حكايه عايده
بسيطة لبست البنات هو كان لابس
وروحنا عند أهلي كلهم كانوا متجمعين سلمنا عليهم البنات راحوا يلعبوا
مع ولاد اخواتي أخويا قالي قومي يلا مع أختك جهزوا الغدا
سبت اخواتي الاتنين ومراتاتهم قاعدين مع جوزي ودخلت لمطبخ
لأختي أختي خدت بالها أني مش علي بعضي
وسألتني مالك أنت متخانقة أنت وجوزك ولا إيه
قلتلها أبدا مارضيتش أقولها لأني عارفها لو قلتلها مش هتسكت
وأخويا ما نطقش بكلمة زي ما يكون كان بيت فرج عليهم
بعد ما اتغدينا قعدنا كلنا مع بعض قدام التيليفزيون نشرب الشاي
جوزي خرج البلكونة يشرب سېجارة
راحت عايدة مرات أخويا خدت كوباية الشاي بتاعتها
وبتاعت جوزي ودخلت وراه البلكونة بص يت لأخويا لاقيت وشه
اتغير بصلي لسه هقوم وراهم شاور لي علشان أقعد
عشان اعرف ناوي يعمل ايه معاهم بكره
قال لمراته ان عنده مأمورية
ولما جه سألته عرفني بس ناوي علي ايه
قالي ناوي أدفعهم تمن اللي عملوه فيا اناوأنت
الجزء الأخير
ازاي كان كل ده بيحصل قدامي وما شكتش فيهم لحظة بس
شك فيهم ازاي ده انا كنت بعتبر جوزك اخوها
واكتر من اخويا انا اخويا كان بيقولي الكلام ده وعيونه كلها دموع حبيبي يا اخوية لما لاقيته بالشكل ده سكت
وهما فضلوا واقفين مع بعض في البلكونة اكتر من نص ساعة
لحد ما اخوية نادى علي مراته ياعايدة ياعايدة يا الا اجهزي علشان هنروح
خرج ت من البلكونة قالتله هنروح دالوقتي مش لسة بدري
قالها لا يا الا علشان عندي مشوار اروحكم قبل ما اروحه
بعد ما اخوية ومراته مشيوا جوزي قالي يا الا بينا احنا كمان
وعدى اليوم تاني يوم جوزي صحي في ميعاده قبل ما يروح شغله قالي
جهزي الغدا بدري علشان اجي اتغدا وابقى اريح شوية
ما رضيتش اسأله اذا كان هيخرج بعد الغدا والا لا
علي ما راح شغله ورجع كان الاكل جاهز قلتله انت هتخرج بعد الغدا
قالي ايوة هو قالي ايوة من هنا وانا حسيت زي ما يكون حد قلب عليه مية
قالي مستني تليفون من واحد صاحبي لما يتصل هبقى اخرج
قلتله هتتأخر
قالي مش عارف
ودخل نام بعد 3 ساعات التليفون بتاعه رن
رد عليه وبعد ساعتين تقريبا قام لبس وقالي اعمليلي فنجان قهوة
قلتله حاضر
شرب القهوة ونزل
وبعد كدة عرفت لما تليفونه رن كانت مرات اخوية اللي بتتصل بيه
قام شرب القهوة وراح عندها
في الوقت
ده اخوية كان مستني مني تليفون اول ما جوزي يخرج
اتصلت عليه عرفته ان جوزي خرج
قفل معايا وراح وقف عند البيت من بعيد علشان يعرف هل جوزي فعلا بيروح لها والا لا
وما عداش وقت طويل وشاف جوزي داخل من باب العمارة
بعد ما جوزي طلع العمارة اخوية رن عليه ما ردش
رن كمان مرة رد
اخوية قاله ايه ياعماد ما بتردش ليه انت مشغول والا ايه
رد عليه وكان باين علي صوته الإرتباك لا ابدا مش مشغول ولا حاجة في حاجة والا ايه
قاله مافيش كنت بطمن علي صفية اختي اللي هي انا رنيت عليها ما رديتش قولت ارن عليك اديهالي اكلمها
جوزي قاله انا برة لما ارجع البيت هخليها تتصل عليك
اخوية قاله برة فين كدة
جوزي قاله مع الشباب علي القهوة
اخوية قاله بس مافيش جنبك دوشة يعني
جوزي قاله اصل انا قمت بعيد علشان اعرف اكلمك
اخوية قاله طب ما تنساش لما تروح ابقى خلي صفية تكلمني وقفلوا مع بعض
من وقت ما حكيت لاخوية وهو اتصل علي محامي صاحبه وعرفه الموضوع وسأله يتصرف ازاي
المحامي قاله لو طلقتها من غير ماتثبت عليها التهمة هتبقى حضانة الولاد ن حقها اخوية قاله الا ولادي اتصرف ازاي
المحامي قاله ما قدامكش غير انك تثبت عليهم التهمة
وفعلا ما عداش علي طلوع جوزي عند مرات اخوية كتير
وكان اخوية جايب البوليس اللي قبض عليهم وهما متلبسين
وقبل ما يخرجوا من باب العمارة كان اخوية طلق مرته
وانا رفعت علي جوزي اللي هو طليقي حاليا قضية طلاق وكسبتها
كسبت قض ية الطلاق بس بناتي خسروا سمعتهم ومستقبلهم
راحوا ضمان نتيجة اب معډوم الدين والاخلاق ومرات خال خاېنة
ضيعتهم وضيعت اولادها كمان
خمس اطفال ربنا وحده اللي يعلم مصيرهم هيكون ايه لما يكبروا
ويتحكيلهم اللي حصل ويعيشوا في مجتمع الناس فيه ما بترحمش
تمت
