غنوه الحب بقلم ندى زايد
المحتويات
وبعد مااشاف زين اللي عيونه بقت في الارض منه وبص لابوه بلوم علي اللي وصلهم ليه وقتها محمد قام من مكانه وراح لحسن حط ايده علي كفته وطبطب عليه
متزعلش مننا يااخوي احنا كنا رايدين مصلحتك مكناش عاوزين نخربو بيتك
ساعتها قام حسن بعصبية ونفض ايد محمد من عليه
هو بيتي كان لسه هيخرب .. سبتوني علي عمايا السنين دي كلها وكل يوم اشيل في جلبي من علي واجول هو السبب في الجوازة الشوم دي وسابني لجدري وهرب لاجل مايرتاح من ذنبي ومستحمل وراضي لاجل ولادي يتربو وسطي أنا وأمهم .. سبتو علي متغرب عن ناسه وبلده وهو خاېف حتي يعاود عشان خايفين علي بيتي يتخرب كنتو عرفتوني وانا اختار ولا حسن هو الحيطة المايلة اللي بتختاروله حياته علي هواكم وهو مالوش حتي انه ينطج ... انت غلطت يابوي في حجي كتير جوي وانا مش مسامحكو كلكو
الحج اخوك ياولدي الله يرضي عنك
خرج محمد ساب زين وعلي وسيد كل واحد فيهم بيبص للتاني ومحدش فيهم عارف يقول اي .......................
حسن طلع بعصبية لاوضته لقي صفاء قاعدة تطبق في هدوم علي السرير دخل شدها من ايدها پعنف ووقفها قدامه
مالي لا ابدا انهاردة بس اكتشفت اني بقالي ٣٥ سنة عايش علي عمايا مع واحدة متستاهلش
بصتله باستغراب وقربت منه
_ مين سخنك عليا اخوك ولا مرته الحرباية جولي
_ اخوي ومرته اللي كنتي عاوزة تجتليهم اخوي ومرته اللي جتلتي ولدهم جبل حتي مايجي ع الدنيا اخوي ومرته اللي مش هاين عليكي تسبيهم حتي يفرحو ببنتهم اللي بجت مرت ولدك
متجولش مرته فاهم لو اخر يوم في عمري الجوازة دي مش هتم ..انت عاوز اخوك يجي ياخد كل حاجة علي الجاهز مش هنولهالهم ياحسن فاهم مش هيطولوها
مسكها من كتفها پعنف وعصبية اكتر
_ انتي اي ياشيخة اي جنس ملتك اي طول الوجت راضي وساكت واجول معلش اتظلمت زيك ودخلت جوازة ماهياش رايداها ... اتحملها عشان خاطر ولادك دي بنت عمك برده ومن لحمك ودمك .. لسانك طويل حبتين واجول معلش اهي بتطلع غلبها في اي كلام وأعديها لكن دا انتي طلعتي حية ....حية اي دا انتي غلبتيها.. عاوزة ټموتي اخوي ولد عمك ! لييه عملك اييي ومرته الغلبانة دي ذنبها اي تئذيها في عيالها
عمل اي ! وعيت علي الدنيا والكل يجولي صفاء لعلي كبرت وانا عارفة انه ليا ومحدش ليا غيره مكنتش شايفة راجل غيره في الدنيا كلياتها واحلم كل يوم بدنيتنا وحياتنا يجي أخوك
متابعة القراءة
