عشق الفيروز بقلم ولاء رفعت

.... ابتسمت خجلا .... بصراحه هو الي سحرني بجماله يخربيت حلاوته طويل وعريض بيفكرني بأمير كراره ف مسلسل كلبش بس الحمدلله معندوش شنب ..... عيب يافيروز اي الي انتي بتقولي ده عماله تتغزلي ف الراحل كده من غير كسوف يلا اتخمدي ونامي وراكي جامعه وشغل بكره ..... أغمضت عينيها ثم ابتسمت وقالت بصوت مسموع تصبح ع خير يالي معرفش اسمك فسحبت غطاءها ل
تدثر جسدها من اول قدميها حتي ال راءسها
في اليوموالتالي تجلس سيلين وصديقتها في كافيتريا الجامعه 
هايدي عارفين يابنات انا ليا عندكم حتة مفجاءه مش هتصدقو شوفت مين امبارح ف البيوتي سنتر بتاع فارس الشامي

مايا هيكون مين يعني انجزي وقولي
هايدي فيروز
سيلين ودي اي الي يوديها اماكن عمرها ماتحلم انها تدخلها
هايدي ما انا سألت وعرفت انها بتشتغل هناك
سيلين بجد !
فابتسمت ابتسامه خبيثه ولمعت عينيها بشړ ......
الحلقة الخامسه
عشق الفيروز
في منزل فيروز يرن جرس الباب 
آمال حاضر يالي بترن انا جايه اهو
ليلي صباح الخير يا أجمل أموله ف الدنيا كلها
آمال صباح العسل يالوله
ليلي فين بنتك الندله الكلبه فيروز
آمال شكلها عملتلك حاجه مادام بتشتميها كده 
ليلي يرضيكي من ساعة ماالدراسه بدءت لحد دلوقت متعبرنيش خالص ينفع كده
تخرج فيروز من غرفتها وهي تتثاءب وتقول ف اي يابت بتشتكيني لماما ليه عبو شكلك
ليلي يعني متعبرنيش ولا تسألي ع صاحبة عليكي و ف الأخر تقوليلي عبو شكلك شكرا يا ابله فيروز ... قالتها وهي تلوي شفتيها كالأطفال فنظرت فيروز لوالدتها واڼفجرا ف الضحك من مظهر ليلي 
آمال معلش ياليلي ما أنتي عارفه ظروفها بتيجي من الجامعه ع الشغليدوب بتيجي تاكل وتنام
ليلي برضو متنساش ان ليها صاحبه تسأل عليها 
اقتربت فيروز منها واعطتها قبله علي جبهتها ضاحكه ادي ياستي راسك بوستها حقك عليا .. مرضي ياسطا ! 
ليلي اسطا بزمتك انتي طالبه تجارة انجلش انتي اخرك معهد صرف صحي قسن تسليك بلاليع 
فيروز اها يابني ادمه براس صرصار 
ليلي الله يقرفك
فيروز طيب ياحضرة الدكتوره تعالي عايزه احكيلك ع حاجه 
آمال اسيبكو انا وهروح احضر لكو سندوتشات وكوبيتين شاي ياللبن
دلفا الاثنتين للغرفه 
ليلي ها ! اول ماقولتيلي عيزاني ف حاجه وانا شميت ريحه كائن ذكوري ف الموضوع
فيروز ده انتي سوسه حفظاني ديما كده 
ليلي عيب عليكي ياكبيره اومال انتي فاكره اي ده حتي الي بينا بيتزا وكريب مش عيش وملح 
فيروز ماشي يالمضه بصراحه كده مش عارفه ققولك اي ولا اي الي انا حساه متلغبطه اوي ومش فاهمه نفسي ... بصي ياستي .........
ظلت تسرد لصديقتها ماحدث معاها بالمطعم
ليلي وازاي متعرفيش اسمه ولا حاجه عنه وبعدين واحد بالمواصفات الي بتقولي عليها دي ده انا لو مكانك كنت كلبشت فيه بإيدي وسناني 
فيروز ماتلمي نفسك يابت وبعدين انتي عبيطه انتي تعرفي عني كده انا مليش ف الجو ده الحمدلله 
ليلي طب انا غلطانه ونازله هزاكر احسن لي وغوري من وشي 
ضحكت عليها فيروز وبعد ان ذهبت ليلي شردت ف مخيلتها ف ملامح صقر التي حفظتها من اول مره .... لتتزكر فجاءه محفظة نقودها يانهار مش فايت محفظتي ضاعت عاااااااا
ف قسم الشرطه حيث عمل صقر وإياس ... وبداخل مكتب إياس 
إياس قولتولي بقي!! هو انتو فكرني عيل توتو ياكلبه منك ليها وحياة امي الغاليه لو ماقولتولي مين الي مسرحكو وبيبعتكو للزباين لهخلي الرجاله تعدمكو العافيه من الضړب واجبلكو فرج بتاع فيلم الكرنك بنفسه
المتهمه١ والله ياباشا زي ماقولنالك كده منعرفش حاجه عن الست الي بتحكي عنها دي
المتهمه ٢ والله يا إياس بيه وماليك عليا حلفان احنا من يوم ما اشتغلنا واحنا هواه حريين نفسينا يعني
إياس ماتتلمي يامره منك ليها انتو فكريني هصدقكو قالو للعاھره تحلف! 
