بدر صعيدي بقلم مها العيسوي

لله 
بصت بيرى لجاسر اذيك ياجاسر وحشتنا 
جاسر حس بضيق بس مابينش الحمد لله شكرا 
ابتسمت بيرى انتوا طالعين تناموا ولا ايه 
تالا لا ابدا هنريح شويه وننزل على الغدا 
بيرى ولسه عنيها على جاسر تمام اشوفكم على الغدا باى 
جاسر هاا لا ابدا مافيش حاجه 
تالا لا ازاى وشك اتغير فجاه 
جاسر ولا حاجه انا بس تعبان محتاج اخد شاور واريح شويه وهبقى كويس
تالا طيب ادخل انت وانا هطلعلك حاجه تلبسها 
تالا بسته بالراحه ابعد عنك ازاى وانا من غيرك مقدرش اتنفس ولا اعيش لانك نبض قلبى 
عند حمزه كانت بسمه بتكلم سعديه لما دخل عليها حمزه لقاها بتصرخ جرى عليها بفزع بس وقف فجاه مسهم لما سمعها بتكمل كلامها وهى وقفه تتنطط من الفرحه 
انى فرحانه جوى ياما مش مصدجه ان اخيرا عاشوا مع بعضهم كيف الخلج وهيخلفوا كمانى 
سعديه يابت صرعتنى بتصوتى اكده ليه هو انتى تزعلى تصوتى تفرحى تصوتى 
بسمه اباه مالك ياحاچه فراحانه لاخوى بلاش يعنى 
سعديه لا ياختى روحى افرحى باعيد عن ودنى الى طارشتيها 
بسمه بسعاده ماشى ياما يالا سلام 
قفلت بسمه معاها ولفت لقت حمزه واقف قصادها ووشه باين عليه الغيظ قربت منه وهى بترمش بعنيها زى الاطفال مالك ياحبيبى انت واجف اكده ليه 
حمزه تعرفى يابسمه انى موتى على يدك وديه حاچه انى متاكد منها 
بسمه بسرعه بعد الشړ عنيك ليه بتجول اكده 
حمزه انتى بتسالى !!! ممكن اعرف انتى كنتى بتصوتى ليه 
بسمه بصتله بسعاده اصل امى جالتلى ان مريم حبله 
حمزه وهو ديه خبر يخليكى تصوتى وتخلعينى عليكى 
ابتسمت وقربت منه حج ايه ديه انشاء الله 
حمزه حج خلعتى عليكى 
بسمه وده عايزه ايه بجى 
قرب حمزه منها وشالها تعالى وانى اجولك هاخده منيكى كيف
تانى يوم عند حسيبه كانت قاعده دموعها مانشفتش على جوزها وابنها الى اختفها ومش عارفه عنه حاجه بقاله كتير 
تليفونها رن برقم غريب ردتت عليه بسرعه ايوا مين 
عمار ايوا ياما
كيفك
ردت حسيبه بلهفه ودموع عمار انت فين ياولدى وسايبنى لحالى 
عمار مالك ياما فيكى ايه بتبكى ليه عاد ابوى عمل فيكى حاچه
حسيبه ابوك
ماټ ياعمار 
عمار الصدمه لجمته ماټ!!!!! 
حسيبه ايوا ياولدى من سبوعين 
عمار بصوت عالى بتجولى ااااايه سبوعين كيف ماټ كيف 
حسيبه اتجتل ياعمار الحكومه جتلته وهو بيهرب بعد ماتجبض عليه ومعاه اثار 
عمار والحكومه وصلتله كيف ماهو بجاله سنين شغال اكده 
حسيبه بغل مافيش غيره اكيد هو الى بلغ عنيه 
عمار هو مين 
حسيبه صالح الكلب هو مارته مافيش غيرهم يعرفه 
عمار اجفلى ياما وانى هعرف كل حاچه ولو ليهم يد جسما بالله لهحرج قلبهم كلهم 
حسيبه پخوف لا ياعمار ابوس يدك مالكش صالح تعالى ياولدى انى معتش ليا غيرك 
عمار هاجى ياما هاجى مټخافيش سلام
قفل عمار معاها واتصل على بيرى الو 
بيرى ايه دا انت اخير ا ظهرت كنت فين 
عمار مش وجت الحديد ديه عايز منك خدمه 
بيرى مش لما اقولك البقاء لله الاول 
عمار برق انتى عارفه 
ضحكت بيرى اكيد طبعا 
عمار اوعاكى تكونى انتى الى 
بيرى بسرعه متكملش انى ماليش دعوه الى بلغ عن ابوك صالح ابوا بدر مش انا 
عمار انتى متاكده 
بيرى بثقه عيب عليك انا قولتلك قبل كده ان ليا عيون فى كل حته 
عمار بغل انى محتاج اشوفك ضرورى 
بيرى اوكى امتى 
عمار بكره الصبح فى مكانا 
بيرى تمام هستناك باى
جاسر بحب صباح الورد انا نازل الشغل عايزه حاجه 
قامت تالا وهى ليه نعسانه طيب مصحتنيش ليه احضرلك هدومك و الفطار 
