العشق بطريقه الشيطان بقلم مريم سمير

ببسمة 
_الحمدلله أنه اتحقق اهو...بكرة هيكون يوم عالمي
ريما بضحكة 
_الحمد لله اننا لقينا قاعة تكفينا كلنا
امير 
_انا كنت بفكر خلاص اننا نشوف شارع نعمل فيه الفرح وخلاص
ضحكت بصوت عالي وهي تقول 
_كمية ناس هتيجي غريبة
امير 
_طبعا مش تلت افراح
ريما 
_بس رغم كدا مش هيوصلوا لعدد الأشخاص اللي جت فرح فريدة
امير 
_اكيد..بلال جاله أشخاص من كل دول العالم بس البيت كان كبير اولا وثانيا في أشخاص كانت جايه تبارك وتمشي علطول
ريما بتعجب 
_ودا كان الغريب..جايين بس علشان خمس دقايق
امير 

_دا بلال يعني لو علشان دقيقة بس كانوا هيجوا برضوا المهم يعلنوا عن حضورهم عنده
ريما 
_اممم...طيب انا هقفل بقي علشان عايزه انام
امير بضحك 
_سلام ياعروسة
ريما بضحك أيضا 
_سلام ياعريس
في قصر الشيطان
في حديقة القصر
كانت تجلس وبيدها طبق كبير ملئ بكل أنواع الفاكهة كانت تأكلها بنهم شديد بينما علي الطاولة امامها يوجد طبق من الفشار وطبق من المكسرات وطبق من التسالي الذي يضم كل انواع اللب وغيرها وحوالي اربعة باكو شوكولاتة
ولترين بيبسي
كانت تاكل كل طبق تلو الآخر فكان طبق الفشار فارغ الا من بعض بذور الذرة المحترقة وكذلك طبق المكسرات كان فارغ والان بيدها طبق الفاكهة
في ذلك الوقت وصلت سيارة بلال أمام القصر ليهبط هو ويدخل بعد أن فتح له السائق الباب
قال وهو يقترب منها بعدما لمحها وهو يدخل 
_مساء الخير يامراتي
ردت ببسمة وهي تاكل أحد حبات الكريز 
_مساء النور يابلبل
جلس بجوارها ليقول بامتعاض 
_متقوليش الكلمة دي علشان بټعصبني
فريدة بضحكة 
_هحاول اعمل كدا
بلال وهو ينظر لما بيدها وما علي الطاولة أيضا 
_انا كل يوم هشوف المنظر دا...والمشكلة أن الحمل لسة مش ظاهر عليكي
فريدة 
_خمسة في عينك ياحبيبي الحمد لله انه مش ظاهر علشان اطمن وانا باكل
ثم مدت يدها ووضعت أحد حبات الكريز بفمه ليأكلها هو من بين يدها وهو يقول 
_طعمه لذيذ
ظلت تأكل وتأكله معها حتي انتهوا اخيرا من طبق الفاكهة لتتركه وتنظر له بجدية قائلة 
_ها تحب اخلي الدادة تجزلنا العشاء
بلال بزهول 
_انتي لسة هتاكلي تاني ياريدا
فريدة 
_ايوا لسة هاكل معاك
ثم أكملت بحزن 
_تصدق يابلال من الساعة خمسة المغرب لدلوقتي مكلتش غير اللي قدامك دا...واتعشيت مرتين بس
بلال پصدمة 
_الحمل دا هيفلسني قبل ما يخلص
فريدة 
_مش خسارة في ابنك يابيبي
بلال پغضب 
_طيب تصدقي بالله لو بعد المرار دا كله وطلع في الاخر ولد انا هموتك وهموته...حاولي تجيبي بنت يافريدة علشان مقتلكيش
فريدة بتعجب 
_هو بأمري يابلال دا بايد ربنا
بلال 
_ادعي ربك انها تكون بنت بقي...دا خلال شهرين انا صارف علي اللي في بطنك فوق العشر آلاف جنية اكل بس
فريدة 
_خمسة في عينك خمسة
نظر لها بغيظ وتركها وذهب
لتقول هي بصوت عالي ليسمعه 
_مش هتاكل معانا
صباح يوم جديد...
