حكايه منار
المحتويات
زين ما اختار الصراحة
هتعملى ايه مع كريم
دلال مش عارفة المصېبة انه ساكت عارفة لو يزعق يتخانق يكسر حاجة
يعبر عن اللى جواها بأى طريقة كنت اتطمنت
انما هو ساكت خالص وده اللى مخوفنى عليه
تانى يوم
دلال امبارح كان عندى ميدتيرم وكان لازم اروح الجامعة انما النهاردة معنديش امتحان
عملت زيك وضړبتها جذمة ومروحتش...انا عملتلك سندويتشات المربى بالقشطة اللى انت بتحبها...تيجى نخرج طيب احنا ممكن نروح الملاهى ايه رأيك
دلال لا مش هسيبك لوحدك تاخر بقى عايزة انام جنبك
كريم بصوت عالى سيبينى لوحدى
دلال لا مش هسيبك لوحدك
زعق زى ما انت عايز بس انا مش هسيبك لوحدك
كريم وهو بيعيط وبيبعدها عنه بس انا فى الأخر بقيت لوحدى
ماما سافرت وانتى وبابا هتخلفو ولاد تحبوهم وتنسونى وانا هبقى لوحدى محدش عايزنى محدش بيحبنى
ولما نخلف انت هيبقالك اخوات يعنى مش هتبقى لوحدك بالعكس انت هتبقى اخوهم الكبير وهتخلى بالك منهم
احنا كلنا بنحبك
كريم لا انتى بتكدبى زى ما ماما كدبت عليا
قالتلى انها بتحبنى وبتحب بابا وانها عايزانا نرجع نعيش سوا تانى وفى الأخر سافرت وسابتنى لوحدى
انا محدش بيحبنى محدش عايزنى
كريم لما تخلفى هتحبى ولادك وهتكرهينى وهتضربينى وهتخليهم يضربونى وتخلى بابا يضربنى علشانهم
دلال مامتك اللى قالتلك كده صح
كريم ايوه
واياد صاحبى مرات باباه بتعمل فيه كده
دلال بس انا مش هعمل فيك كده
هو انا عمرى ضربتك
كريم لا
دلال عمرى خليت باباك يضربك
دلال مش انا كنت بخبى عنه اللى انت بتعمله علشان ميزعقلكش ولا يضربك
كريم اه وبتعمليلى السندويتشات اللى بحبها وانا رايح المدرسة وبتجييلى شيكولاتة وبتعمليلى الناجتس اللى بحبها كمان
دلال شوفت يعنى انا بحبك اهوه
كريم يعنى انتى مش هتتجوزى وتسافرى وتسيبينى زى ماما
دلال ما انا متجوزة باباك مينفعش اتجوز حد تانى خلاص
دلال ما هو انا مش اخته زى عمتو منى وعمتو سالى
كريم مش انتى اختهم
دلال لا انا بنت عمهم
كريم اومال كنتى عايشة معاهم ومش عايشة مع باباكى ومامتك ليه
دلال بابا اتجوز ومرات بابا مكنتش عايزانى اعيش معاهم
كريم ايه ده دى وحشة اوى
طيب ومامتك فين اتجوزت وسافرت برضه وسابتك
دلال هى سابتنى برضه بس سابتنى وماټت راحت عند ربنا يعنى
كريم وهترجع امتى
دلال لا هى مش هترجع احنا اللى هنروحلها
كريم هنروحلها امتى
دلال لما ربنا يريد
كريم يعنى كده جدو حسين مش باباكى اومال ليه بتقوليله يا بابا
دلال علشان هو عمى يعنى زى بابا
كريم ومين باباكى اللى بجد
دلال عارف جدو احمد
كريم اللى عنده شنب ده
دلال اه هو
ده يبقى بابا
كريم بس هو مش شبهك خالص
دلال ما انا شبه ماما
كريم هو انتى لما تخلفى هتعملى زى باباكى وتخلينى اروح اعيش عند جدو حسين او عند عمتو منى
دلال لا يا حبيبى هتفضل عايش معانا مش ده بيتك
كريم اه
دلال خلاص يبقى انت هتفضل فيه على طول
مش هتاكل بقى السندويتشات
كريم لا هاكل انا جعان
ممكن تعمليلى كاكاو باللبن
دلال ممكن طبعا من عيونى
بعد تلت شهور
داليا يا ديفا بصى للكاميرا طرحتك مظبوطة والله كفاية تعديل فيها
دلال وهى بتضحك حاضر
كريم ماما انا عايز اعمل حمام
دلال حاضر يا حبيبى تعالى اوريك هو فين
داليا استنى هاجى معاكم عايزة اظبط طرحتى
احمد هى صاحبتك عندها ابن كبير كده ازاى
شروق ما هو مش ابنها هو ابن جوزها
احمد وسايباه يقولها يا ماما وهو كبير كده
شروق دى فرحانة انه بيقولها يا ماما
احمد ربنا يجازيها خير ويبارك فيها شكلها طيبة وحنينة
شروق طيب ايه هتحترم نفسك ولا هتكمل وصلة الغزل فى صاحبتى
احمد لا متقوليش بتغيرى عليا مش مصدق نفسى لا
شروق لا مش بغير طبعا وانا اغير عليك بتاع ايه
احمد يمكن علشان خطيبك والنهاردة خطوبتنا مثلا
شروق لا مش بغير على فكرة
كل الحكاية انك مش واقف جنب شوب عصير قصب
المفروض تحترمنى وتحترم صاحبتى كمان
ترضى حد يقول عنى طيبة وحنينة ويفضل يدعيلى كده ويتغزل فيا
احمد لا طبعا قطع
لسان اللى يتغزل فيكى غيرى
اخيرا خطبتك
بقالى سبع شهور قارى فاتحة
مش لو
متابعة القراءة
