فيروز بقلم ايمان عبدالرشيد

انا مقولتش كده صدقني. 
اتنهد بهدوء واتكلم بهمس 
عارف يا فيروز ومش شاكك فيكي وعارف انك متعمليش كده. 
بصتله بدموع 
امال لي مردتش عليا وقولتلي الكلام ده. 
علشان كان فيه حربايه بتتصنت علينا. 
بصتله باستغراب وانا بمسح دموعي بكفوف ايدي 
مين انا مش فاهمه حاجه يا ايوب. 
وبعدين هيا بتتصنت ولا بتتنصت. 
اسكتي انت اللغه عندك بايظه وهتلخبطيني. 
بصتله وربعت ايدي پغضب طفولي 
سكت احكي.
اتنهد ومسك ايدي وقعدني علي اقرب كنبه هحكيلك وفتحي مخك ده معايا كده.
بنت عمي ر... 
قاطعت كلامه پغضب طفولي 
قولتلي بنت عمك الحر بوقه دي انت مفكرني مش ملاحظه ان عنيها منك ده هتفرقع. 
ضحك بيأس 
بتغيري عليا ولا اي وبعدين سبيني اكمل. 
اتكلمت بخجل 
انا وانا هغير عليك لي اصلا اصلا عادي. 
خلاص هروح اتجوزها واهو كده كده مش هنطلق. 
بصتله بغيظ ومسكته من ياقه قميصه 
ابقي اعملها كده ووريني عرض كتافك هيسمعوا خبر وفاه وطبعا عارفين هيسمعوا خبر وفاه مين !. 
بصلي وهو بيحاول يداري ابتسامته 
واضح انك مبتغيريش تابع كلامه المهم ريم يستي متفقه مع قاسم يعملوا كده وزي ما انت قولتي. 
وقاسم بيعمل كده لي انا مش فاهمه حاجه يا ايوب. 
ما انا عارف ان مخك تخين بس كل حاجه في وقتها. 
طب وانت عرفت ان قاسم رجع ازاي ولا بيخطط ل اي واي الا خلاه يمشي. 
بصلي بنظره حاده وهو بيجز علي سنانه 
مش جولتلك متجبيش سيره راجل غريب علي لسانك ولا لسه بتحنيله بعد الا عمله. 
بصتله بعصبيه 
متكلمنيش بالاسلوب ده وانت مالك. 
اتكلم وهو بيقرب مني بجمود حاولت اتلاشي النظر لعينه 
جوزك يا فيروز. 
علي الورق. 
انا مبتتهددش وممكن اعمل حاجه متعجبيكيش كله بمزاجي يا فيروز.
بصلي بجمود وسابني رزع الباب وراه وهو خارج اتنهدت بقله حيله وعيطت پقهر علي كلامي معاه واسلوبه معايا علي نفس الموضوع فضلت قاعده استناه بقلق لانه اتاخر زياده عن معاده.
___________
انت اتاخرت لي. 
شغل. 
من امتي وانت بتتأخر كده حتي لو شغل !! 
ميخصكيش !. 
بصتله بضيق من اسلوبه 
لا يخصني. 
لا مش جوازنا علي ورق يهمك في اي.
اتنهدت بضيق وسابني ودخل وقف في البلكونه فدخلت وراه اوعوا تفتكتروا حب لا لقدر الله عشان انا مش بطيقه اصلا فبحب اعصبه.
انت من امتي وانت بتشرب سېجار. 
نفخ دخان السېجار واتكلم بكل هدوء 
مش كتير لما بكون مضايق بس. 
وانت مضايق مني مش كده. 
مش مهم الموضوع خلص. 
اتكلمت وانا بكح بضيق من الدخان 
لو سمحت اطفي السېجار دي. 
بصلي بطرف عينه 
ادخلي انت جوه. 
بصتله بعصبيه وخدتها منه رميتها 
مضره للصحه. 
ضحك باستفزاز وطلع واحده تانيه خدتها منه ورميتها 
قولتلك مضره للصحه واياك تشربها تاني سامع وفر فلوسك لحاجه تنفعك انما ده قرف.