يوم الزفاف...
في قصر الشيطان...
خرج بلال من المرحاض ليجدها تقف أمام الفراش وتضع بعض الملابس علي بعضها وكأنها تري هل هم متناسقون ام لا...واي منهم اجمل
لتقول عندما شعرت بوجوده 
_بلال الفستان النبيتي ولا الازرق احلي
تقدم من مكان وقوفها ووقف جوارها ثم نظر للفساتين بدقة شديدة لفترة قبل أن يقول 
_النبيتي
فريدة بابتسامة 
_تمام...هلبس انا بقي وانت وصلني في طريقك
بلال 
_لحظة...لحظة ...لحظة اوصلك فين
فريدة ببراءة 
_الكوافير يابلال لازم اكون مع العرايس الله
بلال بضيق 
_الله ياخدك يافريدة...مش هتروحي لمكان
بدأت بتمثيل البكاء وهي تقول 
_تقدري تقولي ليه
بلال 
_اولا انتي حامل
ردت سريعا قائلة 
_هاخد بالي من البيبي متخفش 
بلال 
_ما هو مينفعش يعني تبقي بره البيت من دلوقتي ل بيليل
فريدة بضيق 
_فيها أية دي...وبعدين دول اصحابي الوحيدين..وانا مش بخرج اهو يبقي سيبني انهاردة
حرك يده علي وجهه عده مرات قبل أن ينظر لها قائلا 
_تمام...عشر دقائق لو مكنتيش جاهزة همشي واسيبك
وقبل ان تسمع لآخري كلمة كانت في غرفة الملابس ليضحك عليها وهو يتطلع للساعة بيده
بينما عند فريدة كانت قد اختارت سلوبيت جينز باللون الاصفر واسع بعض الشى والبنطال الخاص بالسلوبيت يصل لقبل الكعب بسنتيمترات ليست قليلة
لتخرج وتقف أمام المرآة ليقول هو 
_فاضل تلت دقائق
لتمسك الفرشاة وتسرح شعرها سريعا وتربطه برباط خفيف وتنظر له قائلة 
_خلصت
بلال 
_تمام..ظبطي فستانك اللي هتاخديه دا...وانا مستنيكي تحت علشان نفطر
علي طاولة الطعام...
كان يجلس يشرب كوب القهوة ببطء شديد وفم شبة منفتح وهو يراها تأكل أمامه مر وقت ليس بقليل ابدا قبل أن تنهض وهي تقول 
_اعتقد كدا حلو علشان لو كلت كتير ممكن اتعب في العربية
خرج صوت بدهشة هاتفا 
_انتي كدا مكلتيش كتير
فريدة 
_اها يدوب فتحت نفسي
لينهض ويمسك اشياءه ويسبقها بسيره وهو يقول 
_حاولي تخليها مقفولة ياحبيبتي ارجوكي..علشان معلنش افلاسي اخر الشهر
فريدة ببرود 
_لا حاول تحافظ علي فلوسك لحد ما اولد يابلال...لو أفلست مين هيصرف عليا
في احد مراكز التجميل
جلست الثلاث العرايس بجوار بعضهم كل منهم تمسكها فتاة بينما فريدة كانت تجلس علي مقعد أخري تنظر لهم وبيدها كيس من التسالي تأكله 
فريدة 
_ربما ...ريما
ريما 
_نعم
فريدة ببراءة مصطنعة 
_هما هنا هينقعوكوا في الميا زي الفاصوليا
اميرة بدهشة 
_فاصوليا...انتي بتقولي أية
فريدة بهدوء وهي تضع قدم علي الاخري 
_اصل دا مش طبيعي انكم تكونوا هنا من الساعة تمانية الصبح يعني..
دا انا يوم فرحي الميكب ارتيست جت قبل الفرح بساعة ومشت علطول زي ما يكون بلال مكهربها
ضحكت ميرا قائلة 
_احنا تلت عرايس يابنتي دا اولا...ثانيا شوية وهتلقينا جايين نقعد جنبك ومش هنقوم نكمل غير علي العصر