ابني بقلم هويدا زغلول

دي يا عمي بس هو ايه الحل ده...
ابتسم عيسي بشړ وقال
هقولك انا ايه الحل.......
_ وبعد شويه مشي زين وهبه قالت لباباها وهي مټعصبه..
هبه 
انت ازاي تخليخ بعمل كده وهو ازاي يوافق..
عيسي
ما فيش حل غير كده عشان نخليه يتجوزك...
هبه 
يقوم يعمل كده في امه يا بابا انت هتروح من ربنا فين بس...
عيسي
بطلي رغي وامسكي الكيس وديه العنوان اللي بقولك عليه..

هبه بدموع
مش هروح لحد تاني انا زهقت من اني ابيع الممنوع بتاعك ده وكمان اروح للرجاله بيوتهم...
عيسي
وش فقر غوري من وشي اشوف غيرك...
_ وفي شقة سعاد كانت قاعده بتاكل جبنه وطماطم ودخل زين وقالها...
زين 
لاخر مره هسألك انتي موافقه اني اتجوز هبه ولا لا..
سعاد 
لا يا زين مش موافقه..
زين 
تمام براحتك يا ماما واما كمان هعمل اللي يريحك..
سعاد
يعني ايه يا حبيبتي...
زين 
يعني مس هتجوزها المهم رضاكي يا ست الكل..
سعاد 
الحمد لله ان ربنا هداااك تعالي طيب اتعشي معايا معلش مش معايا فلوس اجيب اكل حلو...
زين 
لا لا ماليش نفس بقولك ايه يا ماما انا بابا واحشني اووي ما تيجي نروح نزوره....
سعاد 
دلوقتي يا ابني الوقت بقي ليل والدنيا عتمه خليها الصبح..
زين 
يا ست الكل ابنك معاكي وبعدين لو روحنا دلوقتي انا وانتي واحنا راجعين نروح مطعم نتعشي سوا واتعشي معاكي...
سعاد 
حاضر يا حبيبي مدام بتسمع كلامي انا كمان اللي انت عايزه انا اعمله...
_وغيرت سعاد هدومها وراحت معاه المقاپر واول ما وصلو هناك الراجل بتاع المقاپر سابهم ومشي..
سعاد
هو في ايه الراجل مشي ليه وقفل ليه الباب..
زين 
انتي تعبتيني وقرفتيني والله وانا عايز ارتاح وقررت احطك جنب ابويا في القپر واقفل عليكي..
نزلت دموعها وقالت
هتدفني بالحيا يا ابني ليه تعمل فيا كده انا لو بعاند معاكوعشان مصالحتك ازعل مني واهجرني بس بلاش تت تعمل اللي انت ناوي عليه ده..
زين 
لازم اعمل كده عشان اتجوز البنت اللي بحبها...
قعدت سعاد علي الارض وقالت
زمان عمك استغل ان ابوك الله يرحمه وجه وكان عايزني في الحړام ولما رفضت قال يتجوزني علي مراتي بس كان شړاني وانا خۏفت عليك انت ورفضته برضو فضل يرازيني في عيشتي وانا اتحملت عشانك اشتغلت امسح واكنس في المحلات واتحمل زل ده واهانة دي عشانك وعشان ما اخليكش تمد ايدك لحد وعلمتك بني ادم وما حرمتكش من حاجه واخرتها تعمل فيا كده..
خلصت كلامها ونزل زين جنبيها وقالها
حقك عليا انا اسف والله العظيم انا كنت بخۏفك بس وعمري ما كنت هعمل كده انا اسف...
حطت سعاد ايدها علي قلبها وقالت
تعبااانه مش قااادره...
_ وفقدت سعاد الوعي ونقلها زين علي المستشفي وكان قاعد بيعيط وجات هبه وقعدت جنبيه وفالت...
هبه
امك كان معاها حق انا ما اناسبكش ابويا كان هيجوزني ليه عشان تشيل شيبه مش بتاعتك بعد. ما باع شرفي لزباينه...
زين 
ايييه انتي بتقولي ايه..
هبه
ابويا بيتاجر في الممنوع وكان بيشغلني معاه من سنتين بس خلاص
فاض بيا وبلغت عنه وهبيع البيت واقعد بعيد عن الحته اللي بقيت سمعتي فيها زي الزفت...
طلع الدكتور في الوقت ده وقال
انت ابنها مش كده..
زين پخوف
ايوه انا ابنها امي عامله ايه طمني عليها..
الدكتور 
للاسف البقاء لله يا ابني راحت عند اللي احسن مني ومنك..
اتملت عيونه دموع وقال
لا لا ما تقولش كده هي زعلانه مني انا هصالحها الاول يا دكتور...
طبطب الدكتور علي كتفه وقاله
كانت بتقول من وسط تعبها انها مسمحاك يا زين مش انت اسمك زين برضو...
قعد زين علي الكرسي وقال وهو بيعيط
انا السبب انا عمري ما هسامح نفسي ابدا...
_وعدت السنين وكان زين قااعد هو ومراته اللي اسمها ايمان وابنه الصغير وصاحبه عمر اللي قاله..
عمر
تعيش وتفتكر يا زين انا هروح ازور قبر امي وجاي..
ايمان 
زين سيف جري هروح ورااه ليتوه مننا وهستناك في العربيه..
زين 
ماشي يا حبيبتي...
_ مشيو كلهم وسابوه لوحده قدام قبر امه قعد علي الارض ودموعه نزلت وقالها...
زين 
نفسي ترجعي لحظه واحده بس اقولك اني عمري فحياتي ما حبيت حد قدك واني كنت غبي اوووي لما كنت بزعلك حقك عليا يا ست الكل سامحيني...
_ اصعب شعور في الدنيا هو الندم علي الاهل ربنا يباركلنا في والدينا واهم حاجه رضاهم حتي لو مش موجودين احنا لازم نرضيهم باننا نصلح حالنا وندعيلهم ونقدر تعبهم علينا