قاصر

اننا نتجوز ونخلف ووقفت حياتها علي كده 
بس انا فعلا بقالي كتير اوي متصلتش عليها ي تري اخبارها اي دلوقتي وبتعمل اي
يا نهار ازرق انا كمان نسيت ابعتلها فلوس !
ي ربي بس ازاي انسي حاجه زي دي بتصرف منين هي دلوقتي ي رب .
انا لازم اتصل عليها 
الهاتف ااي طلبته مغلق او غير متاح استنيت شوية واتصلت تاني 
و بردو بيديني غير متاح
شويه واتصلت تاني 
بردوا غير متاح
لا يبقي كدا اكيد في حاجه ممم هتصل علي حماتي كان معايا رقمها ي رب الاقيه بس
لقيت الرقم واتصلت علي حماتي 
هشام الو سلام عليكو طنط دلال
دلال الو مين معايا

هشام انا يا طنط دلال هشام معقول مش عارفاني 
دلال اول مره تكلمنا يا بني وانا كمان مش مسجله الرقم عندي .
هشام اخباركوا ايه وفين مريم تليفونها غير متاح ليه
دلال بقي دا اسمه كلام يا هشام يابني تسيب مراتك كده المده دي كلها ولا تسأل عليها 
سايبها مترمطه كدا لوحدها
لا بجد انا زعلانه منك وعمك الحج كمان زعلان .
هشام ظروف ومشاكل في الشغل والله يا طنط اعذريني
المهم عاوز اكلم مريم هي فين اخبارها ايه وناريمان عامله اي هي كمان
دلالهي يا بني مش جمبي دلوقتي انا بره انا وابوها واختها وهي في الشاليه علي بعد العشا كده ابقي كلمها ..
هشام طيب طمنيني عليها وعلي البنت حتي .
دلالهقولك ايه ولا ايه بس
هي تطمنك بنفسها لما تكلمها وانا بره يا بني والمول زحمه ومش عارفه
اكلمك ومش سامعة حاجة يلا سلام واما تكلم مراتك ابقي اطمن منها هي
هشام طيب خلاص سلام
قفلت الخط وانا مستغرب ومش فاهم شاليه ايه وهما فين والهانم اصلا قافله فونها ليه والله عاااال واضح انها عايشه حياتها وبتتفسح كمان.
وشكلها
طالعة مصيف ومقضيااها .
في مصر 
دلالمريم مريم انتي فين يا قلب امك نايمه يا حبيبتي
مريم لا يا ماما انا مريحه
بس جمب داليا شويه ..
دلال يا خبر يا مريم مالك يا بنتي عينك لونها احمر وشكلك معيطه في اي يا بنتي 
كل دا علشان جوزك مكلمكيش وسايبك استهدي بالله ي بنتي و قومي اغسلي وشك وفرفشي كده عندي خبر هيفرحك وكمان جبنا تشكيله سمك وجمبري انما ايه يلا علشان نتغدي واقولك علي الخبر الحلو
مريم سمك ايه يا ماما بس انا مش ليا نفس كلو انتو
وخبر ايه قولي خير حصل اي
دلال كده برضوا دا السمك الي بتحبيه وجايباه عشان خاطرك..
طيب هقولك الخبر علشان افتح نفسك .
هشام كلمني واحنا في السوبر ماركت
مجرد ما سمعت الكلام اتعدلت بسرعه وقولت وانا كلي قلق وصدمة ايه وقالك ايه وقولتيلوا ايه اوعي تكوني قولتيله اني خلفت قولي يا ماما
دلال بضحك ايوه كده قومي اتغدي معانا الاول ونتكلم ابوكي واختك و جوزها مستنين وعلشان تأكلي ناريمان يا بنتي يلا
قولت وانا كلي لهفه وعصبيه ماما ارجوكي قولي بس الاول
دلال يا بنتي براحه طيب
مفيش سأل عليكي وقولتلوا يكلمك بعد العشا اكون في البيت ويكلمك وانتي تحكيله علي كل حاجه
مريم يعني ماقلتلوش علي داليا ولا ان الفون ناريمان بوظته ووقعته في البانيو
دلال ابدا يا بنتي والله ما ريحته خالص سبتوا كده وقلت انتي بقي قولي علي راحتك الي عوزاه
مريم اقول لمين 
انا رايحه لاسماء بعد الغدا وهتعشي معاها ومش هكلم حد .
