كسره قلوب بقلم حبيبه مصطفى

شكلي هيبقي وحش قدامه
ورد لا مټخافيش...بصي انتي غلطانه لما روحتي المكان ده من الاول...بس المفروض تتعلمي من غلطك و مش تعيديها تاني
عنود حاضر والله
ورد انا هكلملك زين مټخافيش ومش هخليه يقول لحد
عنود حضنتها شكرا يا ورد بجد شكرا اوووي
ورد انتي اختي يا غبية و لو واجهتك اي مشكله متعيطيش تعالي قوليلي واحنا نحلها سوا
عنود حاضر
علي يلا بينا
ذهبوا الي الڤيلا و وجدوا الجميع يجلس امام التلفاز 
علي يلااااا الأيس كريييم
عمر جبتي بتاعتي يا ورد
علي ورد جابتلنا كلنا حتي عم تامر السواق و الداده سعديه
الجد سعد الله يباركلك يابنتي
ورد يارب يا جدو بس قولي الاول خدت العلاج
الجد اه الحمد لله
ورد الحمد لله
بدأت ورد في أعطائهم الأيس كريم ثم ذهبت الي المطبخ و أعطت سعديه و فرحت كثيرا...خرجت ورد و جلست بجانب زين الذي كان يأكل الأيس كريم 
ورد اممم...عامل ايه دلوقتي
زين دون أن ينظر لها كويس
ورد اممم...تمام
زين أتأخرتي ليه
ورد متأخرناش ولا حاجه....عقبال ما جبنا الأيس كريم
زين ماشي...انا طالع
ترك الأيس كريم علي الترابيزه وصعد الي الغرفه 
ورد تصبحوا علي خير يا جماعه
سندس وانتي من اهله يا حبيبتي
صعدت ورد الي الأعلي 
ورد زين عايزه اتكلم معاك شويه
زين مش فاضي يا ورد
ورد بس دي حاجه مهم
زين بصوت عالي مش قولتلك مش فاااضي
ورد أنت بتتكلم معايا كده ليه 
زين أبعدي عني عشان مقولش كلمة تضايقك
ورد طب أنا عملت حاجه طيب
زين بقولك أبعدي عني
ورد طب تعالي نتفاهم طيب يا زين مينفعش كده خصوصا اني عايزه اكلمك في موضوع مهم والله ومينفعش يتأجل
زين پغضب يوووه...يااادي مواضيع ست ورد اللي مبتخلصش انا زهقت...دي
كانت جوازه تقرف
ورد بدموع جوازه تقرف !
أنتهي البارت يا حلوين رأيكم فضلا
يتبع
رواية كسرة قلوب بقلم حبيبة مصطفى ياقوت البارت الخامس عشر حصريه وجديده 
ورد طب تعالي نتفاهم طيب يا زين مينفعش كده خصوصا اني عايزة اكلمك في موضوع مهم والله ومينفعش يتأجل
زين يوووه...يااادي مواضيع ست ورد اللي مبتخلصش انا زهقت...دي كانت جوازه تقرف
ورد بدموع جوازه تقرف !
تركته و دخلت إلي الحمام و جلست تبكي قليلا ثم خرجت و نظرت له وجدته يمسك الهاتف ولم يعطيها أي أهتمام مما جعلها تشعر بنكزة في قلبها لقد هانت عليه و هان عليه زعلها...نامت علي السرير ولم تنطق بحرف واحد 
في الصباح أستيقظت ورد أخذت دش ثم أرتدت ملابس الصلاة و أدت فرضها..بدلت ملابسها فأرتدت فستان باللون اللاڤندر ساده و خمار باللون الأبيض التي تزينه بعض الورود باللون اللاڤندر.. 
