حكايه الارمله وطفلها اليتيم
حدتيها عالتلفون ده بتاعك
جميلة ببرطمة ياما اني زهجت من موضوع الحبسة دي وخلاص جربت اطفش بسبب اكده
صفاء بصتلها بطرف عنيها بتحذير ومردتش فوطت جميلة باست ايديها وهي بتترجاها
جميلة باصرار ابوس يدك ياما وافجي عشان خاطري اعتبريه اخر طلب ليا انا لازم اشوف سلمي لاخر مرة دي صاحبة عمري
نبيل بابتسامة وهو داخل من باب البيت خير يا جميلة مالك زعلانة ليه
صفاء پغضب وه بتشتكيني يا بت ولا ايه عاد طب يمين بالله
نبيل وهو بيقاطع صفاء من غير حلفان يا ام بدر خليها تروح لصحبتها عشان خاطري انا لو ليا خاطر عندك
صفاء باحراج خاطرك علي راسي يا حج نبيل بس مينفعش تخرج لحالها اكده الناس تجول ايه
صفاء بضيق عنديك حج خلاص روحي بس اوعاكي تتأخري عشان ولد عمك اكيد عنديه مصالح يعملها
جميلة اتوترت وبصت لباسل اللي مردش بس كان باين عليه الضيق انه مضطر يوصلها
نبيل بابتسامة وحب ويخليكي ليا يا بنت الغالي يلا اطلعي بسرعة غيري وروحي
كانت واقفة فريدة قدام المراية وهي لابسة ومستعدة عشان تعمل اللي خططت ليه عشان تعرف تخرج من البيت لوحدها وتقابل هشام في المعاد اللي اتفقت معاه عليه فكانت خاېفة اوي بس مجبرة تكمل للنهاية خرجت من اوضتها ونزلت تحت بتردد بس اتوترت من نظرات صفاء اللي مركزة عليها وهي نازلة لحد ما قربت منهم
فريدة بتوتر انا رايحة لبدر الشغل بتاعه عشان عاوزاه يجي معايا مشوار مهم بخصوص معاذ
صفاء بشك وانتي فاكرة لما تروحي لولدي الشغل هيرحب بيكي ده مش بعيد يطلجك فيها خليكي لما يچي وابجي جوليله ويوديكي مكان ما انتي رايدة لكن خروج لوحدك مهينفعش
فريدة باصرار بدر مش هيتكلم انا متأكدة لانه عارف اني مش من بلدكم هنا ومعرفش عوايدكم عموما انا هروحله برضه
فريدة باندفاع لا طبعا اقصد جايز مشغول ولا حاجة ليه نعطله انا هروح ولو مش فاضي هرجع تاني عادي او ممكن اخد بابا معايا
صفاء بسخرية ابوكي راح لعمك منصور الارض عموما الباب جدامك بس افتكري حديتي زين وعجلك في راسك تعرفي خلاصك واعرفي انك انتي اللي اختارتي
كان ماشي باسل جمب جميلة اللي محرجة منه لانها عارفة انه رايح معاها ڠصب عنه وانه بيكر٭ها من ساعت اللي حصل وشايفها مش كويسة فكانت مترددة تتكلم معاه لحد ما شجعت نفسها
جميلة بهدوء باسل لو عاوز تمشي انت امشي وانا مش هقولهم انك سبتني ومشيت
باسل بسخرية عشان يخلالك الجو مع اللي نازلة تقابليه مش كدة ايه اتفاجأتي فاكراني مش فاهم انك لا رايحة لصحبتك ولا حاجة وانك كنتي نازلة تقابلي اللي عرفتيه جديد ماهو ده شئ متوقع منك
جميلة اتفاجأت بكلام باسل ليها وكانت بتسمعه والدموع في عنيها لحد ما ....يتبع
بشكركم علي تفاعلكم القمر يا حبايبي واتمني يفضل كدة علطول يلا عاوزة لايك كومنت كتير عشان انزل االسادس بسرعة
بقلمي_اسراء_ابراهيم
في_حماية_صعيدي
