حكايه منار حكايه صدفه

سمعتنى بقول ايه يوم المحفظة 
زياد وهو بيضحك حصل
سندس ومقولتيليش ليه يومها
زياد لو قصدك مقولتلكيش ليه انى زياد فانا وقتها مكنتش اعرف ان اللى كانت بتكلمنى فى الموبايل سندس مش منة
ولو قصدك مقولتلكيش ليه انى سمعتك فالصراحة علشان تتكلمى اكتر واسمعك 
واضح ان ذاكرتك فعلا ذاكرة سمك زى ما قولتيلى 

انتى معرفتيش صوتى يوم المحفظة وحتى دلوقتى يدوب شبهتى عليا وخدتى وقت على ما افتكرتينى 
سندس هو انا قولتلك قبل كده ان ذاكرتى ذاكرة سمك
زياد اه لما قولتيلى يا عماد بدل زياد 
سندس واضح ان ذاكرتك ما شاء الله قوية
انا اسفة انا مبحفظش الأسماء بسهولة وحقيقى بنسى بسرعة اوى
واسفة على اللى سمعتنى بقوله يوم المحفظة بس انا افتكرتك بتعاكس وكده مكنتش اعرف اللى فيها وانك بتتكلم جد مش بتستظرف
زياد اسفك مقبول مفيش مشكلة 
سندس واخر حاجة انا اسفة كمان على يعنى اللى عملناه انا ومنة
احنا مكنش قصدنا حاجة وحشة والله
هو بس احمد خطيبها فعلا كان هيضايق لو عرف انها كلمتك ولو حتى علشان ترفضك
وكمان منة مبتعرفش تتكلم اوى فى المواقف اللى زى دى 
فعلشان كده يعنى انا اتكلمت مكانها لما طلبت منى 
زياد وهى اى حاجة تطلبها منك تعمليها
سندس الأخوات لبعض وبعدين متوقعناش انك تعرف 
واللى عملناه مأذاش حد يعنى
زياد فى دى انا متفق معاكى اللى عملتوه فعلا مأذاش حد بالعكس
سندس انت مش مضايق مننا
زياد لا خالص 
انا مبسوط باللى عملتوه
سندس مبسوط علشان اشتغلناك قصدى يعنى...
زياد قاطعها مبسوط علشان اللى كلمتنى وشغلت عقلى بيها سندس مش منة
ومبسوط علشان اللى شوفتها وشغلت عقلى وقلبى سندس مش منة 
مبسوط انى عرفتك وحقيقى مش فارقلى عرفتك ازاى المهم انى عرفتك وانك مش مخطوبة الحمد لله
سندس انت مش زعلان على منة انت متقدلى ليه اصلا
زياد اكيد مش علشان انتقم منك على اللى عملتوه مثلا
لا انا مش زعلان على منة 
منة لما قررت اتقدملها كان علشان هى باين عليها محترمة ومؤدبة
زى ما قولتى مبتحاولش تلفت انتباهى فى وسط بنات كتير بيعملو اللالى علشان يلفتو انتباهى فلفتت انتباهى هى
انما انتى شغلتى عقلى وقلبى وزايد على كل ده انك مؤدبة ومحترمة واخت منة يعنى نفس التربية 
سندس مش شرط علشان اخوات نبقى زى بعض
انا مش شبه منة انا مش شبه حد
زياد بابتسامة عارف يا سندس انك مش شبه حد وعلشان كده انا هنا دلوقتى 
انا لما كنت عايز اتقدم لمنة كان قرار بعقلى انما انا متقدملك بقرار من عقلى وقلبى 
سندس يعنى انت مش زعلان علشان منة اتخطبت
زياد لا بالعكس ربنا يتمملها على خير
سندس ومش متقدملى علشان انا اخت منة
زياد متقدملك علشان انتى سندس
واحدة عرفت ټخطف قلبى وعقلى بعفويتها وافكارها المختلفة وډمها الخفيف 
سندس الوضع هيبقى غريب انت كنت عايز تتقدم لأختى كان ممكن تبقى جوز اختى
زياد كان ممكن ابقى ومبقتش
ولما دخلت بينكم دخلته علشانك انتى
سندس ولو شوفتها فى البيت هنا
فى البيت هنا ايه ده فى البيت هنا وفى بيتها وفى بيتنا لو اتجوزنا دى اختى يعنى هتشوفها كتير هتشوفها العمر كله
زياد انا مش هشوف غيرك يا سندس
معنديش مشكلة اشوف منة كتير عادى اخت مراتى وخالة ولادى مفيهاش حاجة
انا ممتن للى منة عملته علشان خلانى اعرفك 
منة مكنتش اكتر من بداية لقصتنا انا وانتى 
كانت سبب علشان اعرفك 
بلاش انتى تشوفيها سبب ترفضى علشانه لأن فعلا كل اللى قولتيه ده مش فارق معايا
انا مش فارق معايا غيرك 
سندس ما خلاص فهمت راعى انك اول مرة تتكلم معايا
زياد رابع مرة مش اول مرة
سندس قصدى يعنى تتكلم معايا على
انى سندس مش منة ومبقاش شوفتك صدفة وانا رايحة لمنة علشان اديها دبلتها لأنها نسيت تلبسها
زياد هو ده اللى جابك الشركة يومها
سندس اه هى نسيتها وبعد الشغل احمد كان هيعدى عليها ويخرجو 
زياد وكان هيتخانق معاها لو ملقهاش لابسة الدبلة
سندس مش هيتخانق معاها
بس هيضايق ويزعل ومنة پتخاف على زعل احمد اوى 
زياد عقبال ما تخافى على زعلى انتى كمان يا رب
سندس على فكرة انت بتقول كلام مينفعش وبتتجاوز حدودك
زياد بابتسامة على فكرة انا عايز اتجوزك 
سندس عارفة 
زياد الحمد لله انك عارفة ردك ايه بقى على اللى انتى عارفاه ده
سندس موافقة اقتنعت بكلامك 
زياد بجد
سندس بابتسامة بجد
صدف غريبة بتحصلنا فى الدنيا
لا مش صدف قدر 
قدر بيكونله ترتيبات اكبر من تفكيرنا واغرب من خيالنا ومتخطرلناش على بال مهما فكرنا وشطحنا بتفكيرنا
مفيش حاجة بتحصل عبث كده وخلاص
ربنا سبحانه مقدر وكاتب كل حاجة 
ومفيش حاجة بتحصل اسمها صدفة
حكايات_منار
فضلا تدعو لابويا بالرحمة والمغفرة وان يسكنه الله فردوسه الأعلى بدون حساب ولا سابقة عڈاب هو وموتى المسلمين جميعا خصوصا من زال اثره فلم يذره زائر ولم يذكره ذاكر