ولكنني احببت بقلم همس حسن

انا بقالي نص ساعة واقف بكلمك يامريم
مريم انا آسفة والله سرحت بس
عبدالله انا مش هسيبك دلوقتي إلا ماتقوليلي .. الړصاصة دي جاتله منين 
مريم بتوتر وهي بتبلع ريقها خناقة 
خناقة بينه وبين صاحبه يابابا
عبدالله صاحبه مين !
مريم مش عارفة واحد أول مرة أشوفه
احنا كنا في مشوار وفجأة صاحبه دا ظهر وبدأوا يتخانقوا وراحوا ماسكين في بعض صاحبه طلع مسډس كدا وراح ضاړبه وبعدها هرب واختفى .. عمر وقع ساح في دمه قعدت اصوت لحد ما الناس اتلمت وطلبولي الإسعاف
نجلاء ياستار يارب .. كان مستخبيلنا فين دا كله بس ياربي دا انا ابني غلبان وعمره ما أذى حد

عبدالله ربنا يبعد عنه ولاد الحړام
مر ٣ أيام 
كل يوم أصعب من اللي قبله كلهم بيروحوا البيت ويرجعوا تاني ومريم قاعدة في المستشفي مبتمشيش ولا بتريح سارة ومحمد بيتقابلوا كل يوم في الكافيه وكلامهم بيزيد
في غرفة عمر 
مريم قاعدة على كرسي جنب السرير وماسكه ايده فجأة حست بصوابعه بتتحرك في ايديها .. قامت وقفت
مريم بلهفة عمر بيفوووووق 
اتجمعوا حواليه كلهم بفرحة فظيعة 
أول مافتح عينه اول حد عينه جت عليه مريم
مريم عينيها مدمعة من الفرحة حمدالله على السلامة 
عمر بابتسامة الله يسلمك ياحبيبتي 
نجلاء حمدالله على سلامتك ياروح قلب ماما .. دا انا الروح اتردت فيا اقسم بالله 
منة بتبوس دماغه كدا تخضنا عليك 
عمر يلا الحمدلله يامنوش جت سليمة
فريدة أم مريم حمدالله على سلامتك ياحبيبي .. ارتاح بقا ومتتكلمش كتير عشان انت ياحبة عيني باين عليك انك لسة تعبان والكلام طالع بالعافية
نجلاء الحمدلله دا انا كان هيجرالي حاجة والله 
عمر بدأ يظهر على وشه تعبيرات الألم تاني وهو بيحاول يتعدل
مريم بتسحب ايدها من ايده وهي ماشية انا هروح

انده الدكتور بقا
شد ايديها تاني خليكي يامريم
مريم بكسوف هروح انادي الدكتور عشان ييجي يشوفك ياعمر ..
سارة خليكي انتي انا هروح اجيبه 
فتحت سارة الباب وخارجة لقت محمد واقف برا علي جنب ووشه في الأرض 
راحت وقفت جنبه وحطت ايديها على كتفه أدخل يامحمد ادخل دا أخوك ولازم تطمن عليه .. وهو اكيد بيحبك واول ما يشوفك في موقف زي دا هينسى انه زعلان منك 
يلا ادخل بقا على مااروح اجيب الدكتور
وقف محمد شوية يفكر وبعدين فتح الباب ودخل .. عمر شافه ملامح وشه اتغيرت ودور وشه الناحية التانية 
محمد حمدالله على سلامتك يااخويا
عمر .....
محمد عمر انا بكلمك
نجلاء أخوك تعبان يامحمد ومش حمل مناهدة هو سمع اللي انت قولته خلاص ولما يحب يرد هيرد
محمد كدا 
تمام .. انا هخرج ولو عوزتوني اندهولي
دخل الدكتور حمدالله على سلامتك يابطل .. أخيرا فوقت 
أهلك كانوا هيتجننوا عليك ياعم كان لازم تشوف خوفهم عليك عشان تعرف بيحبوك قد ايه
عمر مش محتاج أكون فايق عشان أعرف بيحبوني قد ايه يادكتور 
كشف عليه 
الدكتور لا خلاص كل حاجة بتتحسن الحمدلله
عمر أقدر اخرج النهاردة يعني 
الدكتور هو انت اينعم اتخطيت مرحلة الخطړ خلاص بس للأسف مش هنقدر نخرجك على طول كدا عشان لازم تفضل تحت الملاحظة شوية بردو .. الحاډثة مكانتش سهلة
عمر امممم .. تمام يادكتور
خرج الدكتور عبدالله قرب من عمر
عبدالله مقولتليش بقا مين صاحبك اللي كلنا منعرفوش اللي ضړبك پالنار دا
