زوجه محرمه كامله الجزء الثاني

وروحت البيت وهناك وحيد مش رضي يروح بيته وبقي معايا في البيت هو ومراته سلمي .
اختي ام سلمي جت تشوفني تاني يوم وبردو نور مش معاها !!!
سألتها نور مش بييجي معاكي ليه هو مش عرف اني عملت عمليه 
الصراحة يا امير مش عارفة اقولك ايه !!!
اتكلمي نور ماله تعبان ولا حاجة 
لا هو كويس بس احواله هي اللي مش كويسه ابدا .
ازاي فهميني 
نور علطول كان بيقعد لوحده واحنا اتعودنا علي كده لكن الفترة الاخيرة احواله اتغيرت اوي وبقي يعمل حاجات غريبة .
حاجات زي ايه اتكلمي علطول .
نور من اول ما قعد عندي لاحظت انه مش بيصلي حاولت انبهه وقولت ربنا يهديه لكن اللي زاد الفترة الاخيرة انه في رمضان كان بيفطر بالنهار ومش بيرضي يصوم معانا والاغرب كمان ان كل ما اشغل قران ويسمعه يجري ويقفله !!!!!
معقول !!! 
ايوه .
وانتي عملتي معاه ايه  
حاولت اقولهةيصوم وافهم منه بيقفل القران ليه جاوبني بكلام مش فهمت منه اي حاجة .
وبعدين 
معرفش يا امير انا عاوزة اقولك حاجة بس متزعلش مني .
قولي .
انا عاوزة نور يرجع يعيش معاك هنا انت ابوه وتعرف تتكلم معاه وتفهم منه هو ماله اكتر مني .
انتي عندك حق يا اختي لما تروحي قوليله ابوك عاوزك تروحله دلوقتي حالا .
مشيت ام سلمي وناديت علي وحيد وقولتله اخوك نور جاي دلوقتي وانت سمعت كلام عمتك اول ما ييجي تعالي اقعد معانا وحاول تفهم معايا الواد ده ماله .
وفعلا بعد حوالي ساعتين وصل نور وقولتله تعالي يا نور. اقعد .
قعد نور قدامي وسألته انت مش عرفت اني عملت عمليه الزايدة 
ايوه عرفت .
ومش جيت تتطمن عليا يا نور  
كنت بطمن عليك من عمتي .
مش المفروض تيجي تشوفني بنفسك !!
مش عاوز اقلقك وقولت اسيبك مرتاح .
انا ارتاح يا نور لما اطمن عليك وعلي اخواتك انما بعدك عني واحوالك بالشكل ده هو اللي يقلقني بجد .
مش فاهم .
انت لازم ترجع تعيش معايا هنا .
لأ معلش انا مرتاح عند عمتي .
عمتك ظروفها اتغيرت ومش هينفع تقعد عندها تاني بعد كده اخوك وحيد هيروح يجيب حاجاتك من هناك علشان تعيش هنا في بيتك .
يا بابا مش هينفعش .
وحيد قاطع نور في كلامه وقاله ابوك عنده حق يا نور وانا كمان هجي اعيش معاكم هنا ونعيش كلنا مع بعض تاني .
يا وحيد ..
خلاص يا نور بلاش كلام كتير علشان ابوك تعبان دلوقتي وعمتك نفسها هي اللي طلبت من ابوك كده .
وفعلا نور ووحيد راحوا عند عمتهم وجابوا كل ملابس وكتب وحاجات نور ورجعوا حطها في اوضته القديمة ووحيد ومراته سلمي جابوا حاجاتهم وهدومهم علشان يعيشوا معانا .
قولت لنجلاء انتي سمعتي كلام اختي ام سلمي 
ايوه .
وايه رأيك 
رأيي في ايه يا امير 
ان نور ووحيد ومرات وحيد يعيشوا معنا هنا  
معقول بتسألني يا امير !!! اولادك كأنهم اولادي بالظبط والبيت واسع وكبير ويشيل من الحبايب ياما وانا اخدمهم بعينيا .
انا كنت عارف انك هتقولي كده علشان كده اتكلمت وانا مطمن .
في الليلة دي قعدت نجلاء ووحيد وسلمي معايا نتكلم ونحكي كلنا ما عدا نور اللي قفل علي نفسه باب اوضته من اول ما وصل .
