المعاق
المحتويات
انتى اي بينك وبين مرات مراد السيوفي..
سما پصدمه مراد السيوفى مين ..
امير مراد السيوفي اللى رحت النهارده اطلب ايد بنته وقالى مش هوافق الا لما تسأل امك اي بينها وبين مراتى ..
اي بينك وبين مراته يا ماما وانتى تعرفيها منين اصلا ..
سما اتنهدت وغمضت عينيها تستجمع قوتها فيروز أنا اعرفها من زمان كنا مع بعض في الجامعه..
سما بدموع المشكله انى مكنتش سيباها في حالها وكنت بغير منها لابعد حد لأنها كانت اشطر منى وانجح مني خدت كل حاجه حتى الشخص اللي حبيته..
_اي دا انتى كنتى بتحبي مراد
_لا أنا كنت بحب عمر وهو كان طرف في كل حاجه بتحصل لأنها حصلت بسببه وبسبب حبى ليه حاولت اخد مكانها في الكليه وخدته فعلا بس بالغش بعلاقاتى اللى كانت مع الدكاتره ونفوذ ابويا كل حاجه اتحلت ودرجاتى بقت دجاتها ودرجاتها بقت درجاتى وكل حاجه انتهت بمجرد ما دفعت شوية فلوس وسړقت شهادتها ..
لكن مراد ما سكتش وخد مكانها تانى ..
_ايوا واي خلاكى تعملى كدا..
_لان فيروز كانت بتحب عمر وكنت متخيله أن عمر سابنى بسببها لكن اللى اكتشفته بعد ما اذتها جامد أن مراد هوا اللى بيحبها واتجوزها
_عملتى اي
_دفنتها وهى حيه ومراد جه أنقذها
عنده حق يقولى اسألك امك منا امى طلعت عامله عمايلها و...
أنا مش قادر تنطقها انتى لى عملتى كدا كانت اذتك في اي ..
_يا ابنى أنا كنت مريضه وتعبانه وكان الشيطان عامينى عن الحق ولما فوقت فوقت بعد فوات الاوان ولقيت ابوك جنبي حبيته وتجوزته وكان فعلا احسن اختيار في حياتى ورحت اعتذرت من فيروز لكن هى طردتنى وطلعتنى من حياتهم...
أنا مش متخيل انك كنتي كدا أنا مش هقدر اقف قدامها واطلب بنتها ولا اروح للراجل اللي موافق على المبدا اصلا هبقى مكسوف اووي وانا بقولها حطى ايدك في ايد عدوتك وجوزيني بنتك أنا حاسس بالخذلان بجد..
سما أنا مستعده اعتذرلها تاني علشان خاطرك ومش هسيبها الا لما توافق..
_والبنت اللى بتحبها..
ضحك بسخريه شكلها مش من نصيبي يا ماما زمانها عرفت دلوقتي واستحاله توافق ..
مسك دماغه وقعد على الكرسي وسما قربت منه يا ابنى صدقنى والله كان ڠصب عنى سامحنى..
_تمام تمام وقام من مكانه وطلع على أوضته..
لما جه حكتله كل اللى حصل وفضلت ټعيط وهوا يهديها
_مكنتش اعرف ان اللى عملته زمان هيكون عقبه في طريق عيل من عيالى مكنتش متخيله أن في صفه هتجمعنا تاني لا وكمان في عيالنا يعنى مفيش هزار وفيروز عمرها ما هتسامح..
طبطب عليها وقال سما انتى اتغيرتى من زمان انتى مكنتيش تعرفي أن كل دا هيحصل بس يمكن دي فرصه انك تصلحى غلطك اللى بقاله سنين وتفتحوا صفحه جديده علشان خاطر عيالكوا لازم تقابليها وتتكلموا..
_حاضر هحاول مع انى عارفه انها استحاله توافق...
مر اسبوع على الموقف دا ..
امير كان حابس نفسه في الاوضه مش بيخرج منها وبسمه كانت بتروح الكليه على أمل انها تشوفه وطبعا مش يتخلى من معاكسة خالد ليها ومضايقة ساره لكن كانت متجاهله كل دا زي ما امها علمتها ...
كانت بتقعد تستناه بالساعات على أمل انها تشوفه بس مش بيحصل ..
_يا تري مختفى فين يا امير يا ابن ام امير..
سما كانت واقفه قدام اوضته يا ابنى افتح بقى حرام عليك تعبتنى انت لى بتعمل معايا كدا..
_ارجوكى يا ماما ارجوكى مش عاوز اتكلم في اي حاجه ولا عاوز نقاش ..
