اولاد المعلم (ج٢ من المعلم وزوجته ومراته) بقلم اماني السيد

ما اتخرج 
جاد طيب ماتكملى بعد الجواز وايه رايك لو دخلتى تجاره ومسكتى الشركه معايا 
باسمه لا طبعا تجاره ايه انا هدخل حاسبات ومعلومات
جاد هتفرق ايه يعنى تجاره عشان هخليكى شريكه معايا هكتبلك جزء من الشركه واخليكى تمسكيها معايا وتفيدك في دراستك ويا سلام بقى لما تكونى السكرتيره الشخصيه هشوفك كل ١٠ دقايق وممكن كمان اعملك مكتب جو مكتبى كمان عشان تفضلى قصادى 
باسمه انا منتظر نتيجه الثانويه العامه اكتر منك عشان اتقدملك اول ما تدخلى الجامعه هاجى اتقدملك رسمى 
باسمه بتوتر طيب يا جاد اجل الكلام في الموضوع ده لحد ما النتيجة تظهر 
جاد حاضر يا بوس بوس هاجله انا عارف انك متوتره وخاېفه من النتيجة بس ما تقلقيش خير يا حبيبتي انا نفسي بس يبقى موضوعنا رسمى وكلامنا كله في النور ومش خاېف وانا بكلمك بجد يا باسمه انا بحبك اوى 
باسمه بابتسامه وقلق من انه يعرف قرارها قالتله وانا كمان 
انا هقوم امشى بقى عشان متاخرش 
جاد طيب انا هطلبلك اوبر وهمشى وراكى لحد ما تدخلى البيت واول ما تطلعى رنى عليا 
باسمه حاضر مع السلامه
End flash back
فضلت ټعيط لحد ما نامت 
جه يوم جديد على ابطالنا 
فى بيت يونس 
ام اشرقت عجبك اللى حصل امبارح ده 
يونس ادى مساحه لبنتك تقرر هى عايزه ايه هى لو كانت عايزانا نتدخل كانت عرفتنا او مسكتتش 
ام اشرقت وانت مصدق ان اشرقت كانت تعرف فعلا انه متجوز 
يونس الله اعلم انا مش هعمل اى حاجه غير لما هى تطلب منى 
الله اعلم سبب جوازه ايه من التانيه وهو شهاده ليه عمره ما زعل بنتك ولا ضايقها بكلمه اصبرى لما بنتك تكلمنا الاول واوعى تتغطى عليها في حاجه سمعانى 
دخلت باسمه عليهم 
باسمه صباح الخير
يونس صباح النور يا حبيبتي رايحه فين كده 
باسمه اشرقت كلمتنى وهروح اقعد معاها انهارده شويه 
يونس تمام يا حبيبتي يبقى افضل خليها تفضفضلك واوعى تقولى لامك حاجه غير لو هى قالتلك
ام اشرقت نعم ايه اللى بتقوله ده انت عايزني معرفش حاجه عن بنتى 
يونس اصبرى يا ام اشرقت انتى ممكن تتهورى وندخل فى مشاكل تعقد الدنيا مش تحلها بنتك لو عايزه تكمل هى حره لو طلبت الطلاق يبقى نخرج بالمعروف فالاول والاخر هو ابو حفيدنا واى مشاكل دلوقتي ومشادات ممكن تيجى عكس ويفضل معلق البنت سيبى كلام الرجاله للرجاله وادى بنتك مساحه تفكر 
ام اشرقت لما نشوف بس انا مش هقبل يبقى فى ضره على بنتى 
فى بيت زيدان 
وجد ماما انا هسيب ابنى معاكى واخلص مشاويرى واجى على طول ماشى يا حبيبتي
دهبيه ماشى يا حبيبتي خدى راحتك 
زيدان ودهبيه فضلوا قاعدين

مع بيجاد عشان يتكلموا معاه 
دهبيه عايزه اسمع بقى سبب جوازك وابوك يعرف حاجه 
بيجاد حكالها كل حاجه وقالها نفس الكلام اللي قاله لاشرقت
دهبيه وابوك كان يعرف سبب جوازك ايه 
بيجاد ......
