روضني بحبه بقلم سولييه نصار
المحتويات
اسكريبت
روضني بحبه ....
انتي يا زفتة قومي ....انتي يا عملي الاسود في الحياة ما تقومي قامت قيامتك
اووف فيه ايه يا ماما حتي يوم إجازتي مش عايزاني انام فيه !
بصتلي پغضب وقالت
اطلعي يا بت في عريس جالك برة
ضحكت وانا بقول
عريس ايه يا ماما محدش قالي علي الموضوع ده
واحنا هنقولك ليه وعلي اي أساس !
علي أساس اني انا اللي هدبس فيه وهتجوزه....انتوا بقيتوا تتصرفوا من ورايا خاېفة في يوم تصحيني امضي علي عقد الجواز وتقوليلي امشي مع عريسك
تسلمي والله يا نبع الحنان بتطرديني من بيتي
يالا قومي يا بت وبلاش غلبة الراجل وأهله مستنين برة.
شديت البطانية وانا بقول بكسل
خليهم يجوا يوم تاني وخليني اكمل نوم
هتقومي ولا اجيب الحزام وانزل فيكي ضړب
خلاص خلاص هقوم اووف
طلعت طقمي الجديد وقالت.
روحي خدي شاور والبسي الطقم ده
يا ماما ده جديد عايزاني البسه لواحد هرفضه ليييه!! ...
ليه انتي ناوية ترفضيه ده انا اقټلك !!!...زعقتلي جامد فهزيت رأسي پخوف وانا بقول
لا يا نبع الحنان ربنا ميجبش رفض أن شاء الله عشر دقايق واجهز
وفعلا بعد عشر دقايق كنت علي سنجة عشرة وواقفة مع ماما عشان اقدم العصير لعريس الغفلة وطبعا نبع الحنان كانت بتوصيني
اسمعيني يا مروة تدخلي وانتي حاطة عينيك في الارض
ليه احط عينيا في الارض هو كان كاسر عيني بحاجة لا سمح الله
يا بت بطلي غلبة واسمعي الكلام بدل ما اكسر دماغك
حاضر يا فوزية حاجة تانية
انا حاسة اني مش بنتكم والله قوليلي لو لقتوني علي باب جامع او لاقيني في كيس شيبسي قالولي دلوقتي ومش هزعل والله .
بصتلي پغضب فطلعت بسرعة من غير كلام.
حطيت عيني في الارض زي ما ماما قالتلي ...بصيت بطرف عيني لقيت واحد وواحدة كبار في السن...شكلهم كده محترم واكابر وواحد شاب قاعد بعيد بيبصلي بقرف ...اتغظت
يا لهووي انا اسفة يا استاذ والله .
انتي حمارة يا بت انتي
انا حمارة يا عريس الندامة وديني لاوريك
وبكل قوتي رفعت الصينية وضړبتها جامد علي راسه .
اه يا راسي ....البت دي مچنونة ومستحيل اتجوزها
احسن يا اخويا متتجوزنيش وغور من هنا بدل ما اجيب الشاكوش واكسر دماغك اللي شبه الدومة دي
ما انتوا يا حاج بصراحة ضيوف مهزقين ويالا خد الحلو ابنك وامشوا من هنا معندناش بنات الجواز
مروة احترمي نفسك
ما هو يا ماما
خلاص اخرسي .
سكت وانا متضايقة وسمعتها بتعتذر للناس وتطلب منهم يقعدوا بس لقيت عريس الغفلة بيقول
لا يا ست لا نقعد ولا نقف احنا هنمشي وبنتك دي لو آخر بنت في الدنيا انا مستحيل اتجوزها!
اول مرة تقول حاجة عدلة من اول ما دخلت يا قفل
شفتي اسلوبها...احب اطمنك يا طنط ان بنتك دي مستحيل تتجوز هتقعد جمبك طول حياتها
ودي تاني حاجة عدلة تقولها من ساعة ما دخلت
مشيوا الناس من هنا وامي بدأت تضربني بالشبشب من هنا
اه يا ماما انا كبرت علي الشبشب حرام عليكي
انت تفضحيني بالشكل ده وديني لأربيك من اول وجديد يا مروة
جريت علي اوضتي ودخلت تحت السرير وانا بقول
يا ماما انا مش عايزة أتجوز.....افهميني ابوس ايديكي
ليه يا اختي هو انتي ناوية تقعديلي كتير
بصراحة ايوة ....انا مقدرش اسيبك واتجوز مش انا بسليكي يا فوزية !
طب اطلعي من تحت السرير نتفاهم بس
متابعة القراءة
