بعد الصبر جبر كامله بقلمRahma Mohamed
المحتويات
بيت عمها معززه مكرمه لحد ما يجيلها نصيبها..
نعمه وهي بتمثل الحزن
وبعدين يا بنتي انا وعمك ربنا ما ادناش خلفه وهنعتبرها بنتنا وتقعد تونسنا لحد ما تتجوز..
شهد
هما معاهم حق يا شيماء ده عريس لقطه وانا هنا في بيت عمي معززه مكرمه لحد ما ربنا يريد ويجيلي نصيبي..
عادل
جدعه يا بت يا شهد يلا قومي يا شيماء اجهزي ومرت عمك هتاخدك وتجيبلك حاجات العرايس دي..
ماشي يا عمي حاضر..
_ وفعلا عادل ونعمه جابو حاجات كتير لشيماء وعدت الايام واتجوزت شيماء احمد اللي كان شاب شكله حلو ومتعلم وراحت معاه بيت روحيه وكانت واقفه بتبص للبيت بانبهار وروحيه قالت..
روحيه
عجبك البيت يا مرات ابني..
شيماء
ايوه حلو جدا ده عامل زي الفيلا ازاي بيت زي ده موجود في حاره..
اومال يا حبيبتي مش بيت كبار الحاره واللي الكل هنا عايش من خيرنا..
شيماء
ربنا يزيدكم من نعيمه..
احمد
طيب ايه بقي يا ست الكل هنقضيها كلام ممكن اخد عروستي بقي واطلع اوضتي..
روحيه
طبعا يا حبيبي وانتي اسمعي اوعي تزعليه خالص فاهمه ولا لا انا عندي الدنيا دي كوم وابني حبيبي كوم تاني...
حاضر..
_ وطلعت شيماء فوق ومعاها احمد واول ما دخلو احمد قالها..
احمد
اقعدي يا شيماء انا عايزك في كلمتين الاول...
شيماء
نعم خير ان شاء الله..
احمد
انتي ازاي وافقتي تتجوزي واحد من غير ما تعرفيه...
شيماء
قول لنفسك السؤال ده انت
ليه واحد زيك كده ما فيش حاجه نقصاه يتجوز واحده ما يعرفهاش...
هقولك يا شيماء اولا عشان انا ما اقدرش اقول لامي علي حاجه لا ومش خوف منها هي مريياني علي كده ثانيا انا واثق فيها هي مش هتجيبلي حاجه وحشه واكبر دليل علي كده انها جوزتني واحده زيك متعلمه وواخده كليه وزي القمر. انتي بقي وافقتي ليه..
شيماء بدموع
مين قالك اني موافقه بيك اصلا انا واحده. طلعت في حاره شعبيه امي قابلت وجه رب كريم وهي لتولد اختي وعشت اربي اختي من صغري واتعلمت وشلت بيت كبير بس عدات المنطقه حكمت عليا بعد ما ابويا راح اعيش مع عمي ويعمل فيا اللي يعمله ما حدش هيلومه وهو اللي جوزني ليك..
وانا مش وحش يا شيماء وهحاول علي اد ما اقدر اعوضك عن كل اللي شوفتيه ده..
شيماء
كلامك ريحني بصراحه بس اتمني الفعل يبقي بنفس الراحه دي..
احمد
ان شاء الله خير يا شيماء....
_ وتاني يوم طلعت شيماء بره اوضة جوزها ونزلت تحت كانت روحيه قاعده بتشرب قهوه قعدت شيماء جنبيها وقالت..
صباح الخير يا حماتي..
روحيه
ايه حماتي دي تقوليلي يا ماما الحجه وبعدين انتي ايه اللي قومك من جنب احمد..
شيماء بقلق
مم ما هو لسه نايم وانا مس جايلي نوم قولت بدل ما اقلقه اقوم اقعد مع حضرتك يا ماما الحجه..
روحيه پحده
بعد كده يا حلوه ما تقوميش من جنبيه غير لما هو يقوم اومال انا محوزااه ليه مش عشان يصحي يلاقي ونس حواليه..
قامت شيماء وقفت وقالت
خلاص يا حماتي انا هدخل انام جنبيه لحد ما يصحي..
وقفت روحيه وزعقت فيها
انتي ما بتفهميش يا بت انتي مش قولت تقوليلي يا ماما الحجه اييه دماغك دي متركبه ازاي..
شيماء بضيق
هو انتي بتزعقي فيا كده ليه انا ما اسمحش لحد يزعق فيا...
روحيه
انتي يا مين يا حلوه انتي عشان تردي عليا انتي هنا تحت امري انا والكلمه اقولها من مره واحده وانتي تقولي حاضر فاهمه ولا لا..
شيماء
لا مش فاهمه وانا هنا مش هسمع كلام حد غير جوزي ومش هقول لحد حاضر ونعم غير جوزي..
طلع في الوقت ده احمد وقال
في ايه يا جماعه صوتكم عالي كده ليه..
روحيه
انتي ايه اللي صحاك يا حبيبي انت عريس ادخل اوضتك يلا لحد. ما الفطار يجهز..
احمد
حاضر يا امي..
شيماء
هو ايه اللي حاضر يا احمد امك زعقت فيا وعاملتني بطريقه مش كويسه..
روحيه پحده
انت لسه واقف عندك يا احمد يلا علي اوضتك..
احمد
حاضر ما تزعليش ماما وانتي يا شيماء واسمعي كلامها..
_ قال احمد كلامه ومشي راح اوضته وشيماء كانت مصدومه من ردة فعله وروحيه قعدت وحطت رجل علي رجل وقالت..
روحيه
اهو جوزك اللي انتي بتسمعي كلامه وبتقوليلو هو حاضر وبس بيقولك تسمعي كلامي انا..
شيماء بدموع
حضرتك عايزه مني ايه دلوقتي..
روحيه
الشغاله اللي هنا دي
تقوم بطلباتي انا انتي
متابعة القراءة