ليدلف صقر وهو يقول هما غيرو المثل ولا اي !
تنظر المتهمتان لصاحب الصوت وتهامسا 
المتهمه١ يالهوي يابت شوفتي الصاروخ الي دخل علينا ده 
المتهمه٢ اها لو مكنش هو وصاحبه حكومه وكانو زباين كنا شهيصناهم هيهيهيهيهييييي
إياس بس يازباله منك ليها واقفو انتباه ... ليردف مناديا ياعوض
عوض نعم يا إياس بيه تحت امرك 
إياس خد الزفتتين دول ع الحجز وخلي الستات الي تحت تودبهم لحد مايئرو ع الي مسرحهم
عوض تمام يافندم .. يلا انجري يا هبابه منك ليها كتكو داهيه تاخدكو مليتو البلد
يجلس صقر ف احدي الاركان بالمكتب وكان يضحك ع صديقه
إياس وانت بتضحك ع اي انت كمان 
صقر وربنا انت مسخره الي يشوفك وانت بتزعء وبتشخط ف المتهمين ميشوفكش وانت بتتبهدل من حماتك وبنتها
إياس اها متفكرنيش ده لولا الواحد عندو ولايا وبيخاف ربنا كان زماني ملبس الوليه الي اسمها حماتي دي قضية تاخد فيها اعدام وارتاح منها لكن قلبي الرهيف ميرضاش بالظلم 
صقر ههههههههههه ېخرب عقلك انت داهيه 
إياس سيبك مني أنا دلوقت اي الي جايبك عندي مش عادتك يعني ولا عشان الجو بتاع امبارح
صقر جو ..جو اى 
إياس عيب عليك ياض هو انت فاكرني بتاع بطاطا ده انا إياس نور الدين اكبر ظابط مباحث آداب فيكي يا جمهوريه ومنيم الحته كلها من المغرب
صقر هههههههه اوعي الۏحش منيم الناس كلها ماعدا حماتك 
إياس طب يلا من هنا يالا بدل مااخلي عوض ينزلك الحجز مع العقارب الي تحت دول وانت عارف دي حريم سعرانه 
صقر انا يابني لولا اني مبحبش اتدخل ف شغل غيري كنت زماني خليتهم اعترفو ع كل حاجه من بصه واحده انا صقر الهواري ياض
يرن هاتف صقر ليرد الووازيك يا اونكل 
المتصل ............
صقر معلش حضرتك اعذرني انا مشغول 
المتصل ................
صقر حاضر خلاص عشان خاطر حضرتك هحاول ... سلام
إياس اي عمك ابو سيلين 
صقر اها بيتصل يعزمني ع حفله عيد ميلاد سيلين بالليل 
إياس مش ده تاني عيد ميلاد ليها ف نفس السنه ! 
صقر وانا مالي دي بنت متدلعه ع الاخر وللاسف اونكل عمره مابيرفض لها طلب 
إياس هي لسه بتجر معاك ناعم  
صقر سيلين اختي وهتفضل طول عمرها زي اختي ولو هي هتفضل تعتبريني حاجه تانيه هي حره بقي بتتعب قلبها ع الفاضي 
تتحدث سيلين ف الهاتف 
سيلين اوك كده زي ماقولتلك واتفقنا مش عيزاها تحس بأي حاجه اوك 
هايدي عيب عليكي ياسيلي ده انا هايدي 
سيلين خلاص متنسبش تكلميني بقي وتقوليلي الاخبار يلا باي 
تغلق الهاتف قائله اما وريتك مين هي سيلي السويفي ياحتة بتاعه مبقاش انا 
ف مركز تجميل فارس الشامي 
فيروز مسيو فارس انا خلصت شغلي ورايحه اوردر بتاع فيلا التجمع
فارس اوك فيروز بش عن شرط 
فيروز اتفضل 
فارس بروح اوصلك بسيارتي 
فيروز لا شكرا انا هاخد تاكسي 
فارس فيروووز انا بقيلك هوصلك يعني هوصلك مابدي كلام مره تانيه 
فيروز اوك مسيو فارس
ذهبا الاثنان بسيارته حتي وصل الي احدي المنازل الفخمه
وفي غرفة سيلين 
الخادمه سيلي هانم البنت بتاعت البيوتي سنتر وصلت وواقفه ع البوابه 
سيلين طيب روحي خلي عم عيد يدخلها وهاتيها الاوضه هنا بس اوعي تقولي اسمي ادامها ماشي 
الخادمه امرك ياهانم 
سيلين وجت اللحظه الي اذلك فيها يافيروز
كان يقود سيارته متجها لمنزل السويفي ويستمع لاغنيه عبد الحليم اول مره تحب ياقلبي وكان يردد معها وهو يتأمل صورة فيروز التي كانت بمحفظة نقودها إلي أن وصل امام منزل سيلين ليركن سيارته جانبا 