_طيب قولى انت عاوز اي وانا اجيبهولك حرام اللى بتعمله فيا وفي نفسك دا..
_يا ماما امشي دلوقتي لو سمحتى وانا لما هروق هخرج متقلقيش عليا..
_ماشي يا ابنى اللى تشوفه
نزلت وقعدت جنب جوزها ..
_لسه
سما بيأس لسه مش عارفه اعمل اي
_سيبيه أنا هتصرف..
_مراد بيه واحد عاوز حضرتك
_خليه يتفضل..
دخل وكان ابو امير حسن
مراد اتفضل ..
حسن أنا حسن ابو امير ..
مراد اها تشرفت اكيد..
_نورك ..انت طبعا عارف انا جاي في اي ..
_ابنك مفكر أن الكلام معايا لعب عيال ومشي ومرجعش ..
_اعذره هوا خاېف يواجه بسمه ويواجهك ويواجه فيروز بعد اللى أمه قالتهوله
_بس أنا قولتله طالما بنتى عوزاك مش هيهمنى اي حاجه وطنش كلامى ومشي على مزاجى فأنت لو جاي علشان اساعده ف أنا آسف ابنك مطلعش قد الفرصه اللي ادتهاله
_انا آسف ليك بس حقيقي انت متعرفش حالته النفسية عامله ازاي أنا أول مره اشوف امير مطفى كدا بعد ما كان هوا سبب سعادتنا وفرحتنا ارجوك متحكمش عليه من غير ما تعرف السبب
_ابنك هرب من اول مواجهه كان لازم يجي ويواجه ويبرر موقفه ويحاول يقنع فيروز وانا كنت موافق ومعاه لكن هوا مطلعش قد الثقه اللي ادتهاله ..
_صدقنى امير خد صدمة عمره في أمه ومش عاوزه يخسر البنت اللي بيحبها ارجوك أنا جيتلك علشان عارف واسمع عنك انك راجل حكيم وبتقدر توزن المواضيع ومش بتحب تظلم حد وانا جيتلك علشان واثق انك هتسمعنى وتدينا فرصه ..
مراد بتفكير الساعه ٧هستناك انت ومراتك وابنك ...
حسن قام وقف بسعاده بجد شكرا جدا مش عارف اقولك اي
مراد بابتسامه متقولش حاجه لولا انى عارف ان بنتى هى كمان بتحبه مكنتش عملت كدا ..
_ان شاء الله ربنا هيوفق..
عن اذنك..
حسن روح البيت بفرحه..
_سما سما
_اي يا حسن
_مراد النهارده مستنينا عنده الساعه ٧ أنا وانتى وامير..
سما بفرحه بجد..
حسن طلع لامير وخبط الباب ...
امير نعم..
حسن بهدوء افتح يا أمير. أنا باباك..
امير فتح الباب وحسن دخل..
_خير يا بابا..
_اسألك سؤال ..انت لما روحت اتقدمت لبنت مراد رحت لمين..
_لابوها..
_وقالك اي
_انه معندهوش مانع وموافق..
_حتى وهوا عارف امك صح
_اه..
_طيب لى عملت كدا يا امير وهوا نفسه كان مستنيك وانت خيبت أمله فيك ..
_انا مقدرتش اروح أواجه مش هعرف أواجه ..
_طيب هوا دلوقتي أنا روحتله وطلبت ايد بنته ليك ومستنينا النهارده الساعه ٧
امير بفرحه دا بجد
حسن بابتسامه بجد..
امير حضنه بفرحه أنا بحبك اووي يا بابا ..
حسن طيب يا اخويا أنا عندى شرط ..
_اي هوا
_تصالح امك اهم حاجه وبعدها تحلق دقنك وتظبط حالك ونروح
_بس
_مبسش يا أمير الموضوع دا كان قديم ولا انت ولا بنتها كنتوا موجودين اصلا وعاوزك تتعلم تحط مبررات للى حواليك وامك اه غلطت لكن صلحت غلطها وانا عمري ما شوفت منها حاجه وحشه ولا شوفت منها اي حاجه حتى انت ربتك على المبادئ والأخلاق ..وعمرها ما شجعتك على الغلط ..ف انت ملكش الحق انك تحكم عليها...
_حاضر يا بابا..
مراد وصل البيت ..
كان الكل متجمع على غير العاده ..
مراد دخل بثبات ووقف قدامهم وعينيه على فيروز امير وعيلته جايبن النهارده الساعه ٧ومعاهم أمه
متابعة القراءة