دلال كلام ايه دا يا مريم انتي اټجننتي كلمي جوزك يا بنتي مينفعش كدا واما يتصل ابقي اقوله اي
مريم قوليلوا اني معزومه بره وخليه يبعت فلوس بس كده
دلاللااااا انا مش فاهمه حاجه منك والله مش دا جوزك الي كنتي بټعيطي عليه من شوية وزعلانة انه مبيسألش ومستنيه مكالمته
مريم متشغليش بالك يا ماما
يلا بينا نتغدي انا جوعت وريحه السمك والجمبري فتحت نفسي
خرجنا نتغدي في الجنينه والجو كان جميل واللمه حلوه منظر البحر كان صافي وجميل وقفت علي البحر شويه بعد الغدا
مريم 
ياااااه يا هشام علي ما افتكرت..دلوقتي افتكرتني
انت لو كنت اتلصت من يومين يومين بس كانت المكالمه دي ممكن تخليني طايره من الفرحه بس خلاص انا مش طايقه حتي اسمع صوتك 
بيكلمني بعد ما الهانم الي بيجري وراها رفضته 
طبعا شايفها احسن مني ناجحه ومثقفه ولسه 
بتحاول تكبر وتنجح كمان .
عموما انا هخليك ټندم علي عمايلك دي يا هشام انا فعلا مش عارفه هعمل ايه بس اكيد الي جاي حياه جديده بالنسبه ليا انا فعلا كنت غلط في قراري بس دي مش النهاية
انا لازم الاقي الطريق الصح الي يخرجني من الي انا فيه ده مش هينفع افضل كدا.
ورجعت علي الشاليه تاني علشان اجهز عشان اروح لاسماء رضعت داليا وغيرتلها وكمان ناريمان خدت شاور ونامت علطول تعبت من اللعب طول اليوم علي البحر وكفايه علي ماما داليا
وصلت الشاليه عند اسماء وكانت في انتظاري استقبلتني ودخلت الشاليه بسيط وجميل وكمان معاهم شغاله جهزت السفره علي ما جوزها جه
كان قاعد علي البحر ومعاه اوراق وملفات وكتب كتيرة جدا اول ما وصل الشغاله اخدت منه الكتب والملفات وجه وسلم عليا
محمداهلا اهلا يا مدام مريم أسماء فرحانه اوي انها شافتك اصلها طول الوقت لوحدها انا كمان فرحت انكوا تقضوا مع بعض وقت جميل وتتسلوا مع بعض
مريم اهلا بحضرتك يا استاذ محمد انا كمان فرحت اني شوفتها.
وبعدين البركه فيك لازم تقضوا الوقت الجميل ده مع بعض.
محمد والله انا جاي علشان الشغل والله بس اخلص القضيه الي في أيدي وهعوضها
مريم ان شاء الله ربنا يوفقك
محمدايه يا اسماء انتي هتجوعي صاحبتك ولا ايعاوزين نتعشي .
اسماء لا ازاي هو انا اقدر اتفضلوا علي السفره العشا جاهز .
اسماء محمد عملت ايه وصلت لحاجه في القضيه انت قاعد علي البحر من بعد الضهر
محمديعني كتبت جزء كتير من المرافعه عاوزك تبقي تقريها وتقولي رأيك .
اسماء عاوز رأي بطد ولا ده اختبار ليا يا متر
ضحك وقال لا طبعا عاوز رأيك انتي خلاص نجحتي في كل الاختبارات
مريم انتي بتشتغلي مع جوزك في مكتبه يا اسماء ولا اي
اسماء اه محاميه تحت التمرين ولا اي ي محمد ضحكت شوية وبعدين قالت لا ي ستي انا بساعده في شغله عادي انما انا لسة ببني الحضانة ادعيلي
مريم انا ازاي عمري ماكنت بتكلم مع هشام في شغله
عمري ما اديتوا رأي في حاجه حتي لما كان يحكيلي بس مكنتش بفهم منه حاجه ولا بۏجع دماغي اصلا
ازاي كنت كدا بس اي يعني هو كل الستات بيساعدو اجوازهم ف شغلهم يعني
_ مريم انتي سرحانه في ايه يا
بنتي روحتي لحد فين كده وبطلت اكل كملي يلا ولا الاكل مش عاجبك
محمداكيد الاكل مش عاجبها ..
مريم لا ابدا تسلم ايدك دا طعمه حلو اوي
محمد تسلم ايدك يا ام سماح يا غاليه والله من غيرها نضيع.
اسماء انا جاية
هنا اتفسح ع فكرة مش اطبخ وانضف بس دا ميمنعش ان ام سماح اكلها حلو
ضحكت وقولت تسلم ايد ام
سماح .
محمدوانتي بقي بتشتغلي اي يا مريم و لا لسة مش لاقية شغل علي فكرة انا ممكن اساعدك جدا والاقيلك شغل في حته كويسة
ارتبكت واتكسفت وبصيت لاسماء ومكنتش عارفة ارد ولا اعمل اي .
اسماء مريم مكملتش الثانويه العامه اتجوزت وهي في تانيه 
اصل مريم قمر والعريس كان مستعجل .