صقر مساء الخير ياعم عيد 
عيد مساء النور ياصقر بيه 
صقر اي صقر بيه دي ياعم عيد ده انا زي ابنك 
عيد ده انا اطول ابني يكون زي حضرتك 
صقر حاضر ياراجل ياطيب انا رايح لأونكل صلاح قبل ماتبتدي الحفله عايزه حاجه 
عيد تسلميلي ربنا يكرمك يارب وينور لك طريقك يابني
ف غرفة سيلين كانت تجلس فيروز ع احد المقاعد وتنظر للساعه التي كانت بمعصمها لتدلف هايدي ومايا وسيلين وبعض الفتيات الاخريات 
هايدي هاي سنو وايت مش بيقولولك كده ف البيوتي سنتر  
فيروز هو انتو بقي .... نهضت وهي تقول اتفضلو اتصلو ع مسيو فارس واطلبو ميك اب ارتيست غيري انا ماشيه 
مسكت سيلين احدي ذراعيها رايحه فين ياحلوه هو دخول الحمام زي خروجه ده حتي البارتي لسه مبدأتش 
فيروز لو سمحت ياسيلين سبيني امشي انا مليش كلام معاكي 
سيلين هو انا اصلا استنضف اتكلم مع اشكال زيك وبعدين هتمشي ع فين الفيلا دي كلها بتاعتي يعني انتي ف بيتي والي أأمرك بيه تنفذيه 
فيروز عايزه مني اي من الاخر 
مايا سيلي عايزاكي تعمليلنا ميك اب ومانيكير وباديكير 
سيلين وياريت نبدأ بالباديكير ... قالتها وهي تخلع حذائها وترفع قدمها امام فيروز 
نظرت لها فيروز وهي بداخلها سينفجر من تكبر وغرور تلك المتعجرفه التي لاتعمل ف حياتها شيء سوي اذيتها بدون سبب 
فيروز بكل قوه بصي ياسيلين الزفت انتي خليكي ف حالك انتي والعقارب الي حواليكي دول انا مش شغاله عندك ولا هعملم اي حاجه وان كان ع شغلي مفيهوش اي حاجه استعر منها وان كان ربنا مدنيش المال الكتير زيك بس اداني امي والناس الي بتحبني وبيخافو عليا وكفايهةاني متصالحه مع نفسي وبحب الناس وعمري ماكرهت حد 
سيلين خلاص خلصتي محاضرتك ف الاخلاق .... يلا غوري من هنا كفايه بس حبيتةاعرفك الفرق الي بيني وبينك عشان بعد كده تتعلمي تتعاملي مع اسيادك صح 
نظرت فيروز لها باحتقار وربنا انتي مريضه نفسيه ومحتاجه تتعالجي 
قالتها وركضت خارجا ف حديقه المنزل وكانت تبكي .... وهو كان يجلس مع صلاح والد سيلين وكان يتحدث معه فانتبه لوجود الفتاه التي التقي بها ف المطعم فترك المجلس مستأذنا واقترب نحوها 
صقر فيروز .... آنسه فيروز 
فيروز پغضب وهي تكفكف عبراتها بدون ان تنظر لصاحب الصوت عايز اي انت كمان ماتسيبوني ف حالي بقي
صقر انتي بټعيطي 
فيروز وهي تنظر پصدمه لصاحب الصوت هو انت
صقر اها انا الي انقذك امبارح من وقعة السلم وكلبشتي ف البليزر بتاعه زي. البت بتاعت الفيلم الي بتقول عريس يا ابوي
فيروز وهي تبتسم وغاضبه ف نفس الوقت وياتري انت مين بقي اخوها ولا قريبها وجاي تكملو مسخرتكو عليا 
صقر هي مين مش فاهم
فيروز سيلين الزفت 
ضحك صقر هي عملتلك حاجه 
فيروز دي بني ادمه مريضه نفسيا ياريت تعالجوها بدل ماهي عماله تتكبر وتتعالي ع مخاليق ربنا
صقر بصي انا معرفش عملت اي معاكي بس هي مش اختي هي بنت اونكل صلاح صديق بابا
قاطعه شهاب وهو ينظر لفيروز نظرات قد فهمها صقر 
شهاب اي ياصقر تعالي يلا البارتي ابتدت ... مش تعرفنا بالآنسه 
نظرصقر له پغضب روح انت ياشهاب وانا هاجي وراك 
شهاب وهو يغمز له ماشي ياسيدي الله يسهلو
بعد ان ذهب شهاب الټفت صقر لفيروز ونظر لها بحنان وهو يقول ممكن اطلب منك طلب وياريت ماتكسفيني 
فيروز باندفاع عايز اي 
صقر اهدي بس مالك بتعامليني كده ليه 
فيروز آسفه معلش انا اصلي متوتره ومتضايقه شويه 
صقر وانا قبلت اعتذارك بس عن شرط تستنيني هنا هاروح اسلم ع اونكل