وورد لنفسها اصحيه ولا لأ تؤ مينفعش يا ورد لأنه مهما كان مينفعش تدخلي المشاكل بينكوا في مسئوليتك ناحيته صحيه وخلاص و أكيد عصبيته ليها عذر لأنه مكانش بيعاملك كدا
ورد احمم...زين...زييين
زين بنوم اممم
ورد أصحي يلا الساعه ٩ أنا جهزتلك هدومك و جهزتلك الحمام
زين أستيقظ قليلا ماشي شكرا
نظرت له ولم ترد... تركته و نزلت 
زين لنفسه يعني رغم أنها زعلانه مني إلا أنها بتهتم بيا...حقيقي أنا غبي
ذهب إلي الحمام ليأخذ دش و يصلي لعل يرتاح قليلا 
في الأسفل 
عنود هااه كلمتي زين
ورد ااا...معرفتش يا عنود والله
عنود بدموع طب هنعمل أيه
ورد متقلقيش أنا خدت قرار
عنود أيه
ورد ااا...هبيع خاتم جوازي
عنود لا لا يا ورد مينفعش
ورد صدقيني يا عنود انا مش زعلانه...أحنا عيلة و بعدين مينفعش نتأخر علي البنات فهو ده الحل الوحيد
عنود طب لو زين سألك هتقوليله أيه
ورد هقوله ضاع وخلاص...مفيش حاجه أهم من سمعة البنت يا عنود و أنتي أختي يعني برضوا لازم أساعدك
عنود حضنتها تسلميلي يا ورد مكنتش أعرف أنك طيبه أوي كده
ورد ربنا يديمك ليا
ذهبت ورد إلي الداخل لتساعد سعدية في أعداد الفطار 
أستيقظ الجميع ونزلوا إلي الأسفل و جلسوا حول المائدة 
أسر مال علي زين قليلا وقال بصوت خاڤت هاااه يا أستاذ زين صالحت ورد
زين ااا...للأسف يا أسر أنا عكيت الدنيا
نظر له وقال أنت بتهزر صح
زين لا والله...أمبارح أتعصبت عليها بعد ما طلعنا
أسر يا زين أنت ليه مصمم تخرب جوازك و تضيع ورد منك
زين كنت متعصب والله بس هصالحها النهارده
أسر ياريت
قالت سندس أيه ده أومال روية فين
سمر قاعده في الجنينه شويه
ورد طيب هروح أنادي عليها عشان الفطار
سمر أقعدي أنتي يا حبيبتي هبعت علي يندهلها
ورد لا يا طنط سمر عادي..هروح أنا
في الجنينه 
روية والله أنت اللي دوست علي رجلي الأول
أمير أنتي هبلة يابنتي
روية أنت اللي أهبل
ورد بمقاطعة أيه ده في أيه
روية أخوكي ياست ورد...داس علي رجلي
أمير كان عني والله لاقيتها داست علي رجلي هيا كمان وبتقولي كما تدين تدان
روية أيوه هو حلال ليك تدوس علي رجلي و حرام ليا
أمير لا ده أنتي يا هبلة يا هبلة
روية والله ! .... المفروض أختار أنا بقي الأولي ولا التانية
ورد بسسس بسسس....حصل خير...كنت جاي في ايه يا ميرو
أمير ماما بعتالك جرجيرة الدبدوبه معايا وقالتلي لازم تديها لورد و إلا تولع فينا كلنا
ورد ايووه جرجيرة وحشتني أوي
أمير يارب الصبر علي تفاهة أختي....أمسكي أهي
أخذت منه الدبدوبة وحضنتها وقالت وحشتيني أوي يا جرجيرة والله....أنا وحشتك صح
أمير ربنا يكملك بعقلك
ورد شكرا يااا ميرووو أوي
أمير العفو يا princess
ورد تصدق وحشتني كلمة princess منك و وحشتني خروجاتنا
أمير أه والله يا princess....ليكي عندي خروجة حلوة قريب
