زين بقلم زيزي محمد
المحتويات
عننا بيجلنا ومبنقدرش نتحكم في نفسنا فاهمني يا حبيبي
مراد فاهمك بس هو لو بيحبها بجد هايشيل الاسباب دي من مخه ويجي يتقدملها اقولك دي مش اسباب دي اوهام
ميرا ابتسمت بس انا مبسوطة اوي
ميرا علشان انت بتتكلم معايا وبتحكيلي وقربنا من بعض اكتر
مراد تعرفي انا كل يوم حبك في قلبي بيزيد مبتغبيش عن بالي ابدا بفكر فيكي في كل لحظة عارفة يمكن المواقف الحلوة ما بينا قليلة بس عمرها ما بتروح من بالي انتي عارفة بتمنى ايه
مراد بتمنى حبك يزيد في قلبي اكتر واكتر بتمنى اجيب منك بنوتة حلوة كدة تكون شبهك
ميرا ته انا بحبك اوي يا مراد ربنا يخليك ليا من يوم مۏت بابا وماما وانا محستش بالامان لما شفتك واتجوزتك وانا كنت حاسة ان مفيش حاجة هاتبعدني عنك رغم خناقتنا الكتيرة
مراد غمزلها تيجي احكيلك حدوتة
تاني يوم في شركة الچارحي
هنا هو مفيش راحة
اسر لسه ساعة على معاد
الراحة ركزي في الورق اللي في ايدك
هنا طيب هو انا عاوزة اقول حاجة
اسر رفع وشه من على الورق اللي بيقراه خير احنا جايين نتكلم ولا جايين نشتغل
هنا خلاص مش عاوزة حاجة
هنا لا منا مش قادرة انا جعانة
اسر باصلها والله قولتله قولتله يابابا دي
متنفعش تشتغل جايبها ليه معرفش بقى أصر عليكي ليه
هنا لا انا جادة جدا بس لما بجوع مبعرفش اركز
اسر والمطلوب مني
هنا اروح اتغدى
اسر روحي
هنا انشالله يخليك للغلابة
اسر لا انا مش فاضيلك في ايه تاني
هنا هو انت كدا على طول مكشر ولابس بدل وخانق نفسك ومن البيت للشركة ومن الشركة للبيت او الجامعة
اسر اه دا ليان اختي مدياكي تقرير مفصل عني
هنا بتوتر لا دا اللي لاحظته
اسر اه انا كدا عاوزة ايه مني يا هنا
هنا سرحت في اسمها اللي نطقه اول مرة ينطقه كدا سرحت وابتسمت اسر حرك ايده قدام وشها
هنا روحت في هنا
اسر نعم!!
هنا انتبهت لنفسها اااا اقصد تيجي اعزمك على غدا
اسر هنا فوقي لنفسك انا رئيسك في الشغل وكمان دكتورك في الجامعة
هنا بالله عليك بطل تقولي هنا دي
اسر انتي مچنونة يابنتي ولا ايه امال اناديكي ايه
هنا بضحك بشمهندسة هنا
اسر ضحك عليها ضحك من قلبه وهيا سكتت وقامت
اسر بتفكير فين!!
هنا نتغدا
اسر قام من مكانه لأ مش هاتغدا بس انا عاوز اغير
جو تعرفي تغيرلي مودي
هنا اه انا اجدع واحدة
تغير مود اي حد
اسر طيب يالا
هنا اخدت اسر وخرجوا من الشركة كلها والحراسة جت وراهم
هنا قولهم ميجوش علشان تبقى براحتك ومتحسش عليك رقابة
اسر اوك خليني معاكي لغاية اخر الطريق
اسر وهنا خرجوا اتغدوا كشړي ودي كانت فكرة هنا المچنونة واتمشوا على النيل وهنا قدرت تغير مود اسر ضحكته كتير
هنا الله تيجي نركب مركب
اسر مركب!!
هنا اه بيشغلوا اغاني ويبقا جو حلو اوي
اسر طيب هاجيب اتنين حمص الشام علشان نفسي فيه ونركب
ركبوا المركب وشغلوا اغنية لعمرو دياب واسر حس نفسه مرتاح لاول مرة بلا قيود وجودها جنبه فرحه جدا غيرتله موده وروتينه المتعود عليه لغاية ما فاجئته بسؤالها
هنا بفضول انت
ليه فركشت مع ريهام
اسر دا فضول ولا ايه
هنا اعتبره كدا اصلها كانت بنت حلال وانا بعزها
اسر ضحك اه انتي بتعزيها معزة خاصة بامارة الكورة اللي رزعتيها في وشها
هنا مين انا!! وحياة غلاوتها عندي ما كنت اقصد
اسر بضحك لا صادقة
هنا اه بردوا فركشت ليه
اسر مبحبهاش
هنا بفرحة بجد
اسر فرحتي ليه كدا
هنا بتوتر اصل كنت بكرهها لزجة كدا ورخمة
اسر هز راسه وسكت والاتنين كملوا اكل في حمص الشام
اسر حلو حمص الشام
هنا اه جدا
اسر هنا
هنا بصتله اممم
اسر انا بحبك
هنا جابت اللي في بوقها كله على اسر
اسر الله يقرفك
هنا پصدمة اانت قولت ايه
اسر خلاص امسحيها وربنا منا قايلها انتي مقرفة
هنا بدموع مش هاتقولها
اسر بصلها ايه دا انتي هاتعيطي
هنا عيطت قولها كدا
هنا عيطت واسر استغرب دموعها
اسر هو انتي بټعيطي ليه
هنا مش عارفة مكنتش اتوقع انك تقولها انت بتحبني بجد
اسر اه من اول ما قولت اسمك في الجامعة وشوفتك خطفتي قلبي وبعدها كنت بفكر فيكي بس يعني دا بخلاف الكام موقف الزفت اللي انتي
عملتيهم
هنا كنت بعمل كدا علشان ببقى غيرانة عليك من ريهام
كنت بكرهك اوي وانت خاطبها بس كنت بحبك من جوايا انت فهماني
اسر ابتسم ومسح دموعها فاهمك عارفة اول ما حسيت ان بحبك
وبفكر فيكي ليل نهار مقدرتش اكمل معاها وفركشت
هنا انا مش مصدقة نفسي انا حاسة اني بحلم
اسر لا دي حقيقة يا هنا قلبي
هنا لا واحدة واحدة انا لغاية دلوقتي مش مستوعبة كلمة بحبك
اسر لا استوعبي انا ضيعت حياتي في لحظات غلط واوهام بس انتي حقيقة يا هنا وانا عاوز اكمل بقية حياتي معاكي تتجوزيني
هنا مسكت كوباية الحمص وبصت فيها باستغراب
اسر بضحك بتعملي ايه يا مچنونة
هنا بتاكد من الكوباية
متابعة القراءة
