اربعيني في قلب صغيره

عشان بيقعد عالسلم
لما افتكرت نسىرين كلام همس وانها خلاص فعلا هتمشي ومش هتبقي معاها بان علي ملامحها الحزن ولاحظت ده همس فوطت حبت علي ايديها وقالتلها بتنهيدة 
متزعليش ومتقلقيش ابدا يا امي انا مش هسيبك خالص هتلاقيني كل شوية عندك
ابتسمت نسرين وردت بحب وهي بطبطب علي ضهر همس 
وهو في ام تزعل ولا تضايق ان بنتها هتتجوز ويبقي ليها حياتها

اتنهدت همس بحزن وردت پخوف وهي بتقعد قدام امها 
والله يا امي انا اللي خاېفة حاسة اني بظلم نفسي بجوازي من رائد في فروق كتير اوي بينا بس للاسف مش قادرة اتكلم لان مش بايدي حاجة
ردت نسرين بسرعة وهي بتمسك ايد همس وباين عليها التأثر 
ليه بتقولي كدة يا همس ده انتي زي القمر والف راجل يتمناكي يا حبيبتي 
ابتسمت همس بسخرية وردت بسرحان وهي بتبص بعيد 
مش هنضحك علي بعض يا امي هو في حد هيرضي يتجوز واحدة اخوها مسجون 
نسرين بصت لهمس بشفقة ودموعها نزلت بصمت وهي بصالها فكملت همس كلامها بتوهان 
ده انا حتي اتكسفت اسأل رائد ليه اتقدملي وهو عارف الحقيقة كلها انا اتكتب عليا اني اعيش طول عمري بذنب اخويا يا ماما الله يسامحك يا ذياد
ابتسمت نسرين من بين دموعها وردت بحكمة وهي باصة لهمس 
محدش فينا بيختار اهله يا همس يا حبيبتي وده نصيبك ارضي بيه وان شاء الله ربنا هيعوضك خير
مسحت همس دموع امها بايديها وحاولت تغير الموضوع عشان امها متتعبش اكتر من كدة 
ان شاء الله يا ست الكل ها هتأكليني ايه بقي انهاردة 
ردت نسرين بابتسامة وهي بتقوم من مكانها 
عاملالك اكلتك المفضلة لحمة ببصل
ابتسمت همس بفرحة ولسة هتتكلم تليفونها رن برقم غريب فبصت للفون وبعدين قالت بحماس 
ماشي يا نونو هشوف مين اللي بيرن وبعدين اجي تكوني خلصتي وناكل علطول
خرجت همس من المطبخ بعد ما قالت كلامها ودخلت اوضتها وهي بتحط الفون علي ودنها وبترد 
السلام عليكم مين 
اټصدمت همس اول ما سمعت صوت رائد بيقولها ببحة مميزة
عليكم السلام معقولة تنسي