ابتسم واتكلم بحب 
ما انت لو بتديني كل يوم بو. كان زماني مشربتش.
كنت لسه هتكلم الفون رن خرجت وسيبته واقف في البلكونه رديت علي الفون بتاعي كانت ندي صحبتي 
الوحيده مليش غيرها وبصراحه كانت ونعم الصاحبه 
من لقي احبابه نسي اصحابه يعم. 
ضحكت وقولتلها 
احباب اي بس يا ندي ده انا حياتي بايظه. 
اتكلمت بقلق واضح بان علي نبره صوتها 
حد مزعلك قوليلي وانا هاخدلك حقك. 
اتنهدت وقولتلها 
مش عارفه اتاقلم ومحدش حابب وجودي هنا. 
اتكلمت بضحك عشان تهون عليا 
مين المتخلف الا ميحبكيش الا قوليلي المز عامل معاكي اي. 
مز مين !. 
ايوب. 
اتكلمت بغيره 
ده مز بزمتك وبعدين متجبيش سيرته علي لسانك. 
لعبه معاكي ها...وبعدين لو مش عاجبك سلفهولي
اقفلي يا رخمه انا غلطانه ان رديت. 
خلاص خلاص بس عاوزه اقابلك بكره في كافيه... 
هشوف ايوب واقولك. 
لو مقتنعش انا هكلمه عادي. 
ندي غوري. 
اتكلمت بضحك 
خلاص خلاص سلام.
قفلت معاها وروحت قعدت جنب ايوب بصمت بصتله كان متابع فيلم فركت ايدي بتوتر فاتكلم هو 
عاوزه اي ما دام ساكته يبقي عاوزه حاجه. 
بصتله بابتسامه 
تعرف ان انت حبيبي. 
بصلي باستغراب وهو بيشرب عصير 
من امتي الحب ده. 
من زمان بس انت مكنتش واخد بالك. 
ادخلي في الموضوع علطول يا فيروز متتعبيش نفسك. 
ضحكت واتكلمت بتوتر 
مش تقول انك عارف من الاول سايبني اتعب في نفسي انا بس كنت عاوزه اخرج بكره مع... 
قاطع كلامي باستفزاز 
لا مفيش خروج. 
بصتله بضيق وانا بحاول اكتم عصبيتي 
سيبني اكمل كلامي طيب. 
كملي يا حبيبتي كملي. 
انا خارجه مع ندي مش لوحدي. 
مش تقولي انك خارجه مع ندي. 
ابتسمت بهدوء 
طول عمري بقول عليك اصيل وجدع وبتفهم. 
اتكلم بابتسامه 
تصدقي ظلمتك ما كنت تقولي انك خارجه معاها من الاول بس مفيش خروج يا حبيبتي. 
دبدبت علي الارض پغضب 
ايووب انت مستفز ده هيا ساعه. 
جولت لا...ولو خرجتي انت حره. 
انا لاحظت انك لما بتتعصب بتتكلم صعيدي. 
روحي نامي يا فيروز. 
_____________________
تاني يوم الصبح 
يعني انت بتحبي ايوب. 
لا طبعا انت بتقولي اي. 
غمزتلي وقالتلي 
عليا انا يا فيروز ده انا الانتيم. 
بصتلها بخجل وضيق 
مش هريحك برضوا. 
ضړبتني علي دماغي واتكلمت 
اوعي تكوني بتحبي قاسم لسه. 
بصتلها بعصبيه 
لا طبعا وبعدين بقيت بقرف من اسمه. 
غمزت وقالت 
يبقي بتحبي ايوب. 
اسكتي بقي بعدين انا اصلا لسه متأقلمتش حتي مع اهله. 
اتكلمت بضحكه 
هتتأقلمي هتتأقلمي مع الوقت عاش من شافك والله. 
حبيبه قلبي ده انا جيالك من وراه. 
شهقت بخضه 
لي مقولتلوش. 