وحوالي الساعة ١٢ بالليل دخل وحيد ومراته اوضتهم وانا ونجلاء قفلنا باب الاوضة علشان ننام .
ويعد ما نمنا بحوالي ساعتين 
تابع
الجزء الثاني
الحلقه 9
في الليلة دي قعدت نجلاء ووحيد وسلمي معايا نتكلم ونحكي كلنا ما عدا نور اللي قفل علي نفسه باب اوضته من اول ما وصل .
وحوالي الساعة ١٢ بالليل دخل وحيد ومراته اوضتهم وانا ونجلاء قفلنا باب الاوضة علشان ننام .
وبعد ما نمنا بحوالي ساعتين صحيت علي صوت صړاخ شديد !!
قومت مڤزوع رغم تعبي وقامت نجلاء سألتني مالك يا امير في ايه 
انتي سمعتي صوت حد پيصرخ دلوقتي 
لأ انا كنت نايمة ومسمعتش حاجة .
طيب قومي معايا بسرعة .
قامت نجلاء معايا وخرجنا كان الصوت من ناحية اوضة نور !!
روحت انا و نجلاء وحاولت فتح الاوضة لكن نور كان قافلها بالمفتاح .
خبطت علي الباب كتير بصوت عالي لكن نور مش فتح ولا رد عليا !!!! 
قولت لنجلاء تروح تصحي وحيد لكنها قالي مش هينفع اروح اصحيهم وهما نايمين خلاص ادخل نام والصبح اسأل نور .
قولتلها انا قلقان علي الولد ليكون حصله حاجة !! روحي صحي اخوه بسرعه يكسر الباب ويشوف فيه ايه .
انا مهما كان غريبة عنه هو ومراته روح صحيه انت .
روحت صحيت وحيد و حكيتله اللي سمعته وطلبت منه يكسر باب اوضة اخوه وفعلا وحيد كسر الباب ودخلنا كان نور نايم !!
صحي نور وكان شكله متغير زي ما يكون خاېف او مرتبك وقال ايه ده !! في ايه حصل 
سألته انت صړخت من شوية  
لأ انا كنت نايم .
انا متأكد ان سمعت صوت صړاخ من ازضتك من شوية .
يا بابا انت دخلت وشوفتني نايم قدامك اهو . 
انا خبطت الباب عليك كتير اوي مش فتحت ليه  
مسمعتش حاجه بقول لحضرتك كنت نايم .
بصيت لنور وحسيت انه بيكدب وقولتله انت متأكد ان انت كويس 
ايوه يا بابا .
رجعنا كلنا كل واحد دخل اوضته ونجلاء قالتلي علفكرة يا امير انا بيتهيألي انك كنت بتحلم 
لأ انا متأكد اني صحيت علي الصوت لأني بعد ما صحيت سمعت ابصوت بوضوح اوي .
انا مسمعتش ولا حتي وحيد ولا مراته !! يمكن يكون بيتهيألك يا امير بسبب كلام اختك عن نور  
انا بكره لازم اجيب الشيخ يشوف فيه ايه ومش هنخسر حاجة .
وفعلا تاني يوم جبت الشيخ معايا واول ما دخل البيت قال اعوذ بالله من الشيطان الرجيم وبدأ يقرا اية الكرسي والمعوذتين !!!
اول ما قعد الشيخ وبطل قراءة سألته في ايه يا شيخ انا شايفك المرة دي غير كل مرة !!!
قالي البيت ده دلوقتي فيه روح شريرة !!
يعني ايه  
في دلوقتي جن موجود في المكان .
بدأت اعصابي تتوتر وسألته طيب وهنعمل ايه  
انا لازم اقرأ قران في كل مكان في البيت علشان اعرف الجن واصرفه .
وبدأ الشيخ يقرا قران و يمشي براحه في البيت لحد ما وصل باب اوضة نور وفجأة خرج نور جري بسرعة من اوضته وپيصرخ وبيقول للشيخ اسكت . اسكت خالص . اخرص .
من الصدمة حسيت اني ممكن اټشل !! مش مصدق اللي سمعته بوداني من ابني الوحيد !!!!!
مسكت نور و صړخت في وشه انت بتقول ايه يا حيوان انت سيب الشيخ يقرأ علشان الشياطين تمشي .
شوفت حاجة عمري ما كنت اصدقها ابدا !!!
شوفت