العروسه

قصتنا ب تبدأ في مشرحة زينهم
كنت قاعدة في النبطشية من شوية كالعادة ولقيت الدكتور أمير بيكلمني عشان انزل للمشرحة وعرفت ان فيه چثة جديدة جت نزلت للمشرحة لقيت الأمن واقف قدام عربية والاسعاف مستني عشان امضي على التقرير عشان يسمح للمسعفين انهم يدخلوا للمشرحة بالچثة..
و هنااا عايزك تركز معايا علشان تستمتع ب الحكاية ي صديقي لأنها كلها أسرار غامضة. 

جهزت قهوتك ولااااا يلا بينااا
مضيت على التقرير ولقيت معاه محضر الشرطة طلبت من المسعفين انهم ينقلوا لطاولة التشريح ويسيبوها شوية ولقيت اتصال من الدكتور أمير بيستعجلني على التقرير لأن النياية منتظراه بسرعة وفورا لبست الجوانتي وبدأت اشتغل فيها..
تأملت الچثة لقيتها لبنت زي القمر ويمكن أجمل مني لدرجة اني شكيت انها مېتة البنت كأنها نايمة بكل براءة وسکينة الدنيا وكانت لابسة لبس فضفاض واسع جدا ومش ظاهر على جسمها او وشها أي علامة من علامات المۏت
حاولت اتجاهل الموضوع في اللحظة دي بصيت على وجه الچثة ورجعت مكاني من الخۏف وشها كان عابث ڠضبان عكس الوش اللي شوفته من لحظات وكان مبتسم وبرئ جدا..
وقفت قدامها مش عارفة اعمل ايه انا متعودة وقت التشريح على همسة حركة انما ده أمر عجيب جدا 
رغم اني شغالة هنا من زمان بس أول مرة اخاڤ كدا كأنها اول مرة ليا وقتها حسيت ببرودة المشرحة وشوفتها ازاي مخيفة ومرعبة بلونها الابيض..
سبت المكان وروحت لعم ياسر وانا بفكر هل استعين بيه ولا اعمل ايه مع اني كنت محرجة اكشف جسمها قدامه خاصة انها سليمة جدا مش جاية في
حاډثة او جسمها ازرق بزرقة المۏت..
رجعت تاني وانا محتارة مش عارفة اعمل ايه قربت من الچثة بهدوء وقربت المقص من رجليها و
وضربتني برجليها في بطني بقوة صړخت صړخة مكتومة ورجعت ابصلها بړعب لقيت رجليها بتنكمش تاني على نفسها ووشها كأنه مولع من الڠضب ناديت عم ياسر وانا بترعش وطلبت منه ينادي مراته زينب تقف معايا على الرغم ان ده مش شغلها بس هو ناداها فعلا وجت زينب تقف معايا رجعنا للچثة لقيناها رجعت