ورد أما نشوف
أمير عيب عليكي وعد أخوات
ورد خلاص واثقة فيك
أمير همشي أنا بقي عشان رايح الشركة
ورد خلي بالك علي نفسك
أمير وأنتي خلي بالك علي نفسك برضوا و أعرفي أني واقف جنبك علي طول
ورد عارفة يا حبيبي
أمير يلا سلام 
ورد سلام
نظر أمير ل روية ثم ذهب 
روية علاقتك أنتي و أمير حلوة أوي
ورد بأبتسامه جدا....بت يلا عشان الفطار
روية أه صح
ذهبت كلا منهما إلي الداخل و جلسوا علي المائدة 
أما عند أمير كان يسوق العربية فقطعه رنين الهاتف 
أمير السلام عليكم يا أمي
جميلة وعليكم السلام يا حبيبي....هاااه روحت لورد
أمير أيوه و أديتها
الدبدوب بتاعها
جميلة كلمتها في موضوع نيرة طيب 
أمير موضوع نيرة !...موضوع أيه ده 
جميلة هو مش أنا قولتلك قولها تكلم أبوك يسامح نيرة و يرجعها البيت
أمير بتذكر اااه صح....لا نسيت والله
جميلة ليه كده يا أمير هيا دي حاجة تتنسي
أمير معلش يا أمي حصل موقف كده نساني وبعدين يا أمي أنتي عارفة أن ورد هترفض
جميلة هترفض ليه
أمير هتخاف أن نيرة تفهمها غلط و تفتكر أنها بتطردها من البيت فبلاش نوقع الأختين في بعض
جميلة لا خالص...ولا أقولك ممكن فعلا
أمير و هو يوقف العربية بسبب الأشارة مش قولتلك
جميلة بص يا أمير لما تيجي يبقي لينا كلام في الموضوع ده
أمير حاضر يا أمي عايزة حاجه
جميلة لا يا حبيبي سلامتك
في ڤيلا سعد الله 
وقف زين وقال 
زين الحمد لله شبعت....يلا يا شباب عشان الشركة
أسر حاضر
روية أنا قايمة أهو
زين هاااه يا ورد يلا أنتي كمان
سندس طب أنت شبعت هما لسه
زين مينفعش نتأخر والله
ورد سابقني أنت يا زين أنا راحة مشوار الأول و بعدين هروح الشركة
زين بإستغراب مشوار أيه ده
ورد هروح مع عنود تزور صاحبتها
زين بشك ااه...تمام بس متتأخريش
ورد حاضر
ذهب زين و معه أسر و أسيا و رغد و روية و عمر إلي الشركة و في هذة اللحظات أنتهت العائلة من تناول الطعام فساعدت ورد سعدية في إزالة الطعام 
في المطبخ 
عنود ورد
ورد نعم
عنود مش هنمشي
ورد بصوت منخفض أتصلتي بالبنات قولتيلهم أننا هنقابلهم
عنود أيوه
ورد خلاص يلا بينا دلوقتي عشان منتأخرش أوي عشان محدش يشك فينا
عنود يلا
ذهبت ورد مع عنود إلي محل الصيغ كي تبيع خاتمها و تساعد عنود 
ورد السلام عليكم
الموظف وعليكم السلام
ورد خلعت خاتمها و وضعته علي الترابيزة و قالت ااا...أنا عايزة أبيع الخاتم ده
مسك الموظف الخاتم وقال اممم يعمل حوالي ٥٠ ألف
ورد أزاي .... أحنا أشتريناه منك من حوالي أسبوع وكان عامل ٦٠ ألف
نظر الموظف لورد و تذكرها بالفعل أيوه أيوه أفتكرتك
ورد هااه عامل كام بقي
الموظف ٧٠ ألف دلوقتي
ورد تمام عايزة أبيعه
الموظف حاضر ثانية
أبتعد الموظف عن ورد كي لا تسمعه 
الموظف علي الهاتف الو يا زين بيه
زين أزيك يا شادي عامل أيه
