انكسار في الثقه بقلم شهد فرج

المكان المناسب للعياط..
يارب انا تعبت يارب ومش قادرة استحمل اكتر من كد يارب هو عليك هين يارب حلها يا رءوف..
دموعي بدأت تنزل ف مسحتها بسرعة ولكن كانت پتخوني تاني وتنزل علي خدي ب ضعف 
هتعيطي زي مانت عاوزة بس مش هنا اجمدي يا كيان الناس هتقول عليك اي.
رفعت كم البلوزة مسحت بيها دموعي وانا بكلم نفسي ولما تأكدت اني بقيت اقوي شوية لفيت عشان اروح المكتب ولكني وقفت پصدمة لما شوفت مستر سليم واقف ورايا وغالبا سمع كلامي كله..!!
مس... مستر سليم حضرتك محتاج حاجة...!
بصيت له بتوتر وانا بشوف نظراته المتفحصة ليا وكأني بالفعل سمعني..

هو في حاجه.. انت كنت بټعيطي مش كد.. لو حابة تتكلمي انا ممكن اسمعلك واعتبريني صديق.
ابتسمت ب توتر 
لا لا مافيش حاجه انا بس في حاجه دخلت في عيني وكنت واقفة اخرجها..
بصي يا كيان انا مش عارف انت مالك ولكن متأكد ان في حاجه تانية ف كنت حابه اقولك أنت مش فاشلة كفاية تحطيم في نفسك وكفاية وهم إنك مش هتعرفي تكملي وإن دي النهاية .. كفاية تفكري في إللي فات ذاتك بإنه مكنش ينفع إللي حصل .. كل حاجة حصلت ليك ولسه هتحصل مكتوبة ليك أصلا ولازم تحصل سواء وافقت أو لا .. فشلك في علاقة أيا كان المسمى بتاعها ده مش معناه إن كده خلاص أهدافك وطموحاتك لسه متحققوش عادي بس انت أجري وراهم اوعي تفتكري أن مفيش فرص تاني .. لا لسه فيه فرص ولسه فيه طرق أنت متعرفش عنها أي شيء .. قومي وكملي حياتك خدي فرصة إنك تكملب .. مفيش أي مشكلة لما تقعي وتقومي طالما من جواك بتحاولي .. ربنا مش هيضيع تعبك ولا محاولاتك نهائي بس أنت حاولي عشانك معرفش كلامي ده له علاقة ب مشكلتك ولا لا بس حسيت اني حابب اقولهولك..
كلامه كان ب مثابة عشان اكمل وما اتعبش انا احسن من غيري ب كتير واكيد ربنا مخبيلي الحلو كله بس محتاج الصبر..
ابتسمتله ب هدوء واستأذنت منه عشان اخرج وهو ما اعترضش ف دخلت تاني اخدت حجاتي وبدل هدومي واتجهت للجامعة ولاني كنت متاخرة قررت اخد اوبر..
وبعد اقل من عشر دقايق تقريبا كنت بنزل
من التاكسي بعد اما حاسبته ولأني كنت متأخرة جدا جريت عشان يدوب هلحق ادخل قبل دكتور المادة وال مش بيدخل حد بعده.. 
كنت ماشية في الطرقة وانا بظبط حاجاتي ومش منتبة للي جاي عليا وقبل مما اخبط فيه اتكلم ب صوت عالي عشان انتبه واقف ف شهقت ب خضة ورجعت خطوتين ل ورى..
رفعت نظري علي الشخص ده ولسه هتكلم اتصنمت مكاني وانا مبرقة عيني ب صدمة 
مستر سليم... انت بتعمل اي هنا..!
ابتسم
ب هدوء 
انت ماتعرفيش اني دكتور هنا ولا اي..
بتهزر صح انا اول مرة اشوفك هنا..!
مش غلطتي انك مش مجتهدة ومش عارفة الدكاترة بتوعك.
ابتسمت ب عدم تصديق 
بجد والله مش مصدقة..
ماطبيعي ماتصدقيش لاني ولا دكتور ولا نيلة انا ليا واحد صاحبي هنا وكنت بشوفه..
ضحكت علي غبائي واني كنت هصدقه فعلا..
ما الحلو مقضيها اهو اومال سايق عليا العوج ليه..!
بصينا احنا الاتين علي مصدر الصوت وال مكنش غير مراد عملي الاسود..
قرب منه سليم وكان لولا اني منعته بسرعة وانا ببعده عنها عشان مايحصلش مشاكل ولكن مراد كان له رأي تاني بسبب كلامه
جيبالي واحد يضربني يا كيان عشان فضحتك وعرفت حقيقتك
وانت ال عاملة علينا الخضرة الشريفة..
مين دول يا كيان...!!
بصيت لمصدر الصوت وانا بتمني الارض تنشق وتبلعني
زياد..
