احببته رغم غيابه بقلم مريم السيد

صحبة عمرك تعملي فيا كد معرفش عنك حاجه. فجأة أسمع إنك إتجوزتي وسافرتي ومين! أحمد إللي عملتي موڤ أون عنه لاا واضح أوي إنك نسيتيه ي مريم مشيتي ورا واحد محبكيش ولا قدر مشاعرك وسبتي أكتر إنسان حبك وقدرك وإستحمل برودك. لي يبنتي عملتي كد ف نفسك حرام عليكي يمريم بجد.
سابتني ومشيت بدون ما تسمع ردي عندها حق تزعل ماهي صحبتي الوحيده وإختفيت عنها فجأه ومعرفتهاش بالحكاية الشعور بالوحدة رغم كل إللي حواليك بيوجع أوي وجوده في حياتي كان مؤنس ليا أوي حسيت بقيمته بس مينفعش!!

أحمد
لقيت ريم بتقول بغيرةيعني أنا مش فاهمه انت متضايق على بعادها أوي كد يا أحمد!
يحبيبتي مش كدة خالص بس مريم من صغرها عندها خوف من إللي جاي دي كانت تخاصمني علشان كنت باكل كانت فاكره ده هيأثر عليا زي باباها رغم إنه والدها كان مټوفي قضاء وقدر بس كانت تقول بابا ماټ علشان تخين وربنا عمره ما هياخده من غير سبب فمسكت في كد!!. مشكلة مريم بتصدق خۏفها حتى لو جه إللي يطمنها بيبقى عندها شعور إنها ھتأذيه وزي ما عملت مع أكتر إنسان حبها رفضها ليه سبب إنها إتمسكت بوعد طفل كان عنده 12 سنه!!
ريم قعدت جمبي وقالتبس ده مش زنبك ده زنب مريم وهي بنفسها هتقدر تغير من نفسها رفضها لمحمد شايفة إنها مش مش مناسبة في الوقت ده محتاجه تتعافى من حب شخص تاني علشان تقدر تبادل حب للشخص الحقيقي مريم هتتغير وهي أكيد عارفة نهاية الطريق ده إيه. يمكن طريقها يتوهه بس هييجي اليوم إللي هتلاقي مرشد لطريقها.
مريم
فتحت الفون بتاعي بعد ما قفلته ليا فتره بعد ما بعدت عن الكل مشيت من بيت ماما وروحت عند صحبتي كوثر يمكن هي دي الوحيدة إللي هقدر أرتاح من الكل وأنا عندها. فتحت الفون لقيت أحمد ريم وماما ومنه كلهم رنين عليا فتحت الآك بتاعي على الفيس وفتحت لايڤ وقولتدايما الإنسان بيبعد عن إللي بيحبوه علشان يقدر يتعافى من القلب إللي كسره لإنه إتعشم في عشم مكنش يقصده من خوفة للي جاي بعد عنه خاف ليبقى الشخص المؤذي في قصة أحدهم. خاېف ليكون مدمر حياتهم. فبيقرر يبعد لحد ما يتعافى ولكل معافى ليها نتيجة ونتيجة كل ده هيبقى المجني ولا المجني عليه يترى.
قفلت الايڤ وسبتهم يتناقشوا في الآسك إللي سبتهلقيت كوثر دخلت عليا البلكونه وفي إيدها كوبايتين شاي مديتلي الكوباية وشغلت فيروز وفضلنا باصين للسماء لما الدنيا تيجي عليا بحب ألتجأ إني أبص للسما والنجوم ربنا دايما بيدينا حجات نلتجأ ليها علشان نقدر نريح نفوسنا من الحروب إللي واجهتها.
بصيت على كوثر وقولتكوكا هو أنا فعلا العلاقة المؤذية في حياة أي حد
عدلت قعدتها وبصيت ليا وقالتبصي يمريوم أنا عارفة إنه كل ده بسبب إنك عشمتي نفسك بوعد طفل صغير ومسمحتيش لقلبك ولا لعقلك إنه لازم يبقى مستعد للي هيواجهه في الحب والشوق ده ولما أحمد رجع بريم قلبك وعقلك مقدروش يستوعبوا ده فالبتالي مقدرتيش تتحملي حب محمد ليكي أنا هنا إحترمتك كرأي لإنك فاهمه نفسك وفاهمة نتيجة إنك مبقتيش متعافية من علاقة وهمية كانت في خيالك فأنا من رأيي يمريم كملي وحاولي تتصالحي مع نفسك وتبقي فاهماها ولازم تتعافي من كل إللي مريتي بيه.
محمد
يست الكل انت متأكدة دي العمارة مش دي عمارة خالتي بردو ولا أنا متهيألي!!
