لماذا انت بقلم دنيت محمد

ونا هعملكم شاي واخلي هيثم يدهولكم
. ربنا يخليكي ليا يا
حبيبتي
ابتسمت همسة بحب
سيف لبس تيشرت وبنطلون ونزل للورشة
هيثم بعرقان من الشغل.. ها يسطا اي الي منزلك ده انهاردة اجازتك
سيف.. فيه مقابلة مهمة بيني وبين الرائد محمود
هيثم برفعة حاجب.. في المكان ده ولله هيبة الظباط نزلت اوي
سيف.. اهمد ياض وشوف شغلك
هيثم طلع من تحت العربية وطلع سجارة حطها في بوقه.. ياعم انا مطحون من صبحية ربنا ارتاح شوية وهكمل
سيف.. اول ما الظابط يجي تطلع تاخد الشاي من همسة ومن برا الباب
هيثم برفعة حاجب.. ونا هبص لمرات صحبي ولا ايه ي سيف ما تظبط كلامك
سيف.. انت عبيط يلا دانت اخويا وصديق عمري
هيثم.. ادعم يصاحبي
وفعلا محمود كان وصل الورشة
سيف.. اهلا يا بيه المكان نور
محمود.. منور بيك يا سيف
سيف بص ل
هيثم.. يلا روح هات الي قولتلك عليه من فوق
هيثم.. اشطا يابا
سيف.. خير يباشا اي الداعي لزيارة حضرتك لحد هنا قلقتني
محمود.. لا مفيش قلق بس حابب اكلمك في موضوع
فوق
هيثم خبط.. اديني الشاي يمرات اخويا
همسة بابتسامه.. خد ي هيثم عقبال ما نشوف مراتك كده وهي في بيتك
هيثم بضحك.. ادعيلي بقا ي هموسة عيني منمرة علي بت في المنطقة هنا
همسة بفضول مضحك.. مين مين
هيثم.. البت نواره الي في عمارة ٦
همسة.. دي صحبتي الروح بروح لما اقابلها هبقا اشوف هي اي من. ناحيتك
هيثم.. جوازي هيبقا علي ايدكك
سميحه من وراهم.. ادخل ياواد ي هيثم واقف برا لي
هيثم.. لا يخالتي دنا هنزل ادي الشاي للواد سيف والباشا الي معاه يلا سلام
همسة.. سلام 
وقفلت الباب
تحت
سيف بستغراب.. سعادتك عايزني اعمل صلح في المحضر
محمود.. شهد طلعت 
سيف بتنهيدة.. بص يباشا شهد. اه فيها كل حاجة وحشة انما مكانتش ودي الشهادة لله انما هي كان في مخها انها لازم اي حد تقعد معاه يكون معاها علطول وهي كانت متملكة بيا وغلطت غلط كبير وهي مراتي
محمود.. وهي عرفت غلطها
سيف بخبث. متأخذنيش يباشا في السؤال
محمود.. اي سؤالك
سيف.. انت بتحبها ياباشا
محمود سكت شوية وبعدين بصله وقال.. بصراحه يا سيف انا لسه في بداية حبي ليها ولكن ازاي هحب متهمة عندي