انيسي
بقلمي
بصيت قدامي لما سمعت شخص بينده ب أسمي وسليم ومراد بيبصوله ب استغراب
زياد..! هي كد كملت فعلا.
عارفين مثال جات الحزينة تفرح مالقتلهاش مطرح اهو ده اكتر مثال ينطبق علي حياتي الفترة دي..!
جه زياد ناحيتنا وهو بيبص علي سليم ال واقف مش فاهم حاجة و مراد ال بيبصلي ب شړ وكأني اكلة ورث الحجة وانا واقفة ببص عليهم وبتمني الارض تتشق وتبلعني حالا بالا..
مين دول يا كيان وواقفين كد ليه..!
و للمرة التانية بيتكلم زياد وقبل ما ارد عليه كانت بيتكلم مراد ب شړ 
غالبا الطردة جات علي هواك عشان تعرفي تتسرمحي كويس وبدل ما يبقي واحد بقوا تلاتة..!!
قرب منه زياد و سليم ب عصبية وهما ناوين له علي شړ وقبل مايعملوا حاجة كنت ببعدهم عنه قبل ما اي حد يلاحظ حاجة
انت اتج....
وقبل ما اكمل كلامي جاله تليفون ف رد عليه
و كأنه مستنيه ولكن انقلب السحر علي الساحر بحيث انه قبل مايتكلم ظهر علي وشه الصدمة وهو بيسمع للطرف التاني.
ف اتكلم ب تسرع قبل مايقفل معاه ويجري برة الجامعة كلها
انا جاي حالا ماتعملش حاجة غير لما اجي..ماشي ماشي..
مشي مراد و مابقاش فيه غيري انا وزياد وسليم وبما ان كده كده المحاضرة خلاص بح بصيت ل زياد ب عصبية حتي اني نسيت وجود سليم.
خير يابن خالتي نسيت حاجة تعايرني بيها وافتكرتها دلوقتي ف جاي تقولي عليها دلوقتي ولا اي.. ولا يمكن اشفقت عليا بسبب يتمي وجاي ترجعني تاني..!!
ظهر الندم والخجل علي وش زياد ب وضوح ولكني ما اهتمتش كتير.
طيب ممكن نتكلم علي إنفراد وهفهمك كل حاجه..
عاوز تفهمني اي او انت مين اصلا عشان اهتم ب إني اسمعك..!!
اتعصب.. ده اتعصب اوي بس حسيته بيحاول يظبط اعصابه ويسيطر علي نفسه ف خرج صوته الي حد ما هادئ 
انا عارف اني غلطان ولكن انا بقولك هنتكلم عشر دقايق بس ياشيخة عشان خاطر ماما حتي..
تفهم سليم انها مشكلة عائلية ف استأذن مننا ومشي هو كمان ولأني ماشوفتش من خالتو حاجة وحشة بل العكس كانت بتعاملني زي مريم قررت اسمعه وانا مقررة ان كلامه مش هيأثر فيا..
تشربي اي.. 
السم الهاري... قول الكلمتين ال عاوز تقولهم عشان مش فاضية للأسف.
ابتسامة جانبية ظهرت علي وشه ولما شاف عصبيتي حاول يخبيها بسرعة 
للاسف مش بيقدموا السم الهاري هنا ف لو تكرمتي وطلبتي حاجة خارقة ك الشاي او العصير اكون شاكر جدا ليك.
انت متعصبة دلوقتي اوعي تضحكي يا كيان اوعي.. 
حاولت امنع ظهور ابتسامتي و بصعوبة قدرت امثل الجمود وحقيقي الإنسان لو لاقي كرامته في كيس قلبظ مش هيبقي كد..
قول ال عاوز تقوله يا زياد وبسرعة
لو سمحت.
جه الويتر ف طلب اتنين عصير وبعد اما مشي تحمحم و بدأ يتكلم ب هدوء 
مبدأيا اي كان ال هقوله دلوقتي ف ده مش مبرر ل كلامي الوقح ولكن حقيقي انا كنت مضغوط اوي اليوم ده في الشغل ولما رجعت البيت تعبان لقيت ماما ومريم بيعيطوا وهما مش عارفين انت اتأخرتي ليه ولأن ماما ام مصرية اصيلة حطت مليون سينريو لخطڤك وانهم دلوقتي بيقطعوا اعضائك وقدرت تقنع مريم ف بالتالي انا فكرتك اتخطفتي فعلا خصوصا ان تليفونك كان مقفول..
جه الويتر ب ف سكت زياد وانا ببصله ب انتباه للوهلة الاولي حسيت اني هسامحه خصوصا لما ظهر الندم علي وشه ولأني في اليومين ال عشتهم معاهم ماشوفتش منه حاجة وحشة او تعامل معايا ب طريقة مش كويسة..
خرجت من شرودي لما بدأ يتكلم تاني