صډمه عمري

صدمت عمري
فرحنا كان الخميس اللى فات كان جواز صالونات ... خطوبه كانت شهر واحد .. بس كان باين انه هادى دايما مش بيتكلم كتير بيحب يسمع اكتر ودايما بيبتسم ف كلامه .. انا شخصيا ارتاحتله اوى ف الشهر ده واهلى حبوا جداا .. هو يتيم الاب والام ومالهوش اخوات .. عايش لوحده من وهو حوالى 19 سنه وهو دلوقتى 25 يعنى 6 سنين عايش لوحده .. اكله شربه لبسه كل حاجه كان بيعملها لنفسه .. وكان بيحب شغله اوى وبيهتم بيه جداا .. بقالنا 6 ايام متجوزين اهو بس هو مش معايا خالص .. ع طول ف مكتبه وقافل ع نفسه .. حتى مش بيخلينى ادخله خالص ولا بيطلب منى اعمله اي حاجه .. ودايما اول ما بتيجى اساعه 1 بليل بيخرج بره الفيلا وبيروح زى اوضه صغيره كده بنيها ورا الفيلا .. مكنتش اعرف بيروحها ليه او بيروح يعمل ايه فيها .. بس انا كنت فاهمه انه بيشتغل فيها وانه بيحب يشتغل وهو ف مكان لوحده يعنى .. بس عدى شهر ع الموضوع ده وانا زهقت حاسه انى قاعده لوحدى .. وبدات اتخنق قولت ف الاول هو كده يمكن عشان عاش سنين كتير لوحده بس كده مش هينفع وقررت انى هتكلم معاه اول مايرجع من بره .. وع الساعه 5 كده جه .. كنت حضرتله الاكل وكان اول مره هاياكل من ايدى كان اليوم ده .. لانه كان دايما يعمل هو الاكل ليه وليا ويجبلى اكلى وياخد اكله المكتب وياكل فيه .. اول مادخل من باب الفيلا ندهتله .. يوسف لو سمحت انا عاوزه اتكلم معاك .. جه وقعد وقالى ف ايه قولتله مش هتكلم هنا تعالى نتكلم ع السفره انا عملت انا الاكل النهارده .. لاقيته بصلى بستغراب وقالى ليه تعملى انتى الاكل ما انا ع طول بعمله انا .. قولتله عادى عايزاك تدوق اكلى وتقولى رايك .. ابتسم وقالى حاضر .. وقعد فعلا ع السفره .. وقالى ها بقى كنتى عايزانى ف ايه .. قولتله يوسف بصراحه انا زهقت انا حاسه انى قاعده تعبت من القاععده لوحدى .. انت ع طول ي اوضه المكتب ي بره الفيلا .. وسايبنى لوحدى مش بنتكلم مش بنخرج ولا بتعرفنى اى حاجه عنك .. ولا حتى بتودينى لماما .. قالى انا اسف انا بس اتعودت ع انى افضل لوحدى انتى عارفه انى بقالى 6 سنين لوحدى وهحتاج وقت لحد ما اتعود ولو ع مامتك انا هاخدك ليها بكره اول ما ارجع من الشغل بليل نقعد شويه عندها وبعدها نرجع سوا .. وبعدها قام وسبنى دخل اوضه المكتب من غير ما ياكل