شادي الحمد لله يا زين بيه....ااا..بص في حاجة غريبة حصلت فأنا مش عارف أنت عندك علم ولا لا
زين في أيه يا شادي
شادي مرات حضرتك جتلي المحل دلوقتي و بتقولي عايزة أبيع الخاتم...هاااه أبيعهولها ولا لأ
زين بإستغراب ورد مراتي
شادي بتذكر أيووه عمال أفتكر أسمها و مش عارف...أيوه ورد هانم
زين أنت متأكد
شادي أيوه يا زين بيه عشان كده قولت أشوفك الأول
زين بتفكير خليها تبيعه بس خلي الخاتم معاك أنا هشتريه منك بعدين
شادي ماشي يا زين بيه مع السلامه
زين سلام
أغلق شادي الهاتف و ذهب عند ورد و بالفعل أخذ الخاتم و أعطاها المال 
في مكتب زين 
أسر مش فاهم بس هيا هتبيعه ليه
زين معرفش والله يا أسر...شادي أتصل عليا قدامك وقالي
أسر طب ما يمكن شادي غلطان
زين لأ كان بيكلمني وهو متأكد
أسر ما أنت لو مكنتش أتعصبت عليها أمبارح ماكنتش عملت حاجه من وراك
زين هو أنت واقف مع مين فينا
أسر بصراحة واقف مع ورد...عشان هيا مغلطتش يا زين
زين بتريقة مغلطتش أه....دي لما تجيلي بس يبقي حسابي معاها
أسر وهو يقف أيوووه جدع...عايزك تعمل راجل وتتعصب عليها و تخرب جوازك بنفسك
زين أخرج يا أسر...شوف أنت رايح فين
أسر هروح لأسيا حبيبتي
في شركة لؤي 
لؤي وهو يخرج من مكتبه أسراااء
أسراء نعم يا لؤي بيه
لؤي أنا رايح مشوار ماشي لو أي حد جه قوليله مشغول و ألغي أي أجتماعات النهارده ومتحطيش مواعيد من دماغك غير لما تكلميني أنا الأول
أسراء حاضر يا لؤي بيه
خرج لؤي فقالت أسراء لنفسها 
أسراء أهو ده الوقت المناسب اللي أدور فيه علي التصاميم
دخلت إلي مكتب لؤي ولم تنتبه أنه يختبيء خلف الجدار 
في الكافتيريا..كانت تجلس عنود و معها ورد 
ورد وهيا تأخذ رشفة من عصير الفراوله هما فين دول
عنود أكيد قربوا يوصلوا
لم تنتهي من جملتها بعد و وجدتهم دخلوا بالفعل بل و جلسوا معهم أيضا 
الفتاة 1 أيه يا عنود...معرفتيش تحلي مشاكلك بنفسك فروحتي تطلبي مساعدة
ولا أيه
ورد تؤ تؤ....مطلبتش مساعدة كل الحكاية أن أنا قولتها يا عنود أنتي واحده محترمة فمش هتعرفي تتعاملي مع الأشكال اللي مش متربية دي فسيبيني أنا أتعامل معاهم
الفتاة 2 بتريقة محترمة أه
الفتاة 1 هيا فعلا محترمة...بس اللي هيشوف الصور مش هيقول كده خالص يعني أحنا مقصرناش فعلا معاها
الفتاة 2 خدناها كام صورة لو اتنشروا حقيقي هيكسروا الدنيا...والله يا عنود أنتي صعبانه عليا يعني كفاية النظرة اللي الناس هتبصهالك
الفتاة 1 يعني بجد كم سذاجة فيكي مش طبيعي...شربتي العصير ومش شكيتي أن فيه حاجة
عنود پصدمة ثث ثانية هو أنتي حطيتيلي حاجة في العصير
الفتاة بضحك مش قولتلك سذاجة...أحنا ضحكنا عليكي و قولنالك أنتي اللي شربتي عشان كده أتصرفتي بعدم وعي..لكن الحقيقه مش كده..دي كانت خطة مننا ونجحت كمان
عنود بدموع