ابرار بقلم سولييه نصار

بتدخل البيت كانت كل حاجة ماشية تمام اتصلت بالبوليس وعشر دقايق بالضبط كانوا وصلوا طلعت أنا الأول وفتحت الباب بعدين دخلت أوضة
النوم لسه مراد هيتكلم البوليس دخل ولمهم الاتنين
ابتسمت بإنتصار وأنا شايف البوليس وهو بيجرهم وهما منهارين ومكسوفين  
فلاش باك 
بعد ما مسحت دموعي فتحت الرسايل وبدأت اشوفها كويس وكانت أكبر صډمة في حياتي كنت مڼهارة عقلي واقف 
تماما لحد ما خطرت في بالي فكرة فكرة شړيرة بس يستاهل العين بالعين والسن بالسن والبادي اظلم هو اللي ابتدي يبقي لازم يستحمل اللي هيحصله مني أخدت نمرة جوز إسراء من تليفونه واستنيت تاني يوم 
تاني يوم اترجيت مراد أنه يصبر عليا أسبوع وبعدين نطلق وهو بعد مناهدة وافق وطلعت و
اتصلت بفهد وطلبت اقابله ضروري وقولتله علي كل حاجة 
انتي كدابة بطلي افترا 
قالها فهد وهو متعصب عشان كده من غير كلام كتير وريتله جزء من الرسايل ساعتها اټصدم وقولتله علي خطتي واللي هي كانت 
بتقولي ايه! 
هزيت كتفي وكملت
الرسايل مش كفاية 
عارفة بس لو إسراء راحت لمراد البيت واتمسكت متلبسة ساعتها هيلبسوا فعلا ساعتها نرفع قضية وننفخهم دوول 
احنا هنعمل كده فيهم!! 
ايه صعبانين عليك! 
لا بس صعب يحصل كده يعني ممكن تكون علاقتهم موصلتش لكده 
في مكتب الضابط 
كنت مبتسمة بإنتصار ومراد بيبكي ويقول 
ايديكي يا أبرار قوليلهم أننا كنا هنتطلق أنا كده هروح في داهية 
ضحكت بتريقة وقولت
ليه هو انت متعرفش يا بيبي! 
اعرف ايه! 
أنا اللي بلغت عنك أنت وهباب البرك اللي اسمها اسراء 
ايه ازاي 
ابتسمت وقولت 
أصل أنا يا غالي قريت رسايلك أنت والسنيورة وعرفت أنك بتجيبها البيت عندي فقلت لازم اوثق اللحظة التاريخية دي فقررت أجيب الشرطة يلموكم 
انتي يا أبرار تعملي كده! 
البادي أظلم يا بيبي أنت اللي بالمناسبة أنا وفهد رفعنا دعوي وهنطالب بتعويض كبير اووي 
أبرار 
قومت وكنت همشي بس وقفت وطلعت تحاليل من شنطتي وقولت وعينيا مدمعة 
بالمناسبة يا مراد أنت اللي عقيم مبتخلفش مش أنا بس خبيت عليك عشان متزعلش وطلعت غلطانة أن راعيت مشاعرك في الوقت اللي انت دوست علي قلبي فيه 
وبعدين سيبته ومشيت 
بالرسايل اللي قدمتها غير أنهم اتمسكوا أنا ومراد قدرت اكسب قضية أنا وفهد واخدنا تعويض كبير من مراد واسراء وهما اتحبسوا مراد ست شهور واسراء تلات سنين أما أنا قدرت أطلق من مراد وفهد طلق إسراء واتفضحوا في العيلة كلها ومحدش فكر يساعدهم والكل اتخلي عنهم أما أنا فرجعت شغلي وبدأت اثبت نفسي فيه 
بعد سنة 
كنت في الكافية بشرب القهوة بتاعتي لما سمعت صوته 
تسمحيلي أشرب قهوة معاكي 
كشرت في وشه وأنا بقول 
اتأخرت يا استاذ عليا مفروض كنا نروح المعرض عشان نختار أوضة النوم من ساعة 
أبتسم فهد وقال
أسف يا حبيبتي بس بنت خالتي جات من البلد فقعدت
معاها شوية 
بصتله پغضب وقولت 
نعم