على الحافه
ملك تطلع الورق ليا وكمان عدلنا شهادة ميلاد محمد وعلي الاساس ده رفعنا قضية علي كريم ولحسن الحظ كان معايا نسخة من الجواز العرفي كانت معايا قولت يمكن احتاجها ...
ملك رفعت قضية علي كريم وقدرت تبهدله في المحاكم ...ومن كام جلسة قدرت تخليه يسجل البنت علي اسمه وكمان ليها نفقة خاصة بيها لدرجة ان ظروف كريم المادية ساءت واللي اتجوزها خلعته وهربت منه وهو كان بيشتغل كتير عشان يوفر نفقة البنت ....
وفي يوم ...
جه مختار قعد جمبي واداني مفتاح ...
بصتله بحيرة فقال بهدوء
عيوني دمعت فبصلي بحنان ابوي وقال
انتي بجد بقيتي عزيزة علي قلبي يا ناريمان ...انتي رغم معاناتك كنتي صابرة ...انتي عانيتي كتير وانتي يدوبك في العشرين
...أنا اتمني اني اكون بنفس قوتك ...
بصيت لمختار ...أنا فعلا بحب الراجل ده كأب...اداني حب وحنان محدش اداهولي ...حسيت فعلا انه ابويا ...
ابتسم ليا وبعدين باس راسي ومشي ...
سنة حلوة يا جميل ...سنة حلوة يا محمد سنة حلوة يا جميل ..
كنا بنغني كلنا بسعادة ...كنت ماسكة آمل اللي كبرت شوية ...كانت ملك وجوزها ومختار بيغنوا معانا ...
طفا محمد الشمع وبدأنا نديه هدايا ونلعبه ...حسيت ان الحياة حلوة اووي لدرجة كان نفسي ابكي بسبب كرم ربنا عليا ...ربنا كريم اووي لما بيدي ...
تمت
خلص الاسكريبت ...النهاية من وحي خيالي لاني قولت النهاية سعيدة بس حاليا ناريمان بتعاني أنا متأكدة ان ربنا هيعوضها بطريقة محدش يقدر يتخيلها ...ناريمان أكبر مشكلة عندها الورق ..هي معندهاش اي ورق لا كريم عملها ورق ولا ملك ..ابنها ربنا يرده ليها برضه مرجعش...مشكلتها الكبيرة كمان ان بنتها الحالية مش قادرة تسجلها لان طبعا ابوها رافضها وهي معهاش امكانيات مادية انها تطلع ورق ليها او ترفع قضية ...حاليا متجوزة من واحد كبير في السن بس برضه فيه مشاكل من ناحية بنته ...
ده الحال عندها وربنا يصلحلها حالها يارب
