اڼتقام ليل بقلم فاطمه عادل

ومعانا الرجاله
صفوت هما قالولى لو جبت راجل واحد قول على بنتك يارحمن يارحيم
ليل لا متقلقش اناهتصرف الميعاد امتى
صفوت كمان ساعتين من دلوقتى ارجوك ياليل انا معتمد عليك ترجعلى بنتى
ليل بابتسامة جنون متقلقش عشمك فى محله
كل ده وليل حاطط أيده على فم لين وكاتم صوتها وهى دموعها نازله على وشها وأيده
قفل ليل المكالمه وبص على لين ودموعها وحاول ميتهزش من دموعها

ليل عارفه لو كنتى نطقتى بحرف واحد كنت هعمل فيكى ايه
لين پخوف وشهقات عياطها عليت انت مفهم بابى انك بتساعده علشان ترجعنى انت عايز مننا اييييه وصوتها وصريخها بدأ يعلى
ليل واول مرة يزعق فيها قولتلك عايز حقى منه وهرجعه بأى تمن ولو حتى التمن ده كان انت او انى ادوس على اى حد يقف بينى وبين ابوكى وطول مانت هنا مش عايز اسمعلك صوت فاهمه
لين اتخضت من صوته وارتعشت وسكتت
ليل بصوت اعلى .فاااهمه
لين فاهمه
شالها ليل وطالعها على اوضتها ونزل جابلها اكل وكوباية لبن وطلع حطهم ادامها على الترابيزة وقرب الترابيزة منها وشاورلها على الاكل
ليل كلى
لين مش عايزة
ليل صوت عالى كلى الاكل ده كله واشربى اللبن ده والا قسما بالله هتشوفى وش تانى
لين يهمك فى ايه اكل ولا لأ انت كده كده هتقتلنى سيبنى فى حالى بقى وحطت أيدها على وشها وفضلت ټعيط
ليل للحظه كان هيضعف ويقرب منها وياخدها فى حضنهكان نفسه يقولها انك ملكيش ذنب وانك بس وسيله اتصال بينى وبين ابوكىولكن تراجع وزعق اكتر
ليل. انا أقسمت بالله انك لو ماكلتيش وخلصتى كوباية اللبن هتشوفى وش عمرك ماشوفتيه وطى على ركبه ادامها ومسك وشها بايده وقال انت لسه معرفتنيش ولا شوفتى وشى التانى اسمعى كلامى علشان انت مطوله هنا معانا
سابها ورزع الباب وراه ونزل تحت وهى فضلت ټعيط وتاكل ودموعها مغرقه وشها
نزل ليل تحت ونده على محسن اللى جاى يجرى
محسن تحت امرك ياباشا
ليل عملتو ايه جهزتوا ولا لسه
محسن .كله جاهز ياباشا وكله عمل اللى حضرتك أمرت بيه
ليل ادامك ساعه تكونوا كلكم فى العربيات ومتحركين وسيبلى انا راجلين بس هاخدهم معايا فى العربيه
وطبعا متنساش انك تسيب حراسه هنا علشان بنت صفوت
محسن موطى رأسه .علم وينفذ ياباشا
طلع ليل على اوضته ودخل ياخد شاور ويجهز للى جاى
دخل الحمام وفتح المايه فوق دماغه وهو بيفتكر اخوه وهو بېموت ادام عنيه
فلاش باك
على وعد عمار أن عمره ماهيقرب ابدا من الملهى الليلى تانى وانه هيبدا صفحه جديده وهيذاكر ويحضر وينتبه لدراسته وعمار صدقه طبعا وفرح باخوه جدا
على .خلاص ياعمار والله اوعدك انى مش هقرب تانى للمكان ده وعمرى ماهقدر على زعل ابويا وامى ولا على زعلك
عمار ابتسم لأخوه وقرب منه وحط أيده على كتفه .هو ده على اخويا وحبيبى تربية الحاج محمد صحيح
على ابتسم ومن جواه بيقول لازم يعنى اثبتك بكلمتين ياعمار علشان تحل عنى وتسكت وبص لأخوه وقاله يلا بقى نطلع زمان ابوك بيضرب أخماس فى اسداس وقلقان علينا
عمار يلا ياعلى وربنا يهديك وينورلك طريقك
طلعوا سوا مع وعد من على أنه يبقى عند حسن ظن عيلتهولكن صاحب السوء اقوى من اى حد والزن على الودان أمر من السحر كل يوم أصحاب السوء يتصلو بعلى علشان يرجع تانى لشغله هو كان هيرجع بس لما اخوه يطمن من ناحيته ويصدقه اكتر ولكن أصحابه مسبهوش غير وهو عندهم ورجع تانى للشغل ده
ابراهيم صاحب على اول ماشافه جاى ايوة كده ياكبير عاش مين شافك
على .ياعم انا كنت جاى بس كان لازم اثبت اخويا بكلمتين
جمال صاحبه وزميله فى الشغل ها وثبته
على .على الاخر واقنعته كمان انى بقيت اصلى الفرض فى المسجد
صحابه ضحكو عليه جامد وسلموه لبس الشغل تانى ورجع للكان فيه من اول وجديد
ومرت الايام وفى يوم وهو شغال صاحبه اداله سېجارة حشېش وكاس وقاله دول هيروقوك ويخلوك تشتغل بزمه
على .لا ياعم مليش انا فى الكلام ده
جمال ياعم هو انا بقولك ادمن ده بس لزوم الفرفشه وهتفضل تضحك طول الليل
على اخدهم منه وبدأ يشرب واخد الكاس كله على بوق واحدخد حطلى شويه كمان
جمال صقف على أيده وقاله العببس خد بالك تسكر
على ياعم ده كاس هوانا هشرب ازازة يعنى
شرب كأس ورا كاس لحد مابقى يتهز ومش شايف ادامه
وعمار بيرن عليه وعلى مش بيرد نزل يدور عليه وفى الاخر راح عند ابراهيم ولحسن الحظ كان اجازته اليوم ده
فاق ليل من ذكرياته على خبط على الباب ومحسن بيقوله. ليل باشا الرجاله جاهزة وكله تمام ومستنين إشارة منك
ليل نفذ وانا هاخد الراجلين وطالع على صفوت
محسن .تحت امرك ياباشا ونزل
خرج ليل من الحمام ولبس وجهز نفسه واتصل بصفوت اللى قاله أنه جاهز وهيقابلو على الطريق
خرج ليل من اوضته واتحرك بس حب يطمن على لين قبل ماينزل
فتح الباب وبيبص لاقها نايمه على ايد الكرسى دخل براحه وشافها مخلصه الاكل واللبن ابتسم ابتسامه حلوة اوى وشالها بشويش وهى