.
أنا معملتش حاجه وصاحبك هو إلا ساعدك .
ع فكرة ي حسن لما أنا جيت لقيته واقف مع الدكتور وكان لسه بيمد ايده بشيك وهيدفع حق العملية.
بس هو جه وكان جايب الفلوس وأصر يدفع لأنه مكانش عاوز يخيب ظنك فيه .
مش عارف أقولكم أي يجماعه والله بس فعلا من لجأ لله سخر له عباده لقضاء حاجته .
____________________________
بقلم الست نور 
يلا ي مريم حضري السفره زمانهم جايين من الصلاة دلوقتي وهيتغدوا .
حاضر ي ماما.
السلام عليكم ازيك ي أم مريم.
وعليكم السلام ورحمة الله وبركاته تعالي ي أم معاذ .
دي صنية مكرونه البشاميل وصنية بسبوسه عمايل أيدي .
تعبتي ليه نفسك بس
كتر خيرك ي أم مريم إن كل يوم جمعه العزومه بتاعة العيلة عندك ودي حاجه بسيطه .
إحنا أهل ومفيش بينا فرق ي أم معاذ .
فعلا ي حبيبتي.
بعد مرور ساعه 
أومال فين مريم
أنا هنا ي جدو .
تعالي ي قلب جدو اقعدي جنبي .
حاضر .
يلا بسم الله.
كلهم ف صوت واحد بسم الله الرحمن الرحيم. 
النهارده الإمام عجبني أوي ف الخطبه بتاعته.
عندك حق ي أبويا وكانت مفيده .
أيوة ي أبو مريم وموضوع إنه يتكلم عن المرافق العامه ده كان مفيد الناس مبقتش تهتم بالمرافق العامه وكل واحد بيقول يلا نفسي وبيستخدموها استخدام غير سوي.
استغليت إن جدو بيتكلم مع عمو وبابا ومديت أيدي أسحب طبق المخلل .
سحبه مني رايحه فين
هاا .. لأ أنا كنت بقربهولك علشان تاكل منه .
رفع حاجبه والله ! طب ياستي أنا مش باكله ف وجودك أصلا.
ابتسمت بسماجه طب عاوزه واحده بس أحدق بيها .
لأ .
كزيت ع سناني انجز ي معاذ قبل ما بابا ياخد باله .
ولو تعبتي والحساسيه قامت عليكي
لأ دي واحده مش هتأثر .
لأ برضو .
بضيق تمام .
قايمه فين ي مريم ي بنتي أنتي مكملتيش أكلك!
مفيش ي جدو شبعت يلا عن إذنكم هروح أعملكم شاي.
فاكر نفسه مين ده ! ويسحب طبق المخلل ليه أصلا أي الرخامه دي ! مشفتش أرخم منك حقيقي ي معاذ.
امسكي.
نعم !
بيتزا علشان مأكلتيش ع الغدا .
بفرحه قول والله .
ابتسم والله .
تسلم ي أحلى أخ ف الدنيا.
نعم ياختي أخ!
ايه !
بضيق لأ مفيش كليها وعاوزك تخلصيها كلها.
هو أنا قولت إن معاذ

رخم يقطعني.
تعالى ي حسن.
حضرتك كنت عاوزني
أها أنا كنت ناوي أنقلك من سكرتير لمدير أعمالي وبالتالي مرتبك هيزيد ومكانتك ف الشركه .
بعدم تصديق بس .. بس ده كتير أوي .
مش كتير ع شخص وفي زيك .
FLASHBACK
اسمع مني بس ي حسن أنت سكرتير معاذ ولو قدرت تديني الملف ده أنا هتنقل نقلة تانيه خالص بشركتي وأوعدك هيبقى ليك شأن تاني خالص وهشغلك ف شركتي.
أنا أسف ي لؤي بيه بس أنا ماخنش واحد قدملي كل خير.
يعني أي
پحده يعني تتفضل من هنا وإلا هقول لأستاذ معاذ ع عرضك وشوف بقا هيعمل فيك أي!
بغيظ ماشي ي حسن.
BACK.
حقيقي متشكر أوي ي أستاذ معاذ.
الشكر لله وأنت تستاهل واعتبرني اخوك من النهارده وبلاش أستاذ دي تقدر من بكره تستلم مكان مازن وهو هيعرفك ع شغلنا.
بس كده مازن مش هيضايق يعني أنا ميرضنيش قطع رزق حد .
ابتسم لأ أنت مش سبب ف قطع رزقه ولا حاجه بس هو هيسافر الكويت هيمسك شغل هناك.
تمام ي فندم .
في