تفتكري هتعجبه

و كمان باصصلي 
ضحك ضحكه رجوليه دوختني دوبت مع الضحكه و الله 
_ اه شوفتي بقي 
انت بجد رافع راسك و باصصلي 
_ ما دي رؤيه شرعيه ابصلك براحتي بقي 
انت جي و عارف انك جي تتقدملي انا 
_ و الله انا اټصدمت انه انتي .. أنا جي علي سيرتك .. زوزو بقالها شهر مش بتتكلم غير عليكي .. قد ايه انتي متدينه و محترمه و جميله .. قالت إن اسمك غزل بس متوقعتش انه يبقي انتي 

يعني انت جي تتجوزيني انا 
ابتسم ابتسامه كلها دفي و قال  
_ قولي انتي بس ان شاء الله .. قوليلي بقي انتي كنتي عارفه انه انا اللي جي يتقدملك 
لا انا معرفش اي حاجه عن اللي جي تقدملي غير انه ابن اخت زوزو 
_ و ده كفايه بالنسبه لك 
و الله يا مستر نوح .. انا صليت استخاره أدام حسيت اني مرتاحه يبقي خلاص 
_ بقولك انا ساكتلك بقالي شويه 
اټخضيت قولت 
انا قولت حاجه غلط 
_ مسكالي مستر نوح من الصبح و انا ساكتلك احنا مش في الشركه علي فكره .. بعدين بذمتك في واحده تقول لزوجها مستر 
بصتله و انا مبتسمه بحب 
انت قررت خلاص يعني 
بصلي و هو مبتسم و قال 
_ اممم .. عندك مانع 
ضحكت و قولت  
للاسف لا 
_ يلا يا نوح 
جي اهو .. مش عارف متسربعه علي ايه 
_علشان نلحق الصلاه مثلا 
جيت اهو يلا
نزلنا صلينا الفجر في المسجد و كعادتنا بعد الصلاه بفضل نتمشي لغايت الشروق 
بتمشي و احنا ماسكين ايد بعض لقيته قربني ليه و باس ايدي و قال  
_ مش عارف كنت ازاي هضيعك من ايدي 
علشان غبي 
_ انا فعلا غبي .. كنتي قدامي و كنت هضيعك بغبائي 
وقفت و مسكت ايده و بصيت في عنيه بحب قولت  
ربنا ديما كان شيلنا الأحسن لينا يا نوح .. كان لازم نمر بكل ده علشان نتعلم و نوصل للاحنا فيه دلوقتي .. كنت واثقه في ربنا إن الخير جي قدام .. و الخير واقف قدامي اهو 
_ بس انتي فعلا كنتي خير يا غزال .. بس انا مكنتش واخد بالي منه 
طيب مش يلا بقي يا مستر نوح علشان الشروق طلع و المفروض نروح علشان ورانا شغل 
لقيته انججني و قال  
_ انا مش عارفه ازاي مستحمله المدير بتاعك ده 
علي قلبي زي العسل ملكش دعوه انت 
_ و نبي انتي اللي عسل 
بس بقي لحسن جوزي بيغير 
_ طبعا لازم يغير و هو معاه .. حته القشطه دي 
ايوووه 
_ حته البغاشه دي 
ايوه 
_ حته الكريمه اللي بالمانجا 
و نبي انت اللي مانجا 
_ طيب يلا يا مانجا لحسن اخصملك اليوم كله
طيب ابقي اعملها و شوف بقي مين اللي هيعملك المكرونه

البشاميل اللي بتحبها 
_ يوه يا غزال ده انا بهزر 
دلوقتي بقيت غزال ها .. الله يرحم ايام يا آنسه غزل 
_ خلاص بقي يا غزال .. قلبك ابيض 
ما انا قلبي ابيض .. علشان كده حبيتك
_ و انا بمۏت فيكي يا غزال 
بطير وأنا لسه في مكاني .. حياتي إتلونت تاني .. ما بين وياك وبين قبلك .. في فرق كبير .. يا ونسي وناسي في الدنيا .. يا دخلة خير .. ومعاك دي الدنيا رايقة وضحكالي .. ويا رزق جالي وأجمل غالي .. نورت دنيتي بيك .. نورت دنيتي بيك 
نداء شراره 
بقلمي أمينه رأفت 
بقلمي_أمينه_رأفت