جعلتني ملتزما

...ها محتاجة اي حاجة لاني تعبان وعايز انام
حبيبة...ممكن اطلب منك طلب يا ادم
ادم ...اومري. حبيبة....ممكن تصلي بيا اول ركعتين في حياة اي اتنين متجوزين وبعدها نصلي قيام الليل لاني سهرت كتير انهاردة ويمكن ما اقدرش اصحي اصلي قيام الليل قبل الفجر
ادم .....اكيد طبعا انا ازاي نسيت حاجة زي كده...طب يلا قومي اقلعي بقا
حبيبة پصدمة....نعم!!!!!!!
ادم ....قصدي غيري هدومك ...ادخلي ..الاوضة ..غيري فستان الفرح
حبيبة... حاضر
ادم يالهوووووي عليك وعلي سنينك يا ادم شكلها هتخليني اعك الدنيا ...لا يا ادم اجمد كده وخليك راجل شهم البت بسكوتة وبريية وملهاش ذنب في لعبتك انت وابوك لازم تحافظ عليها ...ايوا صح انا كده كده هطلقها واتجوز رنا فيبقا نلم نفسنا ونلزم حدودنا 
يووووه ماهي بنت الرفضي دي كلامها وهدوها يدوب اي حد الله ېخرب بيت جمال امها
وفجاة مسك الفون بتاعه وراجع سورة الفاتحة وسورتين من قصاري السور كان بيسمع شيخ هو اصلا مش عارف اسمه بس حب يقلد طريقته كانت حلوة في تلاوة القران
دخل بعدها اتوضا وحبيبة اتوضت وصلي بيها ركعتين وبعدها قيام الليل كان يقلد صوت الشيخ اللي حفظ منه السور..وبعد ما خلصوا صلاة
حبيبة ....ما شاء الله يا ادم علي صوتك ربنا يحفظك انت تلاوتك زي الشيخ فارس عباد بالظبط
ادم...بغرور ....كل اصحابي بقولولي نفس الكلمة دي اني صوتي زي صوت الشيخ ااااا الشيخ ااااا اللي انتي قولتي عليه دا
ابتسمت حبيبة ...وقالت تصبح علي خير يا ادم 
ادم .....لا استني انا مېت جوع روحي حضريلنا حاجة نكلها في اكل جاهز في التلاجة سخنيه
حبيبة....حاضر 
جهزت حبيبة العشا اتعشوا ودخل كل واحد اوضته
حبيبة نامت علي طول هي مش متعودة انها تسهر ابدا
اما ادم فكلم رنا
رنا ....ايوا يا خاېن
ادم ....ليه بس الغلط دا مانا سايبها وبكلمك اهو.
رنا....شكلها ايه حلوة ولا عرة.
ادم ....دي وحشة وشكلها ملخبط كده في نفسها يا سااااتر ماتقدريش تقعدي معاها دقيقتين هتخافي يا قلب ادم 
رنا ..بفرحة ....بجد يا ادم هييييييح الحمد لله انها طلعت وحشة كده انا اطمنت انك عينك مش هتزوغ عليها... اومال هي متلقحة ف انهي داهية 
ادم....في اوضتنا وانا في الاوضة التانية فاكرة الاوضة التانية
رنا ....بس بقا يا شقي ...انا هقفل طالما اطمنت انها وحشة يلا بااااي
ادم نام ومافيش ساعة لقا حد بيهزه ...وبصوت رقيق بيصحيه
ادم ..ادم اصحي يا ادم
ادم فتح عينه وتقريبا كان فاقد الذاكرة ...انتي مين !!!! استعاد الذاكرة بسرعة
كده برضو يا حورية في حد يصحي حد بالطريقة دي
حبيبة ...انا اسفة يلا قوم عشان صلاة الفجر هتفوتك
نفسي نصلي مع بعض 
ادم بزهق ....وماله يا ختي وماله
حبيبة....ضحكت انت علطول كده بافيهاتك
ادم سرح في ام الضحكة اللي تطير العقل .....وقال ف نفسه والله ماليا دعوة لو عملتلك حاجة انا ھموت واعملها
وبعدين قال ....طب روحي انتي اتوضي يا حورية وانا هحصلك
وفعلا صلوا الفجر مع بعض ...دي تقريبا اول مرة ادم يصلي الفجر من لما اتولد 
في الصبح صحي ادم بدري ولقي حبيبة محضرة الفطار فطر ولبس وطلع ع الشغل
__________________
في الشركة
وصل ادم الشركة وراح عند باباه الاول 
منير پصدمة....ادم انت ازاي تسيب عروستك وتيجي الشركة يوم صابحيتك انت اټجننت 
ادم ....بزهق والنبي تسكت يا حج وتخليك ف نفسك بقا
وبعدين يا منير يا الفي يا رييس مجلس الادارة ماتدخلش ف شغل البشمنهدس ادم الالفي اتفقنا كل واحد يبقا مسول عن شغله
منير ...قصدك ايه. ادم...... قصدي اني عارف انك رفضت رنا من الشركة وجبت مكانه ميرنا ..بس المفاجاة بقا انه ميرنا صاحبت رنا وقالت لها عن كل حاجة ودا مخليني متمسك ب رنا اكتر من الاول 
منير ....بكرة تعرف اني بعمل كل دا لمصلحتك يا ادم وانه رنا ماتنفعكش ...
