زواج في السر بقلم عادل الصعيدي

وقبل ما بدا حكايتي اعرفكم بنفسي انا اسمي سلمي عندي 28 سنه عايشة مع ماما وبابا وليا اختي الكبيره عايشه مع جوزها وابنها سيف
وفي يوم لقيت سمر اختي جايه عندنا وبتعيط قولت لها 
في ايه ياسمر مالك انتي زعلتي تاني مع أكرم هو علطول بينك عليكي كده استغفر الله العظيم هو البني آدم ده ايه معندوش ډم
سمر 

وطي صوتك ياسلمي مش عايزة ماما وبابا يعرفو حاجة انا تعبت ياسلمي تعبت اوي بس مستحمله عشان سيف ابني تصوري الولد من كتر خوفه منه بقا بيعمل حمام على نفسه وهو نايم
سلمي 
انا مش عارفه انتي ساكتة له ليه على اللي بيعمله فيكي انتي وابنك ده ده بيستهبل
سمر 
خلاص بقا اسكتي عشان ماما متحسش بحاجة انا مش عايزاهم يحسو بحاجة ولا يعرفو انه بيعاملني كده
سلمي 
والله بابا كان عنده حق لما قال لك بلاش أكرم ده بس انتي اللي صممت عليه ياسمر
سمر 
اعمل ايه كنت بحبه ياسلمي انتي متعرفيش أكرم ده كان بيعملي ايه واحنا مخطوبين ده بيبقا عايز يجيب لي حته من السما كده بس معرفش اتبدل ليه بعد الجواز وبقا واحد تاني خالص
سلمي 
معلش ياحبيبتي ربنا يصبرك انا هاقول لك ايه يعني وبعدين مش عايزين بابا يحس بحاجة خالص
وصحيت ماما من النوم هي وبابا ولقو سمر عندنا بابا قال لها 
ايه ده سمر ايه يابنتي اللي جايبك بدري كده سيف وأكرم كويسين
سمر بارتباك 
اه يابابا الحمد لله كلنا بخير انا بس كنت رايحة السوق فقولت أعدي عليكم واشوف لو ماما عايزة حاجة من السوق ولا حاجة
الام 
لا ياحبيبتي انا مش عايزة حاجة المهم انتي فطرتي اكيد لسه طبعا انا هدخل احضر الفطار عشان تفطري معانا قبل ماابوكي ينزل الشغل
ودخلت ماما تحضر الفطار وبابا دخل يلبس وسمر وقالت لي 
اوعي تقولي لحد اني كنت بعيط ياسلمي
سلمي 
لا طبعا هو انا عبيطه عشان اقول حاجة
وبعدها فطرنا وانا نزلت لشغلي في المدرسه وسمر رجعت البيت لقت أكرم بيقول لها 
انتي كنتي ياسمر على الصبح كده
سمر 
كنت عند امي يا أكرم رحت اتفك عندهم شوية انت عايز مني حاجة
أكرم 
يعني سيباني وسايبه ابنك نايم ورايحة تتفكي عند امك وابوكي انتي اټجننتي ياوليه وبعدين تتفكي من ايه
سمر 
من عمايلك فيا يا أكرم انا تعبت من عمايلك وكلامك ليا انت عايز ايه مني
أكرم 
عمايلي ايه هو انا بعمل فيكي ايه يعني اومال لو باكلك كل يوم علقھ كنتي عاملتي ايه طب ده جمال صاحبي كل يوم يصبح مراته بعلقھ ويمسيها بعلقھ انما انا مش بعمل كده عشان انا راجل محترم
سمر بتريقه 
محترم يا أكرم انت محترم فين ده ياخويا وكلامك اللي زي السم ده احترام برضو وصوتك اللي كل يوم تسمع بيه الجيران احترام
أكرم 
طيب تصدقي بايه ياسمر لو مسكتيش مش هتعرفي انا هعمل فيكي ايه دلوقتي بصي انا هسيب لك البيت وماشي
سمر 
بالسلامه يا خويا
وخرج سيف عمال يعيط وقال لها 
ماما ماما انا خاېف ياماما هو بابا بيزعق ليه تاني
سمر 
متخافش ياحبيبي بابا خلاص مشي انت عملت حمام تاني ياسيف
سيف 
معلش ياماما انا معرفش المايه دي منين
سمر 
طيب تعالي لما اغير لك هدومك
وبالليل رجع أكرم من الشغل ودخل وقال 
بت ياسمر انتي يازفته انتي
سمر 
ايه يا أكرم في ايه انت راجع من بره عمال تزعق ليه كده
أكرم 
حضري الاكل عايز اكل يلا
سمر 
حاضر هدخل احضر الاكل
ودخلت المطبخ وسيف كان بيلعب في الصاله ووقع الفازة واتكسرت وأكرم قال له 
يانهار اسود يابن الكلب ايه اللي انت عملته ده انت كسرت الفازة ده انا هخلي يوم اهلك