حكايه منار حكايه صدفه

انك خطبت ولا حتى اتجوزت فى بنات اهاليهم نسيو يربوهم ميحلالهمش الجرى غير ورا الرجالة المرتبطة 
نتجوز واتلخم انا فى البيت والعيال
وتلف عليك انت واحدة منهم 
فاهمل انا بقى بيتى وعيالى والف ادور وراك واحلق عليك ولا اللى بتحلق على فرخة 
ويبقى يا اخد بالى منك يا من بيتى لا يا سيدى شكرا مليش انا فى المنافسة دى

زياد المنافسة دى انتى خلاص كسبتيها بدليل انى عايز اتقدملك يا منة
سندس كسبت الجولة دى بس انما الجولات لسه كتير
زياد هتكسبيهم برضه
سندس انا مش برفض علشان خاېفة اخسر 
انا مبحبش المنافسة مليش انا فى الفرهدة دى 
انا عايزة اعيش فى سلام يا سيدنا مع واحد هيمسك ايدى ومش هيسيبها العمر كله
مش واحد افضل احلق عليه علشان افضل انا اللى بكسب فى المنافسة 
انا مش عايزة منافسة من اساسه
صدقنى انا مش مناسبة ليك وانت مش مناسب ليا
ربنا يرزقك بالانسانة المناسبة قريب يا رب
هقفل انا بقى ماشى مع السلامة يا اياد 
منة بصوت واطى اسمه زياد
سندس انا اسفة قصدى مع السلامة يا زياد...اخيرا ايه ده ولا كأنى فى امتحان شفوى ايه التوتر ده
منة ولا بان عليكى توتر انتى اتكلمتى بكل ثقة محدش هيصدق انك كنتى بتتكلمى مع حد عمرك ما شوفتيه ولا تعرفيه
ايه اللى قولتيه ده يا بنتى ده انا ذات نفسى صدقتك وان ده سببى للرفض
سندس افتكرت انك قولتيلى انه بنات كتير حاطين عيونهم عليه ما عدا انتى طبعا علشان عينيكى مش شايفة غير احمد باشا
منة بابتسامة وهو فى زى احمد برضه بحبه اوى يا سندس بحبه اووووى 
سندس عارفة يا اختى انا وطوب الارض عارفين انك بتحبيه
الموضوع ده محتاج زقة مش هتفضلو لأخر العمر كده واقفين مكانكم
منة قصدك ايه
سندس هفهمك بعدين
بعد اسبوعين 
سندس منة كالعادة سمعت كلامك ومرضيتش تلبس الفستان اللى انت قولت عليه لا 
احمد منة بتسمع كلامى دايما دى احلى حاجة فيها
سندس هى بتسمع كلامك ليه يا احمد بصفتك مين يعنى
احمد بصفتى ابن عمها وبخاف عليها
سندس طيب ما عامر اخوك ابن عمها تسمع كلامه ومنتصر ووائل وعبدالله وادهم ولاد اعمامها تسمع كلامهم
وبعدين پتخاف عليها من ايه 
هتخاف عليها اكتر من بابا 
بابا نفسه كان موافق على الفستان 
اجابتك غلط يا احمد 
انت مش پتخاف عليها انت بتغير عليها ولو پتخاف فانت خاېف حد يشوفها ويعجب بيها
بس تفتكر الفستان اللى مخليتهاش تلبسه هو ده اللى هيمنع ان حد يعجب بيها ويبقى عايز يتقدملها كمان
احمد پغضب مين ده اللى عايز يتقدملها
سندس كتير ناس فى العيلة ناس فى جيرانا ناس فى شغلها
احمد بس منة مقالتليش على حاجة زى دى
سندس وانت متوقعتش ان ده اكيد بيحصل هى منة دى مش بنت وزى كل البنات طبيعى يتقدملها ناس 
ولا انت مفكر انها محدش غيرك بيشوفها
احمد انا اللى يبصلها بعيونه اخزقهاله
سندس طيب وليه العڼف اللى يدخل السچن ده
ما فى حل اسهل من كده بكتير
ما تتقدملها يا احمد 
احمد اتقدملها
سندس ايوه بص يا احمد انا بتكلم معاك علشان انت غالى عليا
وميهونش عليا منة تبقى لحد غيرك لأنى عارفة ان دى حاجة هتزعلك وهتزعلها
بس لو انت مبتحبهاش...
احمد قاطعها لا انا بحبها انا مبحبش فى حياتى حد اكتر منها انا بحبها اكتر من نفسى يا سندس والله 
سندس طيب يا عم العاشق الولهان الدايب مبتاخدش خطوة ليه مبتعرفش الدنيا كلها انك بتحبها ليه
احمد مستنى اجهز نفسى علشان اجبلها الشبكة والشقة اللى تليق بيها واعملها الفرح اللى يليق بيها كمان
سندس اللى انت بتتكلم فيه ده كله ميفرقش مع