ماهو يحبيبي العروسة من هنا.
إمممم لما نشوف مفاجآتك يست الكل ده الناقص تقولي هخطبلك فيروز بنت خالتك.
ما هي دي العروسة يحبيبي.
تنحت قدامها والجاتوة وقع منينععععععم!!!!!!
يتبع
الثانية عشر
ما هي دي العروسة يحبيبي.
تنحت قدامها والجاتوة وقع منينععععععم!!!!!!
أمي وقفت مكانها وبصتلي بإستغرابفيه إيه يا محمد يعني إنت جاي كل ده ومش عارف مين وأنا إللي فاكره إنك قدرت تلمحها وتعرف مين خيبة على تربيتك يا يسرية.
شيلت علبة الجاتوه من الأرض وقولت ليها بيأسيماما يحبيبتي أنا مش عاوز أظلمها معايا ودي فيروز بنت خالتي يعني قرايب بقى وكد. معلش شوفي غيرها وأنا هوافق.
لقيتها سابقتني بخطوتين وقالتيعني هي هتفرق غريب ولا قريب وأنا عاوزاك يا محمد تفكر تزعل بنت أختي علشان هربيك من أول وجديد وأنا قلت فيروز يعني فيروز ومش شرط تتجوز نيلة عن حب. لو كله بيفكر نفس تفكيرك ولا يستنى الشخص إللي بيتمناه كانوا كلهم دلوقتي قاعدين في شوارعهم شوارع الذكريات.
وقفت وحطت إيدها على وشي وقالتيحبيبي لازم تفوق لنفسك مريم مبقتش ينفع تبقالك خلاص دي بقيت على زمة راجل تاني غيرك يعني لازم تفوق لنفسك كد وركز زيها زي ما ركزت في حياتها.
لقيت والدتي بتفتح باب الشقة وبتقولأتفضل يا مولانا العرسان موجدين!!
بصيت لأمي بإستغراب.. فتجاهلت نظرتي وجابت المأذون لحد عندي أنا من ناحية وفيروز من ناحية وهو في النص بينا كان هيبدأ لسه هتكلم لقيت قومي بتقولكمل يمولانا هو بس العريس شكله مكثوف وكد وأول مره يتجوز بقى.
جزيت على أسناني پغضب وسبت المأذون يكمل. المأذون خلص وأمي باركت ليا ولفيروز وانا على آخري بقى أنا أخد واحده طفلة هتحملها إزاي أصلا ده انا مش شايفها غير اخت ليا وفيروز عقلها مش مناسب ليا ومش عاوز أظلمها لإنها تستاهل حد يفهمها ويفهم هبلها أما عني وعن قلبي فهو في حب شخص تاني ومش قادر ينساه.
مريم
دخلت كوكا عليا وفي إيديها طبق بسبوسة ربعت رجلي الإتنين وأنا باصة للصينيه بلهفةوريني بقى تكاتك وحركاتك يبتت.
أخدت منها الطبق وأكلت منه قطعه واحده بس ومديتلها الطبق هقولكوا يجماعه أصل أنا ممكن أبان قد إيه أنا جعانه بس في الآخر ملعقتين بالعدد.
قومت أتوضى لما سمعت صوت الآذان وقفت على المصلاية وكإني أول مره أقف قدام ربنا وأنا كل الندم صابني سجدت وحسيت بخشوع قلت وأنا دموعي بتنزل على المصلايةيرب أنا بعدت عنك وعارفة قد إيه عصيتك كتير ظلمت من عبدك كتير وأذيتهم في حياتهم يرب سامحني وإغفرلي كل ذنوبي عبدك مهموم ومحتاج السند بلائي أقوى من إنه حد يخلصني منه فأنت القوي والجبار قادر على كل شئ ريح قلب عبدك هو محتاجك يرب.
خلصت صلاة وقريت الورد إللي كنت دايما بواظب عليه لقيت كوثر كانت بتصلي مكاني وجات قعدت نامت على رجلي فضلت ألعب في شعرها لحد ما غفلت في النوم.
أحمد
ألو يا ريم.
قالت بنعاسإممم يا أحمد خير.
مريم قالت لأهلها إني أنا وهي أتطلقنا وأنا كلها شهر وهاجي لأهلك أكتب كتابنا.
ريم قامت من الفرحة تتنطنطقول والله كد يا احمد.
فضلت أضحك على طريقة كلامها وقولتههزر في حاجه زي دي إزاي بس يبنتي.
ريم قالت بحبأنا بحبك أوي يا أحمد ربنا يديمك ليا بجد.
وأنا بحبك يقلب يا أحمد.
محمد
مش عارف التدبيسة دي يعني