جاسر انتى نايمه متاخر صعبتى. عليا اصحيكى وبعدين اكيد الحاج سليم بيفطر دلوقت علشان ينزل هنزل افطر معاه كملى نومك انتى وانا هحاول متاخرش عليكى
تالا قربت باسته من شفافه طيب ياحبيبى خلى بالك من نفسك وافطر قبل ماتمشى 
جاسر بصلها قوى طب ليه كده انا اصلا سايبك بالعافيه امشى ازاى بعد البوسه دى
ضحكت تالا وملست على خده معلش روح شغلك ولما ترجع نشوف الموضوع ده 
جاسر قرب منها بعد ماغمزلها اعتبر ده وعد 
رجعت لورى وهى بتضحك ياجاسر انزل بقى هتتاخر 
بعد جاسر وهو بينفخ اوووف ..ماشى انا نازل بس خليكى فاكرها 
قام جاسر وطلع من الاوضه وهى عماله تضحك ريحت على السرير تحاول تنام تانى
نزل جاسر ودخل اوضه السفره مكنش فيها حد بس الفطار جاهز وواضح ان سليم لسه منزلش قرب جاسر وقعد يفطر علشان يمشى شويه ودخلت عليه بيرى واول ماشفته لوحده بدات تمشى بدلع وقربت قعدت جنبه وبصوت هادى صباح الخير ياجاسر 
رد جاسر بقرف منزغير مايبصلها صباح الخير
بصتله بيرى قوى واتكلمت بسهوكه ايه ده هو انت بتفطر لوحدك ليه هى تالا مانزلتش تفطرك 
جاسر بصلها بنص عين ورد ببرود انا الى مرضتش اصحيها
مدت اديها مسكت ايده وقربت منه قوى انا لو منها مابعتش عنك لحظه ومش بس كده اوريك الدلع والهنا كله
وقف جاسر مره واحده وبعد اديها عنه بقوه لدرجة انها كانت هتقع من على الكرسى واتكلم بعصبيه بس حاول يوطى صوته اوعى تكونى فاكره ان الحركات الزباله دى هتفرق معايا ولا هريل عليكى فوقى لنفسك انا بحب مراتى الى هى للاسف اختك وولا مليون واحده زيك ممكن تغرينى وحظك حلو ان مش عايز احرج الراجل الى فتحلى بيته ولا اوجع قلب اختك لانها للاسف فكراكى اخت عدله بس قسما بالله لو قربتى منى تانى لهخلى ايامك سودا 
بصلها باحتقار وسابها ومشى ابتسمت ببرود وهى بتكلم نفسها بصوت مسموع غبى !!
لقت صوت من وراها وليه متقوليش وفى 
بصت وراها لقتها هنا لفت تانى وكملت اكلها من غير ماترد عليها قربت هنا ووقفت قصادها اسمعنى كويس يابيرى علشان انا خلاص تعبت منك اوعى تكونى فاكره ان انا داخل عليا دور مكسورت الجناح الى انتى مبيناه قدمنا انا عارفه انك لا طيقانى ولا طايقه تالا بس مستحمله وساكته علشان ابوكى الى موصينى عليكى لكن توصل انك عايزه تخربى بيت بنتى فانتى بتحلمى ومحدش هيقفلك غيرى 
وقفت بيرى قصادها وابتسمت ببرود انتى بتقولى ايه بيت مين الى انا عايزه اخربه يااا طنط
هنا بصتلها من فوق لتحت انا سمعت وشوفت كل حاجه حصلت مع جاسر واسلوبك الرخيص الى استعملتيه معاه علشان تغريه
ضحكت بيرى بصوتها كله انا مش محتاجه اغرى حد هو الى عينه هتطلع عليا
ضحكت هنا باستهزاء والى عينه هتطلع على حد يبهدله ويقل من كرامته كده
بيرى ببرود تلاقيه شافك وانتى واقفه علشان كده عمل الحبتين دول 
هنا انتى مصدقه نفسك !! انا بدات اشك انك مريضه نفسيا وهنصح سليم يوديكى مصحه
بيرى اول ماسمعت كلمه مصحه قربت منها پعنف اوعى تكونى فاكره انك هتقدرى ترمينى فى مصحه علشان تستفردى بالبيت والفلوس وتديهم لبنتك الى روحتى خلفيتها فى الحړام وجايه بعد كل السنين دى تنسبيها لابويا لا فوووقى
رفعت هنا اديها وضړبتها بالقلم بغل مش علشان سكت لما قولتيها لابوكى قبل كده ابقى ضغيفه ليكى انا بس عمله حساب انك مهما حصل اخت بنتى لكن لحد كده وكفايه مش انا الى اروح اخلف من الحړام لانى بعرف ربنا الى انتى متعرفيش عنه حاجه وماشيه تجرحى فى خلق الله 
بيرى حطه اديها على خدها وباصلها بغل القلم ده مش هرده دلوقت بس اوعدك ان هديكى بداله الف ومش على وشك
