ممنوع من العرض 5

يا حبيبتي ربنا يتمملك علي خير يا رب..
تقي الله يبارك في حضرتك..
زهرة خرجت وهي شايلة العصير وقدمته للكل و وقف بتبص لفرحة تقي وزين بإبتسامة واسعه ولكنها كانت بتبص ل ليث بإستغراب كبير خلي فريد يقرب منها ويقف جمبها ويسألها بإهتمام..
فريد قرأتي قبل كدا رواية اسمها آسيرة الليث
زهره بتذكر أيوا قريتها..
فريد طب تعالي معايا..
زهرة اتحركت ورا فريد اللي اتجه ناحية ليث..
فريد دي زهرة يا عمي اللي قولتلك عنها دا عمي ليث يا زهرة و دي طنط رحمة زوجته..
زهرة بإبتسامه أهلا بح..... ااايه!! لا بجد!
فريد بإبتسامه أيوا هما..
زهرة يعني إيه! يعني ليث ورحمة و سارة و زين و أريج وكل الناس دول حقيقين!!
رحمة أيوا احنا قدامك أهوه..
فريد يعني دا مش خيال وأنتي فعلا قدامي أخبارك عمو مالك ايه لسه مسافر برا!!
ليث بضيق لا حول ولا قوة إلا بالله..
رحمة بضحك لسه بيغير لحد دلوقتي..
ليث يعني اغير علي مين غيرك!!
رحمة بضحك بناتك يا حبيبي دا انت حتي بتغير علي ليلي الصغيرة..
زهرة بإبتسامه ربنا يخليكم لبعض.. بس يا طنط انا عاوزة اتعرف علي العيلة كلها يعني أدهم و أدم ونور ومريم و كمان سارة و عبد الرحمن و الدكتور عز أكتر حد..
رحمة بإبتسامة حاضر هعرفك عليهم كلهم..
زهرة ولا اقولك خوديني اعيش عندكم..
رحمة بضحك تنوري..
فريد ليه إحنا بنعذبك هنا.. ولا عيلتنا ممله بعيدا عن مستوي تطلعاتك..
ليث وأنت متضايق أنت ليه!!
فريد أنا مش متضايق أنا عادي..
ليث بإستغراب طيب يا زهرة لو حابة تيجي يوم الجمعه في تجمع العيلة هبعتلك العربية تاخدك من هنا إيه رايك!!
فريد لا زهرة ممنوع تخرج من البيت... علشان يعني طارق..
ليث يبقي طارق دا يوريني هيقدر يته جم علي بيتي ازاي!
زهرة بضحك الله بقي..
وداد زهرة تعالي ثانية..
زهرة حاضر يا طنط عن إذنكم..
ليث بخبث لذيذة البنت تحسيها لايقة علي خالد إبن ادهم اي رأيك نقوله يمكن يتقدملها!!
رحمة بإبتسامه فهمت ليث اه فعلا البنت لذيذة وشكلها طيب و اهم حاجه انها بتحب عيلتنا..
فريد منور يا عمي والله..
ليث بضحك بنورك يا حبيبي..
فريد عينه الثابته علي زهره طول السهرة كانت واضحه للكل تحركاتها في كل مكان بين الضيوف و ابتسامتها و تعاملها الراقي معاهم و كأنها بنت العيلة كانت مميزة بالنسبة ليه.. 
الكل قرأ الفاتحة و هنوا زين و تقي لبداية علاقة جديدة زين لبس تقي دبلة بسيطة و شيك و هي كذلك وباقي شبكتها هيكون ليها إحتفال تاني بعد ما والد زين يرجع من سفره..
زين عقبال كتب الكتاب ان شاء الله قريب... مبروك..
تقي بخجل الله يبارك فيك..
زين أنا بحبك.. اقسم بالله بقي لو اخوكي دا قرفني انا هخ طفك..
أحمد بتقول حاجه يا زين!!!
زين الاه احنا لحقنا!!
أحمد حبيبي انت تلم نفسك لحد كتب الكتاب والا هفركش ام الجوازة دي عشان انا مش عاوزها أصلا..
زين للاسف بقي هي بقت خطيبتي دلوقتي وقريب هتبقي مراتي ومش هتلمح طيفها..
احمد ابقي وريني شطارتك..
تقي بس بقي أنتوا هتتخانقوا انتوا الإتنين!!!
سليم كان قاعد بعيد باصص لأخته بإبتسامه مليان حب و غيرة في نفس الوقت..
شذا شامه ريحة شياط..
سليم هولع و هطق منه اقسم بالله يعني ايه واحد كدا يجي ياخدها مني!! مش متخيل بجد...
شذا بإبتسامه هي دي سنة الحياة يا سليم..
علي طرف تاني زهرة كانت واقفه في المطبخ بتكمل التجهيزات الأخيرة للعشاء...
فريد كل حاجه جاهزه!!
وداد بخبث اه يا حبيبي خليك هنا علشان تساعدنا في رص السفرة..
فريد اه تمام ماشي..
وداد بضحك يلا يا بنتي.. وانت هات الصواني دي..
فريد حاضر..
سليم كان واقف برا باصص لفريد بإستغراب وجمبه شذا و ليث ورحمة لأنه دايما كان بيفضل أنه يفضل مع الضيوف و عمره ما كان بيشارك في التحضيرات..
شذا هو مال فريد لازق في ماما كدا!
سليم بضحك لا يا شذا فريد لازق في زهرة..
ليث بإبتسامة مش قولتلك من اول ما جيت وأنا حاسس إنه متغير والظاهر إن زهرة هي سبب التغيير دا..
رحمة شكله مهتم بيها أوي..
ليث فريد دلوقتي مش حاسس باللي هو بيعمله هو عقله بيقنعه دلوقتي إنه بيساعد والدته و إن زهره مش فارقه معاه حتي لو قلبه نبه وقاله انت هنا علشان زهرة هيرد عقله ويقوله لا دا