ادم راح علي مكتبه ..وانشغل في الملفات والتصاميم وفجاة الباب بيخبط
يتبع
البارت التالت
في شركة معمار الالفي أدم بيمثل. لا أنا زعلان تعالي صالحيني حبيبة ببرأة قولي اصالحك ازاي وانا موافقة أدم. ..قربي تعالي حبيبة مطيعة قربت مد خده وقالها هاتي بوسة بقا حبيبة اڼصدمت من جرأته أدم .هتبوسي ولا ابوس انا راحت بسرعة باسته ف خده وطلعت تجري زي الهبلة وادم سخسخ ضحك عليها اكل بسرعة وكان مستمتع جدا بالاكل اللي كان طعمه يجنن وبعدين رجع يشتغل تاني وفجأة الباب ينفتح ويدخل شخص .أنا مين !!!!!!!! رفع أدم رأسه ولقي صاحب عمره مروان اللي كان مسافر يعمل ماجستير ودكتوراه في إدارة الأعمال في لندن من اربع سنين ..مروان قبل ما يسافر اشتغل سنة بعد التخرج في شركة والد أدم أدم..ېخرب بيت سنينك انت رجعت امتي يا ياض يا مروان مروان ..لسة نازل م الطيارة حالا وصلت الشنط وجيتلك يا بيبي أدم ..اااااه كانت واحشاني اوي الكلمة دي منك يا قلب البيبي ضحكوا هما الاتنين أدم .والله زمان ياض يا مروان وايه النضافة دي شكلك صارف يا معلم مروان .انت مش هتتغير ابدا بتقل دم امك دا أدم ماتلم نفسك يالا مروان بحزن..اخبار الشركة ايه دلوقتي أدم .احنا بنقع يا مروان الشركة پتنهار ..من يوم حاډثة الاسمنت المغشوش والعمارات اللي بنيناها اڼهارت ووقعت وسمعتنا بقت ف الأرض ..والله يا مروان أنا اللي كنت مسؤول عن شحنة الاسمنت ودخلتها المستودع بايدي وتممت عليها وكانت سليمة مية ف المية مروان .مصدقك يا صاحبي ..أنا عارف انك عمرك ما تعمل حاجة زي دي وتبوظ سمعة الشركة بس الشرطة عايزة دليل ملموس يا آدم أدم .وديني لو عرفت مين اللي فرغ كاميرات المراقبة بتاعت المستودع ما هرحمه ابدا مروان .حس أنه أدم مضايق ف حب يخرجه من زعله هو عارف اد ايه مكسور من يوم اللي حصل ف الشركة مروان..بسهوكة زي البناتايه اللي ف ايدك دا يا بيبي كده تبعني وتخطب غيري أدم بص للدبلة وقاله انت عبيط الدبلة ف الشمال يعني اتجوزت مروان اڼصدم .رنا !!!! أدم لا اتجوزت بنت العدلي عشان أنقذ الشركة بابا متخيل اني لما أبقا جوز بنته هيتنازل عن مناقصة ارض الاحلام مروان .وانا دا رأيي برضو ماهو هيحب يرفرحك عشان تريح بنته بس تصدق أنا مبسوط لك يا ياض يا آدم اخيرا قدرت تخلع من الزفتة رنا أدم بعصبية ..مروان ألزم حدودك واوعي تغلط ف رنا أنا متجوز بنت العدلي مؤقتا لغاية الصفقة ما تتم وبعدها هطلقها واتجوز رنا مروان بعصبية اكتر .تصدق انت عيل جبان ومالكش اي لزمة انت ازاي متجوز وتسمح لنفسك تمشي مع واحدة زي دي أدم بزهق ..أمشي من هنا وماتجيش تاني يا مروان مروان أنا ماشي بس راجع تاني استلم شغلي بكرة علي قلبك يا معلم وضحك ومشي كمل أدم يومه في الشركة مابين التصاميم والملفات وحاول علي اد مايقدر يخلص شغله بسرعة عشان يلحق يجيب اكل لحبيبة ويروح قبل المغرب وفعلا جاب اكل جاهز من المطعم وكمان جبلها تمر بلح وروح قبل المغرب فتح أدم باب الشقة لقي ريحة مسك حلوة اوي خارجة من الشقة وصوت القرأن من التلفزيون يخلي اي