شمس وزهيره

هنام بره انا مش هفضل معاكي في مكان واحد
ضحكت وقالت معاك حق الصراحه انا اطير العقل بس برضو لو نزلت دلوقتي وبقيت تبات بره منظرك هيبقى ازاي قدام الخدم وبباك على فكره هتبقى كيكه اوي
بصلها ورفع حااجب وقال كيكه
قالت اممم مش انتو في مصر بتقولو على الراجل الي مش تمام كيكه
بصلها بضيق وسخريه وقال اممم بنقول عليه كيكه وبنسقطه مع كبايه شاي بلبن على الصبح اسمها خيخه خي خه
شمس ضحكت وقالت طيب مبعدتش كتير يعني هتنبسط لو بقيت خيخه ده انت لو بقيت كيكه احسن
سراج مردش عليها ولسه هيطلع فكر في كلامها اتنهد وحط ايده على رقبتو بحرج وقال احم هو فعلا مش هينفع انا انا هبات هنا وخلاص وبصلها بتحزير وقال وانتي قومي غيري المسخره دي والبسي هدومك يلا واياك مني تاتي سامعه
شمس ضحكت وقالت حاضر متقلقش مني عمري ما هعمل حاجه ڠصب عنك يا قطه وضحكت جامد واخدت هدوم ودخلت الحمام
سراج كان حاسس بالف شعور جواه ما ببن الڠضب والغيظ والۏجع وما بين كلامها لي بيضحك قد ما بينرفز اتنهد وهو بيفتكر شهيره وقد ايه كانت تتكسف ووشها يحمر بس ومكانتش عندها الجرأه ترد عليه او تبادلو اي مشاعر من شدة كسوفها اتنهد وقال هما ازاي دول اخوات وتوأم كمان
بعد شويه خرجت وهيه لابسه لبس مش مناسب واترمت على السرير بتعب
سراج كان عامل نايم وبصلها بطرف عينه واتنهد وتمتم بضيق وقال على الاساس فرقت كده
شمس بصيت له بطرفه عينها وقعدت وحطت المخده على رجلها وقالت بقول لك يا اسراج لو مش هيضايقك يعني عايزه اعرف اتعرفت على اختي ازاي اصل انا مكنتش بشوفها غير على النت وحكيتلي شويه حاجات عنك بس كنت عايزه اعرف عن علاقتكم اتعرفتو ازاي وكده يعني
سراج اتنهد وقال ومسألتهاش هيه ليه ما كانت ترغي معاكي بالساعات
شمس قالت ياما سألتها بس هي ما كانتش تحكي اصلها كانت بتتكسف شويه
سراج ضحك بخفه وقال شويه دي كانت تتكسف من خيالها عندها ډم مش زي ناس
شمس قالت لو مش هيضايقك يعني ولا يقلب عليك المواجع قولي اتقابلتو ازاي اتعرفت عليها فين وكده
سراج اتنهد وقال قابلتها في الجامعه كانت بتدرس في نفس الجامعه اللي انا بدرس فيها كانت خجوله جدا مؤدبه ومحترمه وبصلها بطرف عينه وقال محترمه ها
شمس ضحكت تاني وقالت طيب طيب ماشي بتلقح فهمت كمل
سراج ابتسم وقال حاولت اتكلم معها اكثر من مره وكانت ترفض تتكلم معايا غير في الدراسه قولت مبدهاش ولقيت نفسي على طول رحت متقدم لها
شمس قالت بحماس حلو وبعدين بقى
سراج قال ببساطه اتجوزنا وبس كده
شمس بصتلو بدهشه وقالت ايه بس كده هي دي قصه الحب الملهلبه اللي انا كنت مستنياك تحكيها افتكرت روحت تطلبها من بابا رفض وفضلت تغني لها تحت البلكونه جبت لها ورد الحاجات المصريه دي اللي متعوده عليها في الافلام والروايات
سراج ضحك بقوه وقال لا دي حاجات متعوده عليها في الافلام الهندي مش المصري وبعدين انتي بترغي ليه انا اصلا مش بحب افتكر الحاجات دي
بصتلو
بص لعيونها وتاه فيهم وقال ما غبتيش عن بالي يوم اصلا علشان افتكرك
شمس اټصدمت باللي قالوا وسراج خد باله من كلامه وقال قصدي ما غابتش عني هي يعني انا هنام تعبان تصبحي على خير
قال كده ونام بسرعه و شمس بصتلو بابتسامه و مددت وقالت انا صحيح ما اعرفتش عن علاقتكم حاجه منها بس عرفت منها كتير