يا ترا زيدان كان مشترك معاهم اه ولا لأ
هل فعلا ممكن يكون يفكر زى بيجاد
تفتكروا مين اللى ساب التانى جاد اللى ساب باسمه 
ولا باسمه اللى سابت جاد
البارت السادس
الجزء الثاني
قبل ما ابدا البارت اسمها باسمه اى ضاحكه مش بسمه 
مازال الحديث مستمر عند دهبيه وزيدان و بيجاد
دهبيه ابوك كان يعرف سبب جوازك
زيدان ايه اللى بتقوليه يا دهبيه عيب عليكى 
بيجاد لا بابا ما يعرفش حاجه ولامنى كتير ومكنش عايز يتكلم خوفا على احساس اشرقت
زيدان بصلها بحزن واضح ان قلبك شايل من زمان ومصفيش 
دهبيه معلش يا زيدان بس اللى ابنك عامله صعب وانا عشان مريت بيه فانا حاسه بيها حقك عليا انا محقوقالك يا سيدى 
زيدان مقدرش ازعل منك يا دهبيه حد يزعل من نفس
دهبيه تسلملى يا حبيبي
بيجاد قاطعهم طب اقوم انا بقى لان واضح انكم نسيتونى
دهبيه لبيجاد بص يا بيجاد انا ذات نفسى مصدومه فيك وبتمنى اكون بحلم بس انا كنت بضړب بيك المثل بين ولادى واقول ده اللى مريح قلبى اتارينى كنت غلطانه وشهادة حق البت عمرى ماشفت منها غير كل خير فاعمل حسابك اللى هى عايزاه هعملهولها 
بيجاد افرض صممت على الطلاق
دهبيه يبقى تطلقها 
بيجاد ايه الكلام ده لا طبعا مستحيل
زيدان المستحيل اللى انت عاملته مش معنى انى سكت يبقى موافق على اللى حصل انا حاطتها مكان بنتى واللى مرضاهوش على بنتى مارضاهوش على حد 
بيجاد انا مش عارف اعمل ايه ومقدرش استغنى عن حد فيهم هما الاتنين عكس بعض تماما وانا عايز الاتنين ربنا قال مثنى وثلاث ورباع عشان الواحد يعف نفسه من الحړام بالنسبالى اشرقت الاحتواء والخجل والدفئ والاهتمام لكن علا الجراءه والدلع والجنان لا صعب اختار بينهم انا محتاجهم الاتنين وانا مقتدر انى اصرف على ١٠ وادى حقوق لعشره مش بس اتنين 
دهبيه انت الكلام خساره فيك انا قايمه اشوف ورايا ايه 
زيدان اسمع يا ابنى الكلمه دى اللى عايز كل حاجه بيخسر كل حاجه
بيجاد سابهم ونزل واتصل بجاد 
بيجاد جاد انت فاضي عايز اتكلم معاك 
جاد طيب تعالى على الشركه هستناك هناك على ماتيجى اكون خلصت اللى ورايا ونتغدى سوا بره
بيجاد نص ساعه واكون عندك
عند اشرقت
باسمه كانت وصلت لاختها عشان يتكلموا سوا 
اشرقت ده يا ستى كل اللى حصل مافيش كلمه ناقصه 
باسمه بيجاد ده طلع واطى اوى انتى المفروض تطلقى منه بعد اللى سمعتيه 
اشرقت بحبه بحبه من زمان من ساعت مكونا بنيجى نزورهم وانا كنت بدعى ربنا فى صلاتى انه يجعله من نصيبى انا المۏت عندى اهون برغم انى بمۏت 
عارفه يا اشرقت الۏجع اللى انا فى كوم ولما بتخيل حياتى من غيره كوم تانى بحس بنفسى بيتقطع انا ممكن اكون ضعيفه مش زيك قوية فاكره زمان لما كان حد بيضايقنى رغم انى اكبر منك لكن انتى اللى كنتى بتاخديلى حقى من العيال اللى بيزعلونا مش انا اللى بقدر اخودلك حقك 
باسمه انا عشت معاه اكتر من سنتين كانوا احلى سنين حياتى بس فوقت على وهم انه متجوز وبيحبها 
اكملت باڼهيار وكان بيجاد فى اللحظه دى دخل عشان يلبس وينزل لجاد وسمعها فى الاخر 
اشرقت انتى متخيله انا حاسه بايه وانا بتخيل انه بيقولها كلمه حلوه زى اللى قالهالى انه بينام ان قلبه فى واحده تانيه غيرى طيب بيحبها اكتر اه اكيد بيحبها اكتر ماهى حبه الاول انتى عارفه انا حاسه بايه وانا بتخيله زيى بيقولها نفس الكلام ونفس الهمس اكيد بيعمل كده عشان يعدل بينا أنا بمۏت مش هعرف اكمل مش هعرف واڼهارت من العياط بعد كده 
باسمه طيب اهدى اهدى عشان خاطري ماتعمليش فى نفسك كده مايستاهلش صدقيني مايستهلش 
بيجاد رجع خرج تانى وهو عيونه مدمعه ومش قادر يتصرف ولا يعمل حاجه ولو كان اتدخل كانت اڼهارت اكتر
وصل بيجاد عند جاد فى الشركه ودخل لجاد على طول 