محمد طيب كنتي كملتي بعد الجواز ليه تقفي علي كده او حتي يستي كنتي دورتي علي اي حاجه ولا بنيتي اي حاجه ضيعتي وقتك وطاقتك فيها ولا جوزك كان رافض الشغل 
مريم لا هشام كان بيشجعني والله بس مقدرتش ادخل الامتحانات لاني كنت حامل وخلاص مينفعش تاني
محمد مين قال مينفعش ادخلي السنه دي الامتحانات قدامك شهرين ذاكري فيهم وبعدين مفروض مكنتش اخدتي خطوة الجواز والخلفه دي غير بعد فترة لما كنتي تحسي انك جاهزة
مريم اي ده هو ينفع ادخل الامتحانات في اي سنه
بس انا 21سنة هخش امتحن ازاي
محمدعادي والله..مادام ورقك في المدرسة ومتسحبش هتبقي ثانوي منازل
يعني لسه في فرصه
أسماء طبعا يا مريم قدمي تاني وانا هساعدك وادخلي امتحانات السنة دي.
مريم مش عارفةبصراحة ي اسماء هشوف كدا
شربنا الشاي وبعدها عصاير وبصراحه كنت فرحانه بالقعده معاهم بس كان لازم استأذن علشان اروح داليا اكيد طلعت عين ماما
روحت 
افتكرت ان هشام كان هيتصل بماما علشان يكلمني كنت عاوزه اعرف ماما قالتله ايه
وصلت الشاليه والحمد لله داليا نايمه وماما قاعده في الجنينه
مريم مساء الخير يا احلي ماما .
دلال اهلا يا ست مريم ينفع جوزك يتصل وميلاقكيش !
مريم اتصل وقولتيله اي 
دلال قولتله انك مع اختك بتجيبوا طلبات وقدامكوا شوية وهتيجوا..الحال دا مش نافع ي مريم شوفي جوزك وردي عليه..انا عايزة اطمن عليكي ي بنتي بقي وعايزاكي تستقري
مريم لا ي ماما اطمني..اطمني اوي كمان
دلال انتي هتعملي اي ولا ناوية علي اي
مريم كل خير ي ماما مل خير الا صحيح خالد وبسمة فين ناموا بدري كدا ليه
دلاللا دول خرجوا يتعشوا ويسهروا برا
مريم حقك عليا يا ماما معلش اكيد مقدرتيش تخرجي معاهم انتي وبابا علشان البنات
دلال لا يا بنتي كده كده مكناش رايحين دول عرسان نسبهم بقي يتفسحوا لوحدهم شويهاحنا كابسين علي نفسهم اصلا.
وبعدين خلاص بكره اخر يوم وهنرجع تاني البلد
وانتي ناويه علي ايه هتيجي البلد معانا ولا هترجعي شقتك
واه صحيح جوزك حولك فلوس
مريم حول فلوس كويس اوي اتصل تاني بعد ما قولتليله اننا برا صحيح
دلال اه رن كام مرة كدا ومردتش .
مريم طيب ي ماما انا عايزة انام تصبحي علي خير.
دلالمريم استني جوزك بيرن اهو خدي ردي عليه
مريم ارد لأ يا ماما 
انا داخله انام
دلال واخرتها ايه يا بنتي بس
مريم قولتلك خير يا ماما اخرتها خير
دخلت علشان انام بس مجاليش نوم التفكير كان هيجنيني وانا مش عارفه هعمل ايه فكرت في كلام اسماء وجوزها اني ادخل امتحان هدخل امتحان ثانوية عامة ف السن دا طب والبنات هعمل بيهم اي ولا هسيبهم فين وبعدين ما حياتي كدا حلوة اهي وهشام رجع يبعت فلوس ويمكن لما برجع ويلاقي ان عنده بنت يتبسط ويندم علي قراره يعني اهي يمكن تفرج.
ولا ا روح الامتحانات انا مش هخسر حاجه كدا كدا 
طيب هشام ارد عليه اقوله ايه 
اعرفه ان
عرفت الي بينه وبين يارا 
واني خلفت واتبهدلت وهو ولا حاسس بحاجه 
ولا اسيبه ومعرفهوش حاجة 
انا مش هرد عليه وكلها بكره وماما راجعه البلد وانا هرجع شقتي ومش هيعرف يوصلي
وكلامي معاه اما يبقي يرجع بقي .
تاني يوم خلص بسرعه جدا في لم الهدوم وتحضير الشنط عشان السفر وكدا ورجعنا من الاجازه 
وروحت سحبت فلوس وكان هشام سايبلي مبلغ كويس ساعدني كتير بصراحه..
مبقتش عارفة اعمل اي انا طول اليوم ف البيت ..مش بخرج تقريبا غير لو هجيب طلبات