جحود اب بقلم ندى الجندى
المحتويات
كأنك مش عايزه تسافرى
ساره بالعكس أنا كنت بودع حياتى القديمه
مجرد ما ركبت هنا عايزه انسى كل حاجه وابدأ حياه جديده
انا من حقى افرح شويه واودع الاحزان
حاسه ان من كتر المشاكل اللى واجهتها كبرتنى عمر فوق عمرى
عايزه اعيش حياتى وانبسط شويه كل اللى فات ده هعتبره مجرد تجربه قوتنى وعلمتنى وهنساها
ميرا طبطبت عليها ده احسن قرار خدتيه
خالد ايه يا سوزى ملبستيش لسه ليه
سوزى وقفت قدامه وهى ماسكه موبايله
ايه ده انا عايزه اعرف ايه ده
انا جوزى مچرم
خالد أتصدم وساكت مش بيرد
سوزان بزعيق رد علياااااااااااااااااا ايه ده
خالد شد منها الموبايل انتى ازاى تفتشى فى موبايلى
سوزان بزعيق وصوت عالى هو ده اللى همك
انا عايزه اعرف ايه ده
ايه اللى يخليك تعمل كده
خالد بزعيق اكبر انتى انتى السبب
سوزان باستغراب ايه انا انا اللى قولتلك تعمل كده
وياترى بقى بتاجر فى ايه والشحنه اللى اتمسكت دى كانت ايه مخډرات
رد عليا
خالد بزعيق ايوه ايوه انتى السبب لمى
طول الوقت محسسانى انى مش قد المقام وانك حاربتى وضحيتى عشان تختارينى صحيح ازاى سوزان هانم الشافعى بنت الحسب والنسب قبلت تتجوز مجرد موظف عند والداها انتى اللى طول الوقت محسسانى انك مش سعيده ومش عايشه نفس العيشه اللى كنتى عيشاها عند والدك
كنت بقول مش ده خالد اللى حبيته اللى حاربت عشانه
عمرى ما عايرتك بالفلوس انت اللى فهمت الكلام غلط
حتى لو مقالوهاش نظراتهم كانت بتقولها
كل الناس كانت مستكتراكى عليا
حتى اصحابى
كله كان فاكر انى اتجوزتك طمعان فيكى
عشان كده كان لازم اثبتلهم أنهم غلط
وتاجرت فى السلاح وبعد كده شركاتى بقت من أكبر الشركات تعدت شركات والدك كمان وبقى الكل شايف أن فعلا دلوقتى انا استحقك
الناس اللى كانت بتتريق عليا
بقى كله بيعملى الف حساب بعد ما كان محدش يسمع عنى ولا يعرفنى دلوقتى بقيت خالد الحديدى اسم يهز اللى يسمعه خالد بيتكلم كل ده بعصبيه ونفسه عالى جدا
سوزان مش مصدقه نفسها
________________________________________
بسمعه ده انا مش مصدقه انك بقيت كده
كلام ناس ايه اللى تحطه فى دماغك ويوصلك انك تعمل كده ده مش كلام الناس اللى عمل فيك كده ده حاجه من جواك انت بتقول حتى لو ملاقتش ده فى كلامهم بتلاقيه فى نظراتهم ازاى ازاى تغير حياتك للاسوء وتدخل نفسك فى طريق زى ده عشان نظره الناس ليك
ما طظ فى الناس تعمل فى نفسك كده ليه
ليه اصلا تشغل بالك باللى انت بتقوله ده
انا لما حبيتك واتجوزتك مابصتش لكلام حد ماهمنيش اى حد طالما كنت سعيده معاك مفرقش معايا رأى أى حد فيك
كنت كلامهم اصلا مش بيعدى على دماغى
كلامهم كان مجرد كلام ليه اخد بيه فى حياتى
انت فاكر أن انا دلوقتى فرحانه انك معيشنى فى نفس مستوى والدى هبقى فرحانه لمى ټتسجن
انا كنت طايره من السعاده اول ما اتجوزتك لا فرق معايا فلوس ولا كلام حد
انا لمى اختارتك اخترت واحد يكون اب لعيالى واحد يراعى ربنا فيا
لو كنت عاوزه اعيش فى نفس مستوى والدى كنت اختارت اى حد من معارف بابا اللى اتقدمولى
لكن انا مختارتش فلوس اختارت أمان
اختارت حد يحبنى ويدافع عنى اختارت اخلاق
شايف نفسك دلوقتى تنفع اب لمى ابنك يسألك
بقيت كده ازاى يا بابا وازاى وصلت لكده هتقوله ايه
هتقوله تاجرت فى السلاح
لمى تيجى تنصحه نصيحه هتنصحه بأيه أنه يبعد عن الطريق الصح و يتنازل عن أخلاقه ومبادئه عشان يرضى الناس
رد عليا هتعلمه كده
خالد واقف حس بالندم فعلا على اللى عمله واد ايه هى كلامها صح
سوزان راحه تفتح الدولاب تجيب شنطتها وتمشى
انا عند بابا وورقتى توصلى
خالد جرى عليها
سوزان ارجوكى متمشيش انا عارف عارف انى غلط بس والله والله مكانش قصدى
انا كنت خاېف فى يوم من الايام تحسى انك غلطى انك اختارتينى وانى فعلا مش من مقامك وتسبينى
والله العظيم عملت ده عشان تفضلى معايا ومتسبنيش
ارجوكى متمشيش
متحرمنيش من ابنى انا ماصدقت أن حياتنا اخيرا هتبقى مستقره ونعيش بسلام
سوزان مستقره مستقره ازاى ده انت معرض للسجن فى اى لحظه
ازاى هانعيش حياه مستقره
انا اټصدمت فيك مكنتش اتوقع ابدا انك تفكر كده
انا ندمانه أنى فى يوم من الايام حبيتك
ارجوكى ماتمشيش
اوعدك عشانك هاسيب كل ده
وهانعيش سوا نربى ابننا
هابعد عن كل ده هرجع خالد
متابعة القراءة