سابتها وخرجت من الفيلا كلها وهنا قعدت مكانها مصدومه مش مصدقه ان دى بنت سليم الى طول عمره مسالم وطيب
دخل سليم عليها لقها قاعده مسهمه قرب منها هنا مالك ياحبيبتى 
هنا انتبهت وقامت وقفت هاا ولا حاجه مستنياك تنزل تفطر 
سليم بصلها قوى لا انتى فيكى حاجه حد زعلك 
هنا ابتسمت ڠصب عنها لا ابدا ياحبيبى بس الظاهر داخل عليا دور برد ربنا يستر 
قالتها وهى بتفكر فى بيرى والى ناويه عليه سليم قرب منها بقلق لما لقها سرحت طيب تعالى هوديكى للدكتور 
هنا بسرعه لا مش مستهله انا هاخد قرص مسكن وهبقى تمام افطر انت علشان متتاخرش على شغلك 
سليم متاكده مش عايز امشى وانا قلقان عليكى 
هنا متخفش والله كويسه وبعدين ماهى تالا معايا لو فى حاجه بس انا تمام متخفش افطر يالا 
قعدوا فطروا وهنا كل تفكرها ازاى تحمى تالا من بيرى وغلها
فى بيت صفاء صحيت ساره. على صوت موبيلها كان على ابتسمت وردت صباح الخير
على صباح العسل عامله ايه 
ساره الحمد لله ياحبيبى
على ابتسم قوليها تانى كده 
ساره هى ايه !! 
على حبيبى 
ابتسمت ساره حبيبى وقلبى وعمرى 
على غمض عنيه بالراحه عليا ابوس ايدك لاحسن والله انزل دلوقت اخطفك واتجوزك ومحدش هيعرف يخلصك منى 
ضحكت ساره كل ده علشان حبيبى 
على مانتى ماتعرفيش انا مستنى كلمه حبيبى دى بقالى قد ايه ولا تعرفى تاثرها عليا 
ساره بحب لا انا عايزاك تتعود عليها علشان بعد كده مش هقولك الا حبيبى 
على بغيظ يعنى كان لازم مرات عمى تصر ان الجواز يكون بعد شهر ماله الاسبوع 
ساره على فكره ماما معاها حق اسبوع قليل قوى ياحبيبى مش هنقدر نجهز فيه حاجه وبعدين فات منه اسبوع اهو وفاضل ٣اسابيع 
على ربنا يهون المهم انا هفوت عليكى بعد الشغل نتغدا
بره وبعدها نلف لفت كل يوم 
ساره بسعاده حاضر ياقلبى
ربنا يخليك ليا 
على ويخليكى ليا ياحبيبتى
وصلت بيرى الشاليه عند عمار وهى مټعصبه جدا عمار مكنش اقل منها عصبيه بعد الى عرفه منها وقفت قصاده وكلها غل وكره ېحرق بلد احنا مش هنخلص من اللعبه دى كلها بقى ولا لسه ناوى تكمل 
عمار لاه هى خلاص اكده خلصت وفاضل نكتب عليها النهايه بس بيدنا المهم لساتك بجايه على ولد الدهاشنه 
بيرى واديها على خدها انا مش عايزه حاجه غير انى اخد حقى من كل الى اجى عليا واولهم ابويا 
عمار بصلها قوى ابوكى !! كانك اتچنيتى عاد ايه ناويه تجتيلى ابوكى 
بيرى قربت منه واتكلمت بفحيح افعى لا بس هوجع قلبه وهخليه يتمنى المۏت 
عمار طب اسمعينى زين انى مخطط لكل حاچه بس ميشان خطتى تكمل لازمن تبجى معايا 
بيرى انا معاك بس فهمنى ناوى على ايه علشان نجمع الحبايب كلهم فى محرقه واحده 
عمار متجلجيش كله هيتحساب من الصاغير للكابير
فى مستشفى الشرطه دخل بدر وسال فى الاستقبال على اوضة نادر الباشا 
وصل للاوضه خبط ودخل كده برضه يااستاذ نادر تبقى متصاب وفى المستشفى وانا معرفش الا النهارده 
بصله نادر وابتسم تعالا ياصاحبى .. انت عرفت منين 
بدر بغيظ منه هو ده الى همك !! انا بقالى اسبوعين بحاول اتصل بيك واخر مازهت كلمت والدك وهو الى قالى 
نادر والله ماحبيت اقلقك والحمد لله جت سليمه 
بدر الف سلامه عليك ياصاحبى ايه الى حصل 
نادر كنت فى ماموريه والمچرم حاول يهرب وضړب علينا ڼار اتصبت انا و٣عساكر واحد منهم ماټ والاتنين الحمد لله اصابتهم بسيطه 
بدر بزعل لا اله الا الله ربنا يرحمه 
نادر بقهره مابيوجعش قلبى الا العساكر الغلابه دول