اسكريبت كامل بقلم سولييه نصار

....مبروك لانك كسرتي فرحتي وډمرتي بيتي...
وبعدين قربت من حماتها وقالت وهي بټعيط
اهو هسيب ابنك يا حماتي خالص مش مضطرة تستحملي واحدة مبتخلفش ارض بور ...وهمشي وعمري ما هرجع...
بصت لفارس وقالتله
عمري ما هرجع 
دموع فارس نزلت ومشيت مروة...
ابتسمت حماتي بتريقة وقالت
اهي غارت ملكة الدراما ...
اسكتي ...اسكتي 

زعق فارس فاتنفضت أمه ...قرب منها ودموعه ماليه وشه وقال
انتي ډمرتي حياتي ...عمري ما هسامحك ...
يا حبيبي انت الكسبان دي ارض بور
ضحك فارس وقال
الحقيقة يا امي العزيزة أنا الأرض البور هو انا مش هي أنا العقيم مش مروة !!
يتبع
الجزء الاخيرشكرا علي تفاعلكم السكر بقلم سولييه نصار
يعني ايه الكلام ده يا فارس 
يعني يا امي أنا العقيم مش مروة .... 
سكت شوية وقال بحزن
لما روحنا عملنا التحاليل طلعت أنا اللي عقيم بس مروة رفضت أننا نقول ده لانك عارفة أن ابوها اكيد هيعمل المستحيل عشان يطلقها مني عشان كده جابت العيب فيها واقنعتني اني اسكت وسكت ...كنت جبان وسكت وسيبتها تستحمل كلامك اللي يسم البدن ...استحملت نظرات الناس وكلامهم ...وكان كل يوم بيزيد حبي ليها ...تعرفي أنا مستهلهاش ...فعلا مستهلهاش 
وبعدين بصلي وكان عايز يتكلم بس سكت في آخر دقيقة ...ومشي ...
قعدت علي الانتريه وانا ببكي كل لما افتكر نظراته ليا ابكي ...هو اكتشف لعبتي ورغم كده موجهش كلام ليا بس كنت عارفة اني نزلت من نظره ...بصيت لحماتي المصډومة وقولت
انا ازاي سمعت كلامك ...ازاي ډمرت اتنين كانوا بيحب بعض بالشكل ده ...ازاي اكون بالبشاعة دي ...انا مش كده ولا عمري كنت كده ازاي بس سلمت دماغي ليكي ...
اخرسي يا بنت انتي ...عاملة نفسك بريئة ...لا يا حبيبتي انتي كنتي معايا وانا وانتي اللي خططنا مع بعض 
لا انتي اللي خططتي
ضحكت حماتي وقالت
وانتي سمعتي الكلام مرفضتيش فمتعمليش نفسك بريئة لأننا طبخناها سوا 
ودلوقتي مبسوطة لما ډمرتي حياة ابنك ومراته ... مبسوطة بكسرة قلبه تفتكري ربنا هيسامحنا ...
سكتت حماتي فمشيت من قدامها ...روحت لبيتي وقعدت ابكي علي اللي عملته ندمت اووي اني اتبعت حماتي وډمرت فارس ومراته وقررت اصلح اللي عملته مهما حصل ...
....
بعد اليوم ده فارس ساب البيت ومشي ...أمه اڼهارت وحاولت تستعطفه بمرضها بس هو صمم ومشي ...ساب البيت وساب وراه فراغ كبير اوووي ...حماتي ندمت علي اللي عملته وحاولت ترجعه بس هو رفض ....كان متدمر ...غياب مروة حطمه اوووي ...قلبي كان بيوجعني عليه عشان كده قررت اعمل حاجة ....
......
عايزة ايه 
قالتها مروة ببرود لما روحتلها بيتها 
ممكن تسمعيني بس 
اسمع ايه جاية تشمتي فيا صح بعد ما اخدتيه مني ...بس اطمنك أنا ميهمنيش ومسألة وقت ونتطلق وحلال عليكي
انا مش حامل 
قولتها فجأة 
ابتسمت وقالت
طب ما انا عارفة اكيد هو قالكم السبب ...
بصيت في الأرض وقولت
واحب
اقولك كمان أن فارس عمره ما لمسني
بصتلي پصدمة فهزيت دماغي وقولت 
محصلش حاجة