عوض الله ات بقلم سولييه نصار
واختي اللي بيبكوا...قلبي كان واجعني عليهم بس حاولت مبينش...جزء جوايا مكانش قادر يسامحهم ...بس جزء كان شفقان عليهم ...مكنتش متخيلة أن مؤمن يعمل فيهم كده دوول كانوا بيحبوه اووي ....
قرب ابويا وكان هيمسك أيدي بس بعدها من غير وعي وعيوني دمعت لما حسيت أنه انكسر بس قال
احنا جايين بس نطلب السماح يا بنتي مش عايزين حاجة تاني ...أنا عرفت أن اللي حصلي ده بسبب اللي عملناه معاكي...سامحينا واحنا هنمشي ومش هتشوفي وشنا تاني ...
مش قادرة اسامح ..مش قادرة ...
اتنهد وهو بيقول
محدش هيجبرك علي حاجة ...مش مضطرة تسامحي لو ده هيريحك متسامحيش ...
بعدت وانا بقول بخنقة
مش قادرة اسامح والله لما شوفتهم كل حاجة وحشة عملوها افتكرتها ...مش قادرة اسامح علي الاقل دلوقتي ...
اتنفست بصعوبة وقولت
ممكن مع الوقت اقدر اسامح ...بس برضه هما واقعين في مشكلة ولازم اساعدهم...
ابتسم ومسك أيدي وقال
نساعدهم امرك ...
........
بعد ما حكيت لمروان علي اللي عمله مؤمن قرر يساعد ...كلم مؤمن وعرض مبلغ عشان يرجع البيت ولكن للاسف اكتشف أن مؤمن اتخدع هو كمان لما كتب البيت لخطيبته قبل ما يتجوزها وهي فسخت الخطوبة ...مروان مسكتش واتواصل مع البنت دي وعرض عليها مبلغ محترم عشان ترجع البيت وفعلا رجع البيت لأصحابه ....واهلي كانوا مبسوطين عشان البيت ده ليه مكانة كبيرة اوووي في قلبهم ...
اتفضلوا اوراق ملكية البيت ...البيت ليكم ..
قولتها وانا بدي لاهلي الورق ...
بصتلي امي وعيونها مدمعة وقالت
انا لو فضلت اعتذر علي اللي عملته طول حياتي برضه مش هيكفي...أنا ندمانة علي اللي عملته فيكي يا بنتي ابوس ايديكي سامحيني ...
اتنهدت وقولت
ممكن في يوم اقدر اسامح لكن دلوقتي سامحوني انتوا أنا مش قادرة اسامح ...ادوني وقتي لو سمحتوا ...
...
مشيوا اهلي بس مبطلوش يتواصلوا معايا كانوا بيطلبوا المسامحة بس انا مكنتش قادرة بس رغم كده كنت بصل الرحم وبسأل عليهم ...كنت بعاملهم كويس بس من جوا قلبي مكنتش قادرة اسامح ابدا ...
.......
بعد اربع سنين ....
كنت ماسكة ايد رحيم وبجري بيه علي الرملة قصاد البحر ...ومروان بيجري ورانا ...
قال من ورانا
عارفين لو مسكت حد فيكم لأنفخكم والله ...أنا تعملوا فيا كده ...
كنا بنضحك أنا ورحيم علي شكله ...من اول ما رحيم كبر وانا وهو بدأنا نعمل مقالب في مروان ...بصينا لوشه اللي عليه الالوان وضحكنا تاني بس للاسف قدر يمسكنا احنا الاتنين ...شدنا للبيت وبعدين مسك ودانا وقال
الله يا مروان متبقاش قموص بقا فرفش يا ببلاوي احنا في رحلة
اسكتي انتي عشان حسابي معاكي بعدين ...
راح لرحيم وقال
وانت يا رحيم مش هتبطل تتفق عليا مع امك ...يا اخي شوف حد من سنك والعب معاه ...
يووه يا بابا ما انا قولتلك قبل كده نفسي في اخ او اخت زي صاحبي عمر وانتوا مش عايزين تجيبولي اخوات وقاعد
لوحدي زي القرد ...
ضحك وانا مكسوفة فراح مروان بصلي وقال
ضحكت علي جنانه وانا مبسوطة وعرفت اني عمري ما هحب حد قد مروان
بحبك اووي
وانا كمان يا سلوم
يا بابا عايزة اسمع معاكم الكرتون دلوقتي معاده
بصله مروان وبعدين شاله وقعده جمبه علي السرير وقال
وماله يا حبيبي نسمع الكرتون بس بكرة متسألنيش ليه معندكش اخوات وأنك زي القرد لوحدك ...
ضحكت عليه وانا مبسوطة بعيلتي الجديدة ...عيلتي اللي ادتني حب كبير
بالنسبة لأهلي أنا سامحتهم وبودهم قد مقدرتي بس طبعا لسه قلبي شايل منهم بس عارفة أن الوقت هيمحي الزعل ...الوقت قادر يشفي الچروح
تمت
