ممنوع من العرض الحلقة الثالثة
المحتويات
قصص أدهم صبري..
زهره ايوا و قصص الدكتور نبيل فاروق كمان..
فريد انا عندي روايات كتير للدكتور نبيل فاروق ولو حابه تقدري تقراي منهم..
زهره بإبتسامه متشكره لذوق حضرتك..
فريد العفو..زهره!
زهره نعم.
فريد أنتي كنتي قولتيلي انك عارفه مكان مخزن طارق وريان أنا كنت عارف إن فيه شغل بينهم بس أنتي عرفتي إزاي!!
وعرفتي ازاي مكان المخزن انتي قعدتي عندهم اسبوع واحد!!
زهره بهدوء حاضر هكتبلك العنوان..
فريد ومش هتقوليلي ازاي عرفتيه!! و إيه اللي خلي إعجابه بيكي بل و محاولته أنه يقرب منك لعداوه!!
زهره أنا مش عدوته بس هو عدوي..
فريد مش فاهم يعني هو بيحبك مثلا وعاوز يتجوزك بالعافيه!! مهي ملهاش تفسير غير كدا..
زهره استاذ فريد أنا حكايتي مش هتفرق معاك في حاجه أنا عارفه انك بتطارد ريان مش طارق بس بما ان ريان شريك طارق يبقي بتطارد الاتنين و لو وصلت لواحد يبقي وصلت للإتنين..
فريد طب وأنا ليه اخلق عداوه مع طارق اصلا هو انا ناقص! أنا عندي إخوات بنات اخاڤ عليهم منه وجودك هنا يا زهره كان ممكن يخلي حاله سليم في خ طر لولا ستر ربنا فيبقي علي الأقل ليا الحق اعرف هو بيطاردك ليه..
سامية لازم تيجي دلوقتي حالا يا زهره..
زهره بقلق إيه اللي حصل بس يا خالتو أنتم كويسين!!
سامية الزفت اللي اسمه طارق جايلك علي فيلا فريد اخرجي من عندك بسرعه..
زهره پخوف هو اللي جاي طب اروح فين دلوقتي!!
فريد في إيه!
ساميه دا فريد!!
زهره أيوا هو..
فريد ألو! في إيه يا ساميه!! مين اللي جاي هنا!!
سامية طارق.. احميها منه بالله عليك دا بني أدم مؤذي..
فريد بهدوء متقلقيش يا ساميه..تعالي معايا يا زهره..
زهره خرجت ورا فريد و هي خاېفه ومتوتره و وصل للأوضة اللي هو مأمنها بشكل كبير علشان يحمي إخواته لو حصل أي حاجه
زهره پخوف أنا هفضل هنا
زهره بدموععاوز يأذيني علشان عرفت مكان المخزن..
فريد عرفتي مكان المخزن إزاي!!
زهره أنا كنت شغاله من حوالي سنة في مطعم فندق تبع عيلة طارق وهو شافني هناك و بعدها عرض عليا اشتغل طباخه عندهم في البيت و عرض مبلغ كبير وأنا للاسف وافقت لأني كنت مخطوبة و بجهز نفسي و كمان أهلي متوفيين ومليش إخوات..
لكن كانت حياتي كويسه وباكل وبلبس كويس بس موضوع الجهاز دا اللي عمل معايا مشاكل ومكنتش عارفه اجيب حاجه ولما لقيت الشغل دا أنا فضلته
متابعة القراءة