عمر اتفاجئ ولسة هيقوله صاحبي مين بص لمريم اللي واقفة ورا أبوه .. عملت إشارة بعينيها فهم
عمر دا واحد زميلي كدا من الشغل كنا قربنا شوية في الفترة الأخيرة وبقا بيننا مصالح وبتاع .. واختلفنا عادي زي اي اتنين اصحاب ولا زمايل 
بس هو طلع واطي وژبالة
غدر بيا 
بص لمريم بس متقلقوش أقف على رجلي بس ولو في بطن أمه هجيبه وهطلع عين أهله
خرجت مريم على برا تجيب ماية وبعد ما عدت جنب الكافيه استغربت ورجعت خطوة تاني لورا وبصت جوا الكافيه 
سارة ومحمد قاعدين 
ملامح الڠضب ظهرت على وشها ومن غير ما تفكر لحظة دخلت الكافيه
مريم خير ان شاء الله متجمعين عند النبي
سارة بتوتر هو .. هو كان جاي يشرب حاجة وانا جيت بالصدفة فقولت اقعد اشرب حاجة انا كمان بقا
محمد طيب انا هقوم اشوفهم لو عايزيني في حاجة واسيبكو مع بعض
قام خرج من الكافيه راحت مريم قعدت مكانه 
مريم ها .. بسمع 
سارة بتسمعي ايه يامريم
مريم من غير لف ودوران يا سارة
فيه ايه بينك وبين محمد 
سارة ايه اللي بتقوليه دا يامريم
مريم اللي بقوله دا الصح واللي متأكدة منه دي تاني مرة اشوفك معاه في مكان واحد وانتي اختي وعارفاكي
سارة مفيش يامريم تقدري تقولي دماغنا متشابهه شوية مش اكتر 
مريم متشابهه ! 
ساااارة متعكيش وركزي في اللي انتي بتعمليه .. محمد دا لا شبهك ولا دماغه زي دماغك ولا حتى ينفعك من اي إتجاه 
ومش هو دا الشخص اللي هآمنك عليه في وضعك دا
سارة باستغراب وضعي !! 
ماله وضعي يامريم
مريم بتوتر احم .. وضعك ان ابوكي مېت وانا وامك بس اللي هنختارلك شريك حياتك فلازم نختاره بحكمة
سارة مريم .. متقلقيش وتشغلي بالك بسرعة كدا احنا لسة مفيش اي حاجة بيننا وياستي لو علي اننا بنتقابل في مكان واحد بعد كدا هحاول مقابلوش ولا حتى صدفة
بس هفكرك ان ربنا اللي هيحطه في طريقي تاني
مريم پغضب انا مش عارفة اقولك ايه والله
سابتها وقامت راحت جابت الماية ورجعت تاني على أوضة عمر
بتفتح الباب وداخلة لقت الاوضة فاضية ومفيش غير عمر
مريم ايه دا هما راحوا فين 
عمر اصريت انهم يروحوا يتغدوا بقا طالما اتطمنوا عليا .. بس متقلقيش اكلك جنبي اهو 
يلا اقعدي عشان تاكلي
مريم باستغراب لا لا انا جيت اسيبلك الماية وهروح اكل في اي حتة عادي
بتسيب الازازة ولسة هتمشي مسك ايديها 
عمر خليكي معايا يامريم
شدت ايديها وهي باصة في الأرض ارتاح ياعمر انت تعبان
عمر انا فعلا تعبان بس اللي تعبان اكتر ضميري وقلبي يامريم ..
مريم احم .. طيب هقعد اكل خلاص
قعدت وبدأت تاكل وهو باصصلها وعيونه كلها حزن 
عدى يوم والتاني وهي مازلت بتراعيه ومبتروحش البيت
اليوم التالت الصبح
الدكتور كتبله على خروج نزل ركب العربية هو ومريم وأمه وابوه ومنة
في نص الطريق 
عمر بقولك ايه يابابا اقف على جنبك كدا معلش
عبدالله ليه يابني هتروح فين 
عمر عايز مريم بس في مشوار سريع كدا هنخلص ونروح علي البيت
نجلاء أيوة يابني بس انت تعبان
عمر معلش ياجماعة ريحوني بس
مريم باستغراب ماشي يلا
نزلوا ودخلوا كافيه 
قعدوا 
مريم ايه بقا الموضوع المهم اللي خليتنا نسيب أهلك وننزل عشانه
عمر اليومين اللي فاتوا متكلمناش في اي حاجة ولا انتي حتى كنتي بتجيبي سيرة الموضوع بس انا لازم أتكلم فيه
مريم عايز تقول ايه 
عمر ..........