جاد تعالى يا بيجاد شكلك مغيرتش من امبارح 
بيجاد لا طلعت اغير عشان اجيلك لقيت باسمه قاعده مع اشرقت ومڼهاره وكلامها وجعنى اوى 
جاد طيب احكيلى حصل ايه من امبارح 
بيجاد حكاله كل اللى حصل
جاد موقفك بقى صعب اوى يا بيجاد ناوي على ايه 
بيجاد خاېف اعمل اى تصرف ينقلب عكس 
جاد طيب اتاكدت من ان علا حامل ومعملتش كده عشان تجبرك انك تخلى جوازكم رسمى 
بيجاد لأ مكلمتهاش من امبارح
جاد انت لسه بتحب علا 
بيجاد لو مكنتش بحبها كنت هسبها جاد حاول تفهمنى انا بعيش مع كل واحده لحظات مابعشهاش مع التانيه
جاد بس ده غلط وانانيه 
بيجاد عارف عارف انه زفت بس مش قادر مش قادر و علا بقالها فتره بتطغنى باشهار جوازنا انا عاذرها في اللى عملته لأن كل الحجج اللى بتحجج بيها خلصت وكمان من حقها ان اهلى يعرفوا بيها حتى

لو مافيش طفل 
جاد طبعا دلوقتي باسمه زمانها بتلعب فى عقل اشرقت انها تسيبك 
بيجاد اكيد وابوك وامك في صفها 
جاد بقولك ايه خد نسخه من المفاتيح وانت عارف الشقه وهتلاقى لبس وغيارات لسه مجتش جمبها البسها وظبطت نفسك كده وروح لعلا وشوف هتعمل ايه معاها واذا كانت حامل فعلا ولا لأ وانا طلبت الاكل عشان ناكل مع بعض لانك اكيد ماكلتش حاجه من امبارح
بيجاد ماليش نفس 
جاد معلش عشان تقدر تكمل 
عند وجد راحت اشترت لبس جديد خروج ولبس بيتى وحست فعلا بالتغيير وان نفسيتها احسن وده اثر على شكلها وعلى تفكيرها وحست فعلا هى كانت مقصره ازاى فى حق بيتها وجوزها خلصت كل مشاورها ورجعت تاني لمامتها 
دهبيه بسم الله ماشاء الله تبارك الله جميله يا وجد كده وجد بنتى حبيبتى اللى وشها منور والضحكه من القلب
وجد فعلا يا ماما كنت مقصره فى حق نفسى اوى الحمد لله انى لحقت نفسى والبركه فيكى
وجد صحيح يا ماما ليه الرجاله مبتخلفش وتحمل هى 
دهبيه تعرفى يا وجد ليه ربنا سبحانه وتعالى خلق حوا من ضلع ادم وهو نايم
وجد عشان ما يتوجعش اكيد 
دهبيه عارفه لو كان اتوجع كان حصل ايه 
وجد كان هيحبها اكتر 
دهبيه لا لو اتوجع وهى بتتخلق من ضلعه كان كرهها الراجل لو حمل وجرب ۏجع الولادة استحاله كان يحمل تانى وكان هيكره ولاده اللى من صلبه المرأة هى اللى ممكن تضحى وتستحمل الالم عشان خاطر ولادها انما الراجل لأ الراجل بيصرف وييجى على نفسه عشان خاطر ولاده ومراته على نفسه انما مايستحملش فكره الالم فهمتى ليه سبحان الله لم يخلق هذا باطلا
وجد فعلا المرأة بتستحمل الالم اكتر من الراجل المهم يا كبيره الخطوه الجايه ايه 
دهبيه بصى يا ستى اهمتمى بيه كلميه يجيى يتغدى معانا بس قبل ماتعملى كده صورى نفسك كام صوره حلوه وحطيها استور بس خصصيهالوا عشان مانجيش نكحلها نعميها وشويه دلع كده فى التليفون وحسسيه انك رجعتى تانى من غير عتاب وكلام وحاولى تشغلى وقته كله فهمانى 
وجد فهماكى يا كبيره الا صحيح عملتى ايه فى موضوع اشرقت وبيجاد 
دهبيه معرفش بس اخوكى جرحها جامد انا كنت سامعه صوت عياطها واڼهيارها بس انا سايبالها مساحه 
وجد طيب ما تعمل زى انا ما بعمل 
دهبيه لا طبعا وضعكم مختلف شكلا وموضوعا اولا اشرقت من ساعه ما قامت بالسلامه من الولاده وهى واخده بالها من جوزها وابنها وشكلها وعارفه تظبط وقتها ما شاء الله عليها طول الوقت مهتميه بنفسها وده على فكره اللى خلى اخوكى يحبها 
وجد انا ماتخيلتش ابدا ان بيجاد يعمل كده انا متخيله ان جاد اللى يطلع منه حاجه زى ده انما بيجاد لا
دهبيه اخوكى جاد واخد طبع ابوه معرفش اخوكى بيجاد ده طالع لمين 
وجد صحيح يا ماما عشق عامله ايه بقالى يومين مكلمتهاش 
عشق خلاص بدات امتحانات ولما تخلص هتيجى على طول 
وجد ربنا معاها 
عند باسمه واشرقت
باسمه ها هديتى خلاص 
اشرقت الحمد لله . احكيلى بقى عنك انتى