اسميته تميم بقلم هند ايهاب

أحكي كنت بحكي وأنا حاسه أن روحي بتنسحب مني كنت كل ما بحكي الضړب بحس أن جسمي بيوجعني وحاسه بالضړب
كتبوا المحضر وكانوا هيمشوا وقولت
حضرة الظابط معاملته معاي كانت غريبه أنا شاكه أنه مختل
رئيس المباحث وتميم بصوا لبعض هز راسه وبعدين مشي
يتبع
الجزء الثاني
بعد ما رئيس المباحث مشي بص لي وقال
أحكي لي بقا يا ست هند عرفتي أزاي أنه مختل
بصيت له ثواني وقولت
هو أنت ظابط!!
ابتسم وهز راسه وقال
أنا يا ستي مقدم
ليه مقولتليش!!
عشان تعرفي تحكي كنت عارف أنك ممكن تخافي
هزيت راسي وربعت أيدي وقال بهزار
مش هتحكيلي يعني ده أنا حتي مقدم فرفوش
ابتسمت وقولت
كان غريب كان دايما يقولي أنا بستلذ بوجعك كل ۏجع بيطلع منك بيفرحني كان لما بيضرب بيضرب بغل وكانت ضحكته بتبقي مسمعه البيت كله هو جبان بأمارة أنك لما خبطت أتلجلج أتلجلج بس مبينش بس أنا عارفه أنه خاف وعارفه دلوقتي أنه زمانه بيكسر في البيت لما ملقانيش
هو أنت أتجوزتيه أزاي وأزاي ملاحظتيش
هزيت راسي وقولت
خطوبتنا معداش عليها شهر ومكنتش بشوفه شوفته مره واحده بس يوم الخطوبه والمره التانيه يوم فرحنا كان أهله عايزين يستعجلوا في الجواز بحكم أنه وحيد وأنهم مجهزين كل حاجه وقتها قلبي أتنفض من مكانه بس قولت عادي أي بنت داخله في مرحله جديده بتبقي خاېفه يوم ما أجا عشان يحدد الجواز كانت ضحكته لي غريبه ومخيفه يوميها أفتكر أني كنت بتهرب من نظراته وأفتكر جمله قالها يوميها قالي بعد جوازنا هتتمني حاجات كتيره أوي مكنتش تخطر علي بالك بعدها ضحك ومشي
صلي على محمد 
اتنهدت وأنا حاسه بسخونية وشي وقولت
أنا من بعد جوازنا وأنا مش بتمني حاجه غير المۏت حتي أهلي منعني عنهم قالي هنسافر شهر عسل بس أكتشفت لما جينا هنا أن خلاص كده معنتش هرجع خد مني التليفون وكسره قدامي بقيت بشوف شخص همجي
حسيت أن أيدي بتترعش وهو لما حس حط أيديه علي أيدي وقال بهدوء
هند
بصيت له وقولت
عزت مش هيسيبني في حالي أنا عارفه هيفضل يطاردني
مش هيقدر يعملك حاجه مټخافيش
غمضت عيوني وقولت
ياريت أقدر مخافش بس اللي شوفته معاه يخليني أخاف حتي أبص وراي
ده أيام ما كنتي لوحدك طول ما أنا موجود صدقيني مش هيقدر يقربلك
سكت وبصيت علي أيدي وأنا بفرك فيها وقال
هقوم أعمل مكالمه وأجيلك
هزيت راسي طلع ورفع التليفون وقال
وائل بيه أنا حابب أكون في القضيه
طبعا يا تميم بيه هتكون فيها وصلت لحاجه!!
يعني شوية كلام هتعمل أيه في المحضر!!
باللي سمعته منها يخليني أقبض عليه وأحوله لمستشفي الأمراض العقليه
وبكده هتقدر ترفع قضيه طلاق وتكسبها صح!!
بالظبط
أنا هكون معاك أول بأول
أهم حاجه تكون معاها دايما الله أعلم هو فين دلوقتي يمكن يكون هرب من المكان اللي هو فيه وده خطړ عليها
بجمود قال
مش هيقدر يقربلها طول ما أنا موجود
تمام لو في حاجه جديده ياريت تبلغني
تمام يا وائل بيه
قفل المكالمه ونادي علي الدكتور فهم منه أني هقعد كام يوم علي المراقبه لسوء حالتي دخل أتطمن علي كنت ساعتها نايمه بس حسيت بيه كملت نومي بس فجأه صحيت فضلت أبص حوالين الأوضه كلها مكنش فيه حد كان فيه هدوء وده اللي خوفني أفتكرت عزت أول مفتكرت أسمه حسيت أني أتنفضت من مكاني نزلت من علي السرير وأنا في حاله هيستريا شديت الكانولا من أيدي وجريت فتحت الباب طلعت من الأوضه وأنا دموعي علي خدي لقيته قاعد أول ما شافني وقف جريت ناحيته
قال بخضه
في أيه مالك
هزيت راسي وأنا دموعي علي خدي
أنا خاېفه أوي
طب أهدي طيب أنت في أمان وأنا هنا
هزيت راسي وعيطت أكتر وقولت
أنت وحش قعدت تقول أنا هنا ومعاكي وبصيت ملقتكش
بحنيه قال
أنا أسف حقك علي يا ستي بس قولت أسيبك لوحدك عشان تعرفي تنامي براحتك
برفض قولت
أنا مش عايزه أقعد هنا أنا خاېفه
مسك أيدي ومشي بي وقال
طب ولو فضلت معاكي في الأوضه
يا سلام وبعدين أنام وأصحي ملقكش تاني صح!!
هز راسه وقال
لاء هتلاقيني
وعد!!
ابتسم وقال وعد !
دخلت