عايز أقولك اني اغبى واحد في الدنيا يامريم مهما قولت ومهما عملت مش هقدر أكفر عن ١٪ من اللي عملته معاكي .. انتي طلعتي بني آدمة مفيش منك وطلعت انا

اسوء بني آدم في الكون 
من ساعة مافوقت وانا بمۏت من عڈاب الضمير يامريم كل لحظة بتعدي عليا أصعب من اللي قبلها عشان مش عارف انا ازاي عملت كدا وقبل حتي ماادور في الموضوع رغم اني اقسم بالله بعشق التراب اللي بتمشي عليه .. بحبك بجنان لدرجة اني اول ما سمعت حاجة زي دي اتقلبت مچنون بمعني الكلمة بقيت عايز املكك بأي طريقة المهم تبقي بتاعتي رغم كل حاجة فهمتها ساعتها
عقلي وبصري خانوا قلبي ووقعوني في خطأ عمري ما هنساه ولا هسامح نفسي عليه 
أنا عارف إنك لو رفضتي طلبي دا هيبقي عندك حق بس عارف بردو أنك بتحبيني جدا ويمكن حبك ليا أكبر من اي حاجة حصلت 
تقبلي ترجعيلي تاني يامريم واعوضك عن كل حاجة شوفتيها واكفر عن كل ذنب اذنبته معاكي بطريقتي 
مريم قولت حاجة صح في وسط كلامك بس انا بردو ليا طلبي
عمر ايه الحاجة وايه الطلب ياحبيبتي
مريم الحاجة الصح اني مازلت بحبك ويمكن اكتر من نفسي
عمر والطلب 
مريم طلقني ياعمر ...
يتبع
البارت 18 
مريم طلقني ياعمر ...
عمر پصدمة نعم
مريم زي ما سمعت ياعمر 
وانت بتتكلم قولتلي انا كنت مازلت بحبك بس كان لازم أرضي رجولتي بإني اعذبك 
ودلوقتي انا بقولك انا مازلت بحبك بس لازم أرضي انوثتي وكرامتي بإني معيشش معاك يوم واحد تاني 
انت مش بتحب ياعمر انت مريييض .. اللي عندك دا إسمه مرض مسموش حب 
ثم تعالي هنا .. انت اديت لنفسك الحق تعذبني لشهور وتكرهني في عيشتي عشان سمعت او قريت او حتي شوفت حاجة تخصني ... طيب وانا فين حقي 
حقي في إني أدافع عن نفسي حقي في إني ابرر موقفي واوضحلك اللي مش شايفه .
تعرف ياعمر .. اليوم الأسود دا انا روحت البيت عاملة زي الطفل اللي فقد عيلته كلهم وتاه رجعت البيت مصډومة صدمة عمري وبردانة من جوايا ونفسي اروح البيت بأقصى سرعة اترمي في حضنك واقولك اختي الوحيدة مستقبلها ضاع
روحت لقيت البني آدم اللي هترمي في حضنه هو اول واحد قرر فجأة انه يأذيني ويعاقبني على حاجة انا حتي معرفهاش
الموضوع اكبر بكتير مانت فاكر ياعمر ... انا بغلطتك البسيطة دي فقدت ثقتي في نفسي وفي حياتي وفي الجواز وفي الرجالة .. مبقاش نفسي في حاجة غير إني أعيش لنفسي ولإبني وبس 
لو فعلا عايز تكفر عن ذنوبك ياعمر ... طلقني 
وانا أوعدك اول ماابنك ييجي هقوله انك أبوه وهخليك تشوفه وقت ماتحب ومتقلقش مش هكرهه فيك
هو تلقائي هيحبك لما يبص في المراية كل يوم يشوفك .. بما إني متأكدة إنه هييجي شبهك بالظبط 
حطت ايديها على وشه 
عملت فيا كتير اوي .. لكني حبيتك بجد ياعمر 
أشوف وشك بخير
سحبت ايدها وجاية تقوم من ع الترابيزة مسك ايديها 
وبعيون مدمعة وزعل فظيع بلاش تعملي فيا كدا يامريم .. انا بحبك
نزلت ايده من على وشها مبقاش ينفع خلاص ياعمر .. متصعبهاش على نفسك وعليا اكتر من كدا أرجوك
خدت شنطتها وخرجت من الكافيه 
عمر فضل باصص على الباب ووشه كله تعبيرات زعل وندم على اللي عمله
قام وقف وبدأ يتألم تاني من الچرح لكن مسك نفسه وخرج من الكافيه طلب تاكسي وركب
في بيت ابو عمر 
عمر بيخبط على الباب .. منة فتحتله ووشه جايب ألوان
منة ايه دا انت جيت .. تعالي اتفضل
عمر مالك يامنة في حاجة ولا ايه 
منة لا لا مفيش ادخل بس
دخل عمر من باب الشقة على الريسبشن لقى ابوه وامه .. ومحمد قاعدين
اول ما نجلاء وعبدالله شافوه وشهم اتقلب واتوتروا
محمد حمدالله على سلامتك ياعمر .. نورت بيتك يااخويا
عمر پغضب بعد ما وشه احمر انت بتعمل ايه هنا 
محمد دا بدل ما تقولي انت كمان نورت بيتك 
عمر بعصبية نورت بيت مييييين هو
انا مش... وهو بيتكلم الچرح شد عليه حط ايده على صدره وقعد على الكرسي 
نجلاء بخضة براااحة براحة علي نفسك ياحبيبي دا انت متعافتش حتي
عبدالله اهدي ياعمر .. أخوك