ممنوع من العرض الفصل 4
المحتويات
يشوفها في الوضع دا بتفقد سيطرتها علي نفسها لحظه بعد لحظه..
دخل المطبخ و سحبها من إيديها ناحيه الباب الداخلي ليه و خرج بيها للجنينه ولكنه مكانش متوقع إيه هيكون تصرفها ف قرر أنه يبعد بيها عن البيت
سحب إيديها لحد العربيه و اتحرك بيها لحد ما وصل لمكان بعيد عن البيت..
وقف العربيه و استدار ليها كانت ساكته وهاديه ولكن حركاتها مش متزنه عينها بتفتح وتقفل بصعوبه
زهره بدوخه ااه زهره أنا زهره..
فريد أنتي عارفاني!!
زهره أستاذ فريد اللي هيحميني..
فريد بإنتباه من مين!!
زهره طارق طارق..
فريد طارق أذاكي إزاي يا زهره!
زهره أذاني إزاي!! هو قالي هخليكي ټموتي كل يوم بالبطيئ..
فريد وأنتي خاېفه منه
زهره خاېفه أوي.. خاېفه بس أنت هتحميني صح!!
فريد بهدوء هحميكي يا زهرة..
فريد رجع بيها تاني للقصر لو كان في حاجه مستخبيه وراها كانت هتقولها أكيد وهي تحت تأثير المخدر و دا حسس فريد بالندم أكتر و إحساس كمان بالذنب..
في اليوم التاني زهرة فتحت عينيها لقت نفسها في سريرها وبرغم إنها مش فاكره إزاي جت ليه لكن لعلها غفت وهي مش متذكره
أخدت شاور علشان تبدأ يوم جديد وقفت قدام المرايا و إيديها كانت بترتجف من القرار اللي أخدته إنها تتخلي عن قناعها و ترجع تاني تثق في الناس
لابسه بلوزة طويله لبعد ركبتها وبنطلون واسع بصلها بنظره مختلطه بالإنبهار و الصدمه و كمان الندم لأنه من غير قصد شاف شعرها أكتر من مره وهي في غير وعيها
تدارك لغبطته بسبب نظرتها ليه اللي بتترجاه أنه يشرح الموقف لعيلته
فريد جماعه.. اقدم لكم زهرة اللي هي نفسها زاهر..
فريد هشرحلكم كل حاجه..
فريد شرحلهم الوضع ولكنه اتجنب ذكر موضوع المخزن خاصة قدام سليم وأحمد.. فريد بص لأحمد نظره تحذيريه وفهمها أحمد أنه مش عاوز زهرة تعرف اللي حصل إمبارح
سليم أتاريني كل ما أزعقلك علشان بتسيب البنات تضحك معاه تقولي خليك أوبن مايند انا قولت إيه اللي جرالك يا ابني!!
فريد بضيق أحمد لم نفسك.. زهره تعتبرها زي أختك بالظبط وأوعي تضايقها بنص كلمه..
أحمد بهدوء وإحترام طبعا يا فريد انت مش محتاج تقولي آنسه زهرة إحنا هنا ناس محترمين متقلقيش.. مهو انا بردو قولت الاكل الحلو دا ميطلعش من زاهر..
فريد بضيق لا انا هفهمها كل حاجه.. اتفضل خد ماما و تقي و
متابعة القراءة