قولتله بس مرضاش. 
ده انت ھتموتي النهارده. 
عيب عليكي صحبتك مسيطره وكلمتها ماشيه ميقدرش يعملي حاجه ولو عمل فكرك هخاف تؤ تؤ مش انا الا اخاڤ ده انا فيروز. 
انت مالك ساكته لي. 
اتكلمت پخوف 
وراكي. 
بصتلها پخوف وانا بفرك في ايدي 
اوعي يكون... 
هزت راسها ب اه. 
هيا مالها بردت كده لي. 
ازيك يا انسه ندي !. 
بخير ازي حضرتك يا استاذ ايوب. 
الحمدلله استأذنك اخد منك فيروز.
هزيت ليها راسي پخوف وتوتر انها تقول لا بس طول عمرها صحبه جدعه واصيله وبتفهم والعكس صحيح باعتني في ثانيه الندله.
طبعا احنا اصلا خلصنا صح يا فيروز. 
جزيت علي اسناني وانا ببصلها بضيق 
طبعا يا حبيبتي طبعا. 
مع السلامه يا حبيبتي ابقي خليني اشوفك مطوليش في الغيبه ها. 
هتوحشيني سلام ابقي ادعيلي واتصلي اطمني عليا. 
لا اله الا الله. 
محمد رسول الله. 
اتكلم ايوب بزعيق 
خير هتودعوا سنه!. 
اتكلمت بضحكه وتوتر 
ايوب انت تعبت نفسك وجيت لي بس. 
ابتسم بخبث 
كلامنا في البيت يا حبيبتي قدامي. 
متزقش طا.
ركبت مع ايوب العربيه كان متجاهلني فشغلت اغاني وغنيت معاها حبيبي علي نياتو كل البنات اخواتوا ف خد بالك دي قادره تسيب وزي ما ماسكه فيك هتسيب لولولولي.
اتكلم بزعيق 
بس بس صدعتيني. 
بصتله بعصبيه 
الحق عليا عملالك بهجه وبغني. 
مش عاوزك تغني. 
بصتله بدموع 
نزلني
لاما هنط من العربيه. 
بصلي باستغراب 
امال فين دور المرأه القويه الا مبتخافش. 
ملكش دعوه. 
اتكلم بزعيق 
انا قولتلك مش متخرجيش لوحدك قولت ولا لا. 
هزيت راسي بدموع 
قولت بس انا معملتش حاجه غلط انا كان نفسي اخرج. 
هخرجك انا هتز فت اخرج معاكي افرضي كان خطڤك ولا عمل فيكي حاجه. 
مين !. 
بصلي بتوتر ومسح علي وشه بضيق 
مش مهم متحطيش في بالك.
بصتله بشك وسكت عشان الامور متزديش سوء بينا.
عاوزه تروحي فين. 
بصتله بابتسامه 
انا جعانه اول عاوزه اكل في مطعم. 
عنيا حاضر هأكلك علي احلي عربيه كبده. 
بس انا بقول مطعم. 
الكبده احسن من الفول والطعميه. 
فول وطعميه اي مطعم مطعم زي المطاعم الا بره. 
ضحك واتكلم بحب 
ما انا عارف بس عيشي عيشه اهلك بقي تعبتيني. 
هأكلك في مطعم بس بعد ما تجربي عربيه الكبده. 
مستحيل اجرب اكل الشوارع.
After a few minutes 
زودلي الطحينه لو سمحت. 
انت داخله في الساندوتش العاشر ما شاء الله. 
انت بتعدلي الاكل بدل ما تقولي بالهنا والشفا. 
طبطب عليا بابتسامه 
بالهنا والشفا علي قلبك يا حبيبتي اهم حاجه الثبات علي المبدأ عندك. 
الاكل تحفه اوي شبعت مش قادره اكمل. 
______________________________
فكرك هيفرح بالمفاجاه. 
اكيد يعني ده كفايه كمان انك هتعترفي بحبك ليه 
هيبقي اسعد انسان النهارده بعد ما عذ