كنت بضحك على انفعالاته بقلم حبيبه سامي
المحتويات
كنت قاعدة بضحك على انفعالته وهو بيقول بعصبية
_ بصي يا أمي هشهدك عليها عشان بجد انتهت كل حلول الأرض بجد الحلوة رايحة تقول لعيالها وأنا كنت صغيرة كنت بصيع من ورا بابا وماما وبعمل كل اللي نفسي فيه وبالنسبة لها كده بتربيهم
رديت عليه ببرود
_ شوف شوف أنت بتعمل أي! مش كنت بتقول حياتنا أسرار ومطلعش لحد جاي تفضح مراتك في الملأ كده!
ضحكت وأنا بقول لمامته بصي يا طنط أنهي الأحسن أحكي لعيالي مغامراتي الجامدة جدا دي فيجوا بقى لما يحبوا يعملوا زي يقولولي ولا أخبي بقى ويخبوا هم كمان عني!
بعد ما مامته قالت كده انفعل أكتر
_ أنتوا بتقولوا أي! وجهة نظر مين دي! دي بتبوظ العيال اللي حيلتي أنا ماشي قبل ما أتجلط
_ بصي بصي سبني ازاي ومشي من غيري ساب مراته تمشي في نصاص الليالي لوحدها ازاي!
رجع بعد ما كان هيمشي تاني
_ نصاص ليالي مين! العشاء لسه مش أذنت أصلا وبعدين تمشي لوحدك فين! احنا ساكنين في نفس الدور هتخرجي من الباب هتدخلي باب بيتنا
بابا على فكرة الرسول نهى عن الشرب واقفا الرسول كان بيشرب وهو قاعد والمفروض نقتدي به عن أنس بن مالك رضي الله تعالى عنه أن النبي صلى الله عليه وسلم زجر عن الشرب قائما
_ الرسول عليه أفضل الصلاة والسلام نهى عن الشرب قائما للكراهية بس هو مش محرم الرسول صلى الله عليه وسلم شرب قائما قبل كده فالأحسن تشرب وأنت قاعد يعنى ماما قالتلي كده
_ حاضر يا حبيبي
جات مسك تجري عليه بسرعة
_ بابا بابا قولي مبارك
_ على أي يا حبيبة بابا
نزل لمستواها حضنها وباس راسها وقال
_ مبارك يا حبيبة بابا لك عندي هدية إن شاء الله
_ وماما كمان لها هدية عشان هي اللي بتحفظني
ابتسم بإحراج وهز راسه وبعدين بصلي لاقني بضحك على شكله وقلدت صوته وقولت
_ دي بتبوظ العيال اللي حيلتي
ضحك بحرج وقال
_ اومال فين كبير أخواته!